കുവൈറ്റില് സൈബര് തട്ടിപ്പുകള് വര്ദ്ധിച്ച് വരുന്ന സാഹചര്യത്തില് ഇത്തരം തട്ടിപ്പുകള്ക്ക് ഇരയാകുന്നവര് ഉടന് തന്നെ വിവരം നല്കണമെന്ന് നാഷണല് സെന്റര് ഫോര് സൈബര് സെക്യൂരിറ്റി അധികൃതര് ആവശ്യപ്പെട്ടു.
സൈബര് തട്ടിപ്പുകള് വ്യാപകമായി റിപ്പോര്ട്ട് ചെയ്യപ്പെടുന്നതിന്റെ പശ്ചാത്തലത്തിലാണ് അധികൃതരുടെ ഈ മുന്നറീയിപ്പ്. രാജ്യത്ത് വിവിധ സര്ക്കാര് ഏജന്സികളുടെയും മന്ത്രാലയങ്ങളുടെയും വെബ് സൈറ്റുകളും ഇലക്ട്രോണിക് സംവിധാനങ്ങളും ഹാക്ക് ചെയ്യപ്പെടുന്ന സംഭവങ്ങളും വര്ദ്ധിച്ചു വരികയാണെന്ന് അധികൃതര് പറഞ്ഞു. സൈബര് ആക്രമണത്തിനെതിരെ ജാഗ്രത പുലര്ത്താന്, കഴിഞ്ഞ ആഴ്ച ചേര്ന്ന മന്ത്രി സഭാ യോഗം എല്ലാ സര്ക്കാര് ഏജന്സികള്ക്കും അധികൃതര് നിര്ദ്ദേശം നല്കിയിട്ടുണ്ട്.
അതേസമയം സൈബര് സുരക്ഷയുമായി ബന്ധപ്പെട്ടു അവബോധം വളര്ത്തുന്നതിന്റെ ഭാഗമായി, സ്വദേശി യുവാക്കള്ക്കായി 'ഹാക്കത്തോണ് 2024'' എന്ന പേരില് സംഘടിപ്പിക്കുന്ന മത്സരത്തിന്റെ രജിസ്ട്രേഷന് ആരംഭിച്ചതായി അധികൃതര് അറിയിച്ചു. നവംബര് 30 ന് കുവൈറ്റ് അല് ഷദാദിയ യൂണിവേഴ്സിറ്റിയില് വെച്ച്ചായിരിക്കും മത്സരം നടക്കുക . പ്രഥമ ഉപ പ്രധാനമന്ത്രിയും ആഭ്യന്തര പ്രതിരോധ മന്ത്രിയുമായ ഷെയ്ഖ് ഫഹദ് അല് യൂസുഫിന്റെ രക്ഷാകര്തൃത്വത്തില് ആണ് മത്സരം നടക്കുകയെന്നും അധികൃതര് അറിയിച്ചു.