സ്വന്തം ലേഖകൻ

പല തുറന്ന് പറച്ചിലിലൂടെ മലയാള സിനിമയില്‍ തന്നെ ഞെട്ടലുണ്ടാക്കിയ വ്യക്തിയാണ് മിനു മുനീര്‍. നടന്‍ ജയസൂര്യയ്ക്ക് എതിരെ ലൈംഗിക ആരോപണം നടത്തിയ താരം പിന്നീട് പറഞ്ഞ കാര്യങ്ങള്‍ മലയാള സിനിമയില്‍ തന്നെ ഞെട്ടലുണ്ടാക്കുന്നുണ്ട്.

ഇന്നലെയാണ് മിനു മുനീറിന്റെ പരാതിയില്‍ പൊലീസ് ജയസൂര്യയെ ചോദ്യം ചെയ്യാന്‍ വിളിച്ചത്. ചോദ്യം ചെയ്യലിന് ശേഷം ജയസൂര്യ ആദ്യമായി മാധ്യമങ്ങളെ കാണുകയും ചെയ്തു. തനിക്ക് അവരെ പരിചയം ഇല്ലെന്നും. ആരോപണങ്ങളെല്ലാം വെറും കള്ളക്കഥകളാണെന്നുമായിരുന്നു ജയസൂര്യ പറഞ്ഞത്.

ഇപ്പോഴിതാ ജയസൂര്യയ്ക്ക് എതിരെ വീണ്ടും പറയുകയാണ് മിനു മുനീര്‍. തന്റെ ഫേസ്ബുക്ക് അക്കൗണ്ടില്‍ താരം പങ്കുവെച്ച വാക്കുകളാണ് ഇപ്പോള്‍ വീണ്ടും വാര്‍ത്തയാകുന്നത്. നുണ പരിശോധനയ്ക്ക് അടക്കം താന്‍ തയ്യാറാണ് എന്ന് പറഞ്ഞുകൊണ്ടാണ് മിനു മുനീര്‍ ഒരു കുറിപ്പ് പങ്കുവെച്ചിരിക്കുന്നത്. കുറിപ്പിന്റെ പൂര്‍ണ്ണരൂപം ഇങ്ങനെ..

'പച്ച കള്ളം ലക്ഷണം കണ്ണാടിയില്‍ കൂടെ കൂടെ കൈ വയ്ക്കുന്നത്.രണ്ടു മണിക്കൂറും പൊളിഞ്ഞു 3 ദിവസം ഉള്ള ഫോട്ടോയും വീഡിയോയും എന്റെ കയ്യിലുണ്ട്. അതെന്താ അത്രയും പേര്‍ ഉണ്ടായിട്ടു ജയസൂര്യയുടെ പേര് മാത്രം പറഞ്ഞത്. ജനങ്ങള്‍ പൊട്ടന്മാരല്ല ധൈര്യമുണ്ടോ നുണ പരിശോധനക്ക് വരാന്‍?????? ഞാന്‍ റെഡി ആണ്.. ഒരു കുറ്റവാളിയും കുറ്റം സമ്മതിക്കില്ല. അടുത്ത ജനറേഷന്‍ പെണ്‍കുട്ടികള്‍ക്ക് ധൈര്യമായി വാഷ് റൂമില്‍ പോകാം ഇനി ജയസൂര്യക്ക് ധൈര്യം ഉണ്ടാവില്ല ആര്‍ക്കും.പിന്നെ സോണിയായുടെ കാര്യം പുള്ളി സത്യം പറഞ്ഞു. തൊടുപുഴയില്‍ അല്ല കൂത്തട്ടുകുളതായിരുന്നു. 2013 അല്ല 2011 ആയിരുന്നു.. തോന്നിവാസത്തിന് പോയാല്‍ കുടുബം തകരും. എന്താണ് ഞങ്ങള്‍ പൃഥ്വിരാജിന്റെ പേര് പറയാത്തത്? ടോവിനോ? കുഞ്ചാക്കോ,,,,,, ഞങ്ങള്‍ക്കും കുടുംബവും മക്കളും ഉണ്ട്. വെറുതെ ഒരാളുടെ പേര് പറഞ്ഞാല്‍ ദൈവം വിടില്ല ആ പേടിയുള്ളവരാണ്.... സത്യമേ ജയിക്കൂ ജയസൂര്യ'