എര്ഡിങ്ടണ്: ഏര്ഡിങ്ടണ് മലയാളി അസോസിയേഷന്റെ പുതിയ ഭാരവാഹികള് ഔദ്യോഗികമായി ചുമതലയേറ്റു. ഓണാഘോഷത്തിന്റെ ഭാഗമായി നടന്ന പൊതുസമ്മേളനത്തിലാണ് പുതിയ ഭാരവാഹികളെ സമുചിതമായി തിരഞ്ഞെടുത്തത്. അസോസിയേഷന് പ്രസിഡന്റായ മോനി ഷിജോയുടെ അദ്ധ്യക്ഷതയില് യോഗം പുരോഗമിച്ചു.
ഭാരവാഹികളായി, ജോര്ജ് മാത്യു പ്രസിഡന്റും, ഡിജോ ജോണ് സെക്രട്ടറിയും, റോണി ഈസി ട്രഷററുമായി തെരഞ്ഞെടുക്കപ്പെട്ടു. കൂടാതെ, ആനി കുര്യന് വൈസ് പ്രസിഡന്റായും, ജിനേഷ് സി. മനയില് ജോയിന്റ് സെക്രട്ടറിയായും, ജോര്ജ് ഉണ്ണുണ്ണി ജോയിന്റ് ട്രഷററായും, ഷൈനി വിവേക് കള്ച്ചറല് കോഓര്ഡിനേറ്ററായും, തോമസ് എബ്രഹാം, ബിജു എബ്രഹാം, അജേഷ് തോമസ് എന്നിവരെ ഏരിയ കോഓര്ഡിനേറ്റര്മാരായും നിയമിച്ചു.
യോഗത്തില് അനിത സേവ്യര് റിപ്പോര്ട്ട് അവതരിപ്പിക്കുകയും, ട്രഷറര് ജെയ്സണ് തോമസ് സാമ്പത്തിക റിപ്പോര്ട്ട് സമര്പ്പിക്കുകയും ചെയ്തു. വൈസ് പ്രസിഡന്റ് ജോര്ജ് മാത്യു ഓണാശംസകള് നേര്ന്നു. കള്ച്ചറല് കോഓര്ഡിനേറ്റര് കാര്ത്തിക നിജു സദസ്സിനെ സ്വാഗതം ചെയ്യുകയും, ജോയിന്റ് സെക്രട്ടറി ഡിജോ ജോണ് നന്ദി പ്രകാശിപ്പിക്കുകയും ചെയ്തതോടെ സമ്മേളനം സമാപിച്ചു.
അസോസിയേഷന്റെ മുന് ഭാരവാഹികളായ ജന്സ് ജോര്ജ്, കുഞ്ഞുമോന് ജോര്ജ്, മേരി ജോയ്, അശോകന് മണ്ണില് എന്നിവര് സമ്മേളനത്തിന് സദ്ഭാവനയോടെ നേതൃത്വം നല്കി.