ഗുരുവായൂരപ്പന് ചാര്ത്താന് ഭക്തന് സമര്പ്പിച്ചത് പൊന്നിന് കിരീടം. 25 പവനില് അധികം തൂക്കം വരുന്ന പൊന്നിന് കിരീടമാണ് ഗുരുവായൂരപ്പന് വേണ്ടി ഭക്തന് കാണിക്കയായി സമര്പ്പിച്ചത്.
പ്രവാസി മലയാളിയായ രതീഷ് മോഹനാണ് ഗുരുവായൂരപ്പന് മുന്നില് കിരീടം സമര്പ്പിച്ചത്. ചങ്ങനാശേരി കോട്ടമുറി സ്വദേശിയായ രതീഷ് ആണ് തന്റെ ഇഷ്ട ദേവന് മുന്നില് ഈ വിലപിടിപ്പുള്ള കാണിക്ക സമര്പ്പിച്ചത്.
ഭക്തന് സമര്പ്പിച്ച കിരീടം പന്തീരടി പൂജയും ഉച്ചപൂജയ്ക്കും ശേഷം ഗുരുവായൂരപ്പന് ചാര്ത്തുകയും ചെയ്തു. 200.53 ഗ്രാം തൂക്കമുള്ള കിരീടം പൂര്ണ്ണമായും ദുബായിലാണ് നിര്മ്മിച്ചത്. രതീഷ് മോഹന് ദേവസ്വം തിരുമുടി മാല, കളഭം, പഴം, പഞ്ചസാര എന്നിവ അടങ്ങിയ ഗുരുവായൂരപ്പന്റെ വിശിഷ്ട പ്രസാദങ്ങള് നല്കി. ഇദ്ദേഹം കഴിഞ്ഞ ഒക്ടോബറില് ഗുരുവായൂരപ്പന് മുന്നില് പൊന്നോടക്കുഴല് സമര്പ്പിച്ചിരുന്നു.
ക്ഷേത്രം ഊരാളനും ദേവസ്വം ഭരണ സമിതി അംഗവുമായ മല്ലിശ്ശേരി പരമേശ്വരന് നമ്പൂതിരിപ്പാട് രതീഷില് നിന്നും കിരീടം ഏറ്റുവാങ്ങി. ക്ഷേത്രം ഡപ്യൂട്ടി അഡ്മിനിസ്ട്രേറ്റര് പ്രമോദ് കളരിക്കല്, അസി.മാനേജര് എ വി പ്രശാന്ത് തുടങ്ങിയവര് സന്നിഹിതരായിരുന്നു.