ഗായകന് വിജയ്യും അവതാരികയും നടിയുമായ ദേവികയും ഇപ്പോള് സോഷ്യല് മീഡിയ താരങ്ങളാണ്. ദേവിക അഞ്ച് മാസം ഗര്ഭിണിയാണിപ്പോള്. ഗര്ഭിണിയായശേഷം ദേവികയും വിജയിയും സ്ഥിരം യാത്രകളാണ്. അടുത്തിടെ കോലാലംപൂര് പോയ വിശേഷങ്ങള് താരദമ്പതികള് വീഡിയോയാക്കി പങ്കിട്ടിരുന്നു. എന്നാല് ഇപ്പോഴിതാ വിജയ് മാധവ് പങ്കിട്ട പുതിയ റീല് വീഡിയോ ഏറെ വിമര്ശനങ്ങള് ഏറ്റുവാങ്ങുകയാണ്.
ഹേറ്റേഴ്സ് ഇല്ലാത്ത കപ്പിളായിരുന്നവര്ക്കാണ് ഇപ്പോള് നിരവധി വിമര്ശനങ്ങള് ലഭിക്കുന്നത്. യാത്രയ്ക്കിടെ ക്ഷീണിച്ച് അവശയായ ദേവിക ഛര്ദ്ദിക്കുന്നതാണ് വീഡിയോയിലുള്ളത്. അമ്മയുടെ അവസ്ഥ കണ്ട് ഒന്നര വയസുകാരന് ആത്മജ കരയുന്നതും റീലില് കാണാം. ആദ്യമായാണ് ഇത്തരമൊരു വീഡിയോ റീലാക്കി വിജയ് മാധവ് പങ്കുവെക്കുന്നത്. കൂടാതെ ഇന്സ്റ്റഗ്രാമില് വീഡിയോ പങ്കിട്ടപ്പോള് ഒരു സാഡ് ബിജിഎമ്മും വീഡിയോയ്ക്ക് ബാഗ്രൗണ്ട് മ്യൂസിക്കായി ചേര്ത്തിയിരുന്നു.
അതെല്ലാമാണ് പ്രേക്ഷകരെ പ്രകോപിപ്പിച്ചത്. കരഞ്ഞുവിളിച്ച് അടുത്ത ട്രിപ്പ് തുടങ്ങി എന്നാണ് ദേവിയുടെ സെക്കന്റുകള് മാത്രം ദൈര്ഘ്യമുള്ള വീഡിയോ പങ്കിട്ട് വിജയ് തലക്കെട്ടായി കുറിച്ചത്. പാക്കിങ്ങൊക്കെ കഴിഞ്ഞ് രാത്രി നേരെ വൈകി കിടക്കുകയും നേരത്തെ എഴുന്നേല്ക്കുകയും ചെയ്തതിന്റെ ഭാഗമായാണ് ഈ ഛര്ദ്ദിയെന്നും ദേവിക വീഡിയോയില് പറയുന്നുണ്ടായിരുന്നു. വീഡിയോ വൈറലായതോടെ പ്രത്യക്ഷപ്പെട്ട കമന്റുകള് ഇങ്ങനെയാണ്... എന്തോ അത്യാഹിതം സംഭവിച്ചതുപോലെയുള്ള ഒരു മ്യൂസിക്ക്.
ഇതൊക്കെ കുറച്ച് ഓവറാണ്. സന്തോഷത്തോടെ സേഫ് ആയിട്ട് ഇരിക്കൂ, എന്തിനാണ് ഇതൊക്കെ നാട്ടുകാരെ കാണിക്കുന്നത്, എന്താണ് വിജയ് കാണിക്കുന്നത്. ഒരു ഗര്ഭിണി ഛര്ദ്ദിക്കുന്നത് റീല്സാക്കി ഇടാന് മാത്രമുണ്ടന്ന് എനിക്ക് തോന്നിയില്ല. താങ്കള് കുറച്ചു ബുന്ദിയുള്ള യുട്യൂബറാണെന്ന് കരുതി, ഛര്ദിലും ഒരു അനുഗ്രഹം... അതും വീഡിയോയാക്കാന് പറ്റിയല്ലേ... നമിച്ചു. അമ്മക്ക് പ്രസവവേദന.. മോള്ക്ക് വീണവായനയെന്ന് കേട്ടിട്ടേ ഉള്ളൂ... ദാ ഇപ്പൊ കണ്ടു. എന്നിങ്ങനെ നീളുകയാണ് കമന്റുകള്.