ബോളിവുഡ് കിംഗ് ഖാന് ഷാരുഖ് ഖാന് മികച്ച നടനുള്ള പുരസ്കാരം നേടിക്കൊടുത്ത കഥാപാത്രമാണ് ദേവദാസ് എന്ന ടൈറ്റില് റോളിലെത്തിയ ചിത്രത്തിലേത്. ഈ കഥാപാത്രത്തിന്റെ പൂര്ണതയ്ക്ക് വേണ്ടി താന് മദ്യപിച്ചിട്ടുണ്ടെന്ന് തുറന്നുപറയുകയാണ് ഷാരുഖ് ഖാന്. എന്നാല് ഈ ചിത്രത്തിന് ശേഷം മദ്യപാനം തുടര്ന്നുവെന്നും ഇത് ആരോ?ഗ്യത്തെ ബാധിച്ചുവെന്നും ഷാരൂഖ് ഖാന് പറഞ്ഞു. ലൊകാര്ണോ ഫിലിം ഫെസ്റ്റിവലില് സംസാരിക്കവെയാണ് ഷാരൂഖ് ഇക്കാര്യങ്ങള് വെളിപ്പെടുത്തിയത്.
ദേവദാസ് അവതരിപ്പിക്കാന് മദ്യം കഴിച്ചത് ഗുണം ചെയ്തോ എന്ന ചോദ്യത്തിന് തനിക്ക് മികച്ച നടനുള്ള പുരസ്കാരം ലഭിച്ചുവെന്നായിരുന്നു ഷാരൂഖ് ഖാന്റെ മറുപടി. പക്ഷേ സിനിമയ്ക്ക് ശേഷം താന് മദ്യപാനം തുടര്ന്നുവെന്നും അത് പോരായ്മയായിരുന്നുവെന്നും ഷാരൂഖ് ഖാന് പ്രതികരിച്ചു. ഇത് തന്റെ ആരോഗ്യത്തെ ബാധിച്ചുവെന്നും അദ്ദേഹം കൂട്ടിച്ചേര്ത്തു.
'ദേവദാസിനോട് പ്രേക്ഷകര്ക്ക് സ്നേഹം തോന്നണമെന്ന് ഞാന് ആ?ഗ്രഹിച്ചിട്ടില്ല. പക്ഷേ, ദേവദാസിനെ നിങ്ങള് വെറുക്കണമെന്നും ഞാന് ആ?ഗ്രഹിച്ചിട്ടില്ല. ആ കഥാപാത്രം വിവരണാതീതനായിരിക്കണമെന്ന് മാത്രമാണ് എനിക്ക് വേണ്ടിയിരുന്നത്', ഷാരൂഖ് പറഞ്ഞു.
2002 ലാണ് സഞ്ജയ് ലീല ബാന്സാലിയുടെ 'ദേവദാസ്' പുറത്തിറങ്ങുന്നത്. ഷാരൂഖ് ദേവദാസായപ്പോള് പ്രണയിനി പാര്വതിയെ ഐശ്വര്യ റായ് അവതരിപ്പിച്ചു. ചന്ദ്രമുഖി എന്ന ദേവദാസിയുടെ വേഷത്തില് എത്തിയത് മാധുരി ദീക്ഷിത്തായിരുന്നു.