ബോളീവുഡ് താരം സല്മാന് ഖാന് വധഭീഷണി വന്ന വാര്ത്തകള് സോഷ്യല് മീഡിയയിലും മറ്റ് മാധ്യമങ്ങളിലും നിറഞ്ഞിരുന്നു. അതിനിടയില് താരം ഇനി ബിഗ്ബോസ് ഷോ ഹോസ്റ്റ് ചെയ്യാന് എത്തുമോ എന്ന സംശയവും ബിഗ്ബോസ് ആരാധകരില് ഉണ്ടായിരുന്നു. എന്നാല് കഴിഞ്ഞ ദിവസത്തെ ബിഗ്ബോസ് ഷൂട്ടിന് വേണ്ടി താരം എത്തിയത് വാര്ത്തയാകുകയാണ്.
വധഭീഷണികള്ക്കിടയിലും സല്മാന് ഖാന് ടിവി റിയാലിറ്റി ഷോ ആയ ബിഗ്ബോസ് സീസണ് 18ന്റെ സെറ്റിലെത്താന് വിസമ്മതിച്ചില്ല. കഴിഞ്ഞ ദിവസം രാത്രിയോടെ തന്നെ താരം സെറ്റിലെത്തി. അതിശക്തമായ സുരക്ഷാവലയത്തിലാണ് താരം എത്തിയത് എന്നതാണ് പ്രത്യേകത.
തലേദിവസം തന്നെ ഷെഡ്യൂള് ചെയ്ത ഷൂട്ടിംഗിന് മുന്നോടിയായി സല്മാന് രാത്രിയോടെ തന്നെ സെറ്റില് എത്തുകയായിരുന്നു. ബിഗ് ബോസ് സെറ്റിന്റെ കോമ്പൗണ്ടിനുള്ളിലെ അദ്ദേഹത്തിനായി ഒരുക്കിയിരിക്കുന്ന വസതിയിലായിരുന്നു താമസം.
കനത്ത സുരക്ഷയില്, പ്രൊഡക്ഷനുമായും ചാനലുമായും ഏകോപിപ്പിച്ച് നേരത്തെ തീരുമാനിച്ചതുപോലെ തന്നെ ഷോയുടെ ചിത്രീകരണം തുടരുമെന്ന് അധികൃതര് അറിയിച്ചു. 60ലധികം സുരക്ഷാ ഉദ്യോഗസ്ഥര് താരത്തിന്റെ സുരക്ഷ ഉറപ്പാക്കാനായി സെറ്റിലുണ്ടാകും. കൃത്യമായ ആധാര്കാര്ഡ് വെരിഫിക്കേഷന് കൂടാതെ പുറത്തുനിന്നുള്ള ആര്ക്കും കോമ്ബൗണ്ടില് പ്രവേശിക്കാന് അനുവാദമുണ്ടായിരിക്കില്ല. ഈ വാരാന്ത്യത്തില് സംപ്രേഷണം ചെയ്യുന്ന രണ്ട് വീക്കെന്ഡ് എപ്പിസോഡുകളുടെയും ചിത്രീകരണം പൂര്ത്തീകരിക്കുന്നതു വരെയും സെറ്റ് വിട്ട് പുറത്തേക്ക് പോവരുതെന്ന് 18 അംഗ ക്രൂവിന് നിര്ദേശം നല്കിയിട്ടുണ്ട്.
തുടരെയുള്ള വധഭീഷണികള് ഉയരുന്നതിന്റെ പശ്ചാത്തലത്തില് നേരത്തെ തന്നെ സല്മാന് ഖാന് വേണ്ടിയുള്ള സുരക്ഷ വര്ദ്ധിപ്പിച്ചിരുന്നു. താരത്തിന്റെ അടുത്ത സുഹൃത്തും മഹാരാഷ്ട്ര മുന് മന്ത്രിയുമായ ബാബ സിദ്ദിഖിയുടെ കൊലപാതകത്തിന് ശേഷം, സല്മാന്െൈ വ പ്ലസ് സുരക്ഷ നല്കിയിരുന്നു. ഇതിനിടെയാണ് വീണ്ടും താരത്തിന് നേരെ വധഭീഷണി ഉയര്ന്നിരിക്കുന്നത്. ലോറന്സ് ബിഷ്ണോയി സംഘത്തിലെ ഒരാളാണ് ഭീഷണി സന്ദേശം അയച്ചത്.