ഹോളിവുഡ് നിര്മ്മാതാക്കളുമായി കൈകോര്ത്ത് സിനിമ മേഖലയിലേക്ക് ഇറങ്ങാന് തീരുമാനിച്ച് മെറ്റ. പ്രമുഖ ഹോളിവുഡ് നിര്മ്മാതാക്കളുമായി മെറ്റ ഇതിന് കൈകോര്ക്കുന്നു എന്നാണ് പുറത്ത് വരുന്ന വിവരം.
എഐ സിനിമ പുറത്തിറക്കാനാണ് മെറ്റയുടെ തീരുമാനം. ദ പര്ജ്, ഗെറ്റ് ഔട്ട് അടക്കമുള്ള ഹിറ്റ് ചിത്രങ്ങള് ഒരുക്കിയ ബ്ലംഹൌസ് പ്രൊഡക്ഷന്സുമായിട്ടാണ് മെറ്റ കൈകോര്ത്തിരിക്കുന്നത്.
ഉപയോക്തൃ നിര്ദ്ദേശങ്ങളെ അടിസ്ഥാനമാക്കി ലൈഫ് ലൈക്ക് വീഡിയോ, ഓഡിയോ ക്ലിപ്പുകള് സൃഷ്ടിക്കാന് കഴിയുന്ന മൂവി ജെന് എന്ന് വിളിക്കപ്പെടുന്ന മെറ്റയുടെ ഏറ്റവും പുതിയ ജനറേറ്റീവ് എഐ
വീഡിയോ മോഡലിന്റെ പരിധികള് ഉയര്ത്താനാണ് ഈ പങ്കാളിത്തത്തിലൂടെ മെറ്റ ലക്ഷ്യമിടുന്നത്.
ഈ മാസം ആദ്യമാണ് മെറ്റ മൂവി ജാന് എന്ന ടൂള് അവതരിപ്പിച്ചു. ഓപ്പണ്എഐ, ഇലവന് ലാബ്സ് തുടങ്ങിയ മറ്റ് എഐ വമ്ബന്മാരില് നിന്നുള്ള ഓഫറുകളുമായി മത്സരിക്കാന് കഴിവുള്ള ഒരു ടൂളായാണ് ഇതിനെ മെറ്റ കണക്കാക്കുന്നത്.