താരസംഘടനയായ അമ്മയെ വിമര്ശിച്ച് നടി മല്ലികാ സുകുമാരന്. മിണ്ടാതിരുന്ന് കേള്ക്കുന്നവര്ക്കേ സംഘടനയില് സ്ഥാനമുള്ളൂവെന്ന് നടി ആരോപിച്ചു. മാധ്യമപ്രവര്ത്തകരോടായിരുന്നു നടിയുടെ പ്രതികരണം.
കൈനീട്ടം എന്ന പേരില് നല്കുന്ന സഹായത്തില് പക്ഷഭേദമുണ്ട്. സംഘടനയില് കുറേയൊക്കെ തെറ്റുകള് നടന്നിട്ടുണ്ടെന്ന് മോഹന്ലാലിനും അറിയാം. അമ്മയ്ക്കുള്ളില് പലരും അവരവരുടെ ഇഷ്ടങ്ങള് നടത്താന് നോക്കിയിട്ടുണ്ട്. കൈനീട്ടം എന്ന പേരിലുള്ള സഹായത്തില് നിന്ന് അര്ഹതപ്പെട്ട പലരെയും മാറ്റിനിര്ത്തുകയാണ്. എന്നാല് മാസത്തില് 15 ദിവസവും വിദേശത്ത് പോകുന്നവര്ക്ക് ഈ സഹായം ഉണ്ട്.
അതിജീവിതയായ നടിക്കുനേരെ അക്രമം നടന്നുവെന്നത് നൂറ് ശതമാനം സത്യമാണ്. അതിന്റെ പേരിലാണ് ഈ ചര്ച്ചകളൊക്കെ തുടങ്ങിയത്. ഏഴുവര്ഷം പിന്നിട്ടിട്ടും അക്കാര്യത്തില് അന്വേഷണം എന്തായി എന്ന് സര്ക്കാര് പറയണം. എന്നിട്ടുവേണം ഇന്നലെ സംഭവിച്ച കാര്യങ്ങള് പറയാന്.
ഇപ്പോള് ആരൊക്കെയോ ചാനലുകളില് മൈക്ക് കിട്ടുമ്ബോള് എന്തൊക്കെയോ പറയുന്നുണ്ട്. അഭിനയിക്കാന് അവസരം കിട്ടാന് ഹോട്ടല് മുറികളില് അഞ്ചും ആറും തവണയൊക്കെ പോകുന്നത്. മോശം പെരുമാറ്റമുണ്ടായാല് ആദ്യം തന്നെ വിലക്കണം. കുടം തുറന്ന് ഭൂതത്തെ പുറത്തുവിട്ടത് പോലെയായി ഹേമ കമ്മിറ്റി റിപ്പോര്ട്ടെന്നും മല്ലിക സുകുമാരന് പറഞ്ഞു.