ഇന്ത്യയില് നിന്നും യു.കെ., യു.എസ്., കാനഡ തുടങ്ങിയിടങ്ങളിലേക്ക് സഞ്ചരിക്കുന്ന യാത്രക്കാര്ക്ക് പ്രത്യേക ഭക്ഷണം വിളമ്പാനൊരുങ്ങി ബ്രിട്ടിഷ് എയര്വേയ്സ്. ഇന്ത്യയ്ക്കും യുകെയ്ക്കുമിടയിലുള്ള വിമാന സര്വീസുകളുടെ 100-ാം വാര്ഷികം ആഘോഷിക്കാന് ഒരുങ്ങുന്ന ബ്രിട്ടിഷ് എയര്വേയ്സ് ആണ് ഇത്തരത്തില് പുതിയ ഭക്ഷണം പരീക്ഷിക്കുന്നത്.
യാത്രക്കാര്ക്ക് വിമാനത്തില് പരമ്പരാഗത ഇന്ത്യന് വിഭവങ്ങളൊരുക്കി നല്കാനാണ് കമ്പനിയുടെ തീരുമാനം. ഇന്ത്യയില് നിന്നും യു.കെ., യു.എസ്., കാനഡ തുടങ്ങിയിടങ്ങളിലേക്ക് സഞ്ചരിക്കുന്ന യാത്രക്കാര്ക്ക് നവംബര് അവസാനം വരെ ഈ വിഭവങ്ങള് ലഭ്യമാകുമെന്നാണ് വിമാനക്കമ്പനി അറിയിച്ചിരിക്കുന്നത്.
തേങ്ങാ ചോര്, മട്ടണ് കറി, ചക്കബിരിയാണി, പനീര് കുര്മ, സഫ്രാനി ചിക്കന് തുടങ്ങിയവയാണ് വിഭവങ്ങളിലെ പ്രധാന ആകര്ഷണം. കൂടാതെ നൂറോളം ഇന്ത്യന് സിനിമകളും യാത്രക്കാര്ക്കായി ഒരുക്കിയിട്ടുണ്ടെന്നാണ് റിപ്പോര്ട്ട്.
ഇന്ത്യയില് നിന്നും ലണ്ടനിലേക്ക് നിലവില് ആഴ്ചയില് 56 വിമാനങ്ങളാണ് സര്വീസ് നടത്തുന്നത്. ഇതില് പ്രതിദിനം മൂന്നെണ്ണം മുംബൈയില് നിന്നാണ്. രണ്ട് ഡല്ഹിയില് നിന്നും ചെന്നൈ, ബെംഗളൂരു, ഹൈദരാബാദ് എന്നിവിടങ്ങളില് നിന്നും ഓരോ എണ്ണം വീതവും പ്രതിദിനം സര്വീസ് നടത്തുന്നുണ്ട്.