പലതരം ഡയറ്റെടുത്ത് പ്രായത്തെ തോല്‍പ്പിക്കാന്‍ തീരുമാനിച്ചവര്‍ ആണ് നിങ്ങളെങ്കില്‍ ശതകോടീശ്വരന്‍ ബ്രയാന്‍ ജോണ്‍സന്റെ ഈ ഡയറ്റ് തീര്‍ച്ചയായും അറിഞ്ഞിരിക്കണം. ഇദ്ദേഹം പ്രായം കൂടുന്നത് തടയുന്നതിനായി എടുത്ത് തുടങ്ങിയ ഡയറ്റിനെ കുറിച്ചാണ് ഇപ്പോള്‍ വെളിപ്പെടുത്തിയരിക്കുന്നത്.
ഇദ്ദേഹത്തിന്റെ ഭക്ഷണ രീതി അനുസരിച്ച് ഒരു ദിവസത്തെ ഭക്ഷണം അവസാനിക്കുന്നത് രാത്രിയോ വൈകുന്നേരമോ അല്ല, രാവിലെ 11 മണിക്കാണ്. ഒരു ദിവസത്തെ ആറ് മണിക്കൂറിനിടെ ആ ദിവസത്തെ എല്ലാ ഭക്ഷണവും കഴിക്കുമെന്നാണ് അദ്ദേഹം വ്യക്തമാക്കിയിരിക്കുന്നത്.
രാവിലെ 11 ന് ഭക്ഷണം അവസാനിപ്പിച്ചാല്‍ അതിന് ശേഷം രാത്രി ഉറങ്ങി എഴുന്നേല്‍ക്കുന്നത് വരെ 18 മണിക്കൂറോളം ഉപവസിക്കുമെന്ന് അദ്ദേഹം പറയുന്നു. ഈ ദിനചര്യ താന്‍ ഇഷ്ടപ്പെടുന്നുവെന്നും ഇത് നല്ല ഉറക്കം നല്‍കുമെന്നും യുട്യൂബര്‍ രണ്‍വീര്‍ അല്ലാബാഡിയക്ക് നല്‍കിയ അഭിമുഖത്തില്‍ പറയുന്നു. 47 കാരനായ വ്യക്തിയാണ് ബ്രയാന്‍ ജോണ്‍സണ്‍.
പയര്‍, പച്ചക്കറികള്‍, ബെറീസ്, പരിപ്പ്, വിത്തുകള്‍, എക്‌സ്ട്രാ വെര്‍ജിന്‍ ഒലിവ് ഓയില്‍ എന്നിവ ഉള്‍പ്പെടുന്ന ഭക്ഷണമാണ് കഴിക്കുന്നതെന്നും പഞ്ചസാര, പ്രൊസസ് ചെയ്തതും വറുത്തതുമായ ഭക്ഷണങ്ങള്‍, തിരിച്ചറിയാത്ത ചേരുവകളുള്ളതുമായ ഭക്ഷണങ്ങളുമെല്ലാം ഒഴിവാക്കിയെന്നും അദ്ദേഹം പറയുന്നു. കഴിഞ്ഞ വര്‍ഷം ബ്രയാന്‍ ജോണ്‍സന്റെ ഡയറ്റ് ചാര്‍ട്ട് വൈറലായിരുന്നു. കൊളാജന്‍, സ്‌പെര്‍ഡിമിന്‍, ക്രിയാറ്റിന്‍ എന്നിവ അടങ്ങിയ ഗ്രീന്‍ ജയന്റ് സ്മൂത്തി കഴിച്ചാണ് അദ്ദേഹം ഒരു ദിവസം ആരംഭിക്കുന്നതെന്ന് ഫോര്‍ച്യൂണ്‍ റിപ്പോര്‍ട്ടില്‍ പറയുന്നു.
പിന്നീട് അഞ്ച് മണിക്കൂര്‍ സമയപരിധിയ്ക്കുള്ളില്‍ വെജിറ്റബിള്‍ സാലഡും നട്ട്‌സ് പുഡ്ഡിങും ശേഷം മധുരക്കഴിങ്ങ് ഓറഞ്ച് ഫെനല്‍ എന്നിവ അടങ്ങുന്ന ഭക്ഷണവും ശേഷം ഫെന്നല്‍ സാലഡും കഴിക്കും.
ഒരു വര്‍ഷത്തിനുള്ളില്‍ തന്റെ കഷണ്ടിയെ അതിജീവിച്ചതും സ്വാഭാവികമായ നിറത്തിലുള്ള മുടി തിരിച്ചുകൊണ്ടുവന്നതും എങ്ങനെയെന്ന് അദ്ദേഹം പങ്കുവെക്കുകയുണ്ടായി. പോഷകാഹാരം ഉള്‍പ്പടെയുള്ള ജീവിത രീതികളിലൂടെയും ലഘുചികിത്സകളിലൂടെയുമാണ് ഈ മാറ്റമുണ്ടായതെന്നാണ് അദ്ദേഹം പറയുന്നത്. മുടി സംരക്ഷിക്കുന്നതിന് പുരുഷന്മാര്‍ നേരത്തെ തന്നെ ശ്രമിച്ച് തുടങ്ങണമെന്ന് അദ്ദേഹം പറയുന്നു. 40-കളിലും അതിന് ശേഷവും തലനിറയെ മുടി നിലനിര്‍ത്തുക സാധ്യമാണെന്നും അദ്ദേഹം പറയുന്നു.
'ജനിതകപരമായി ഞാന്‍ കഷണ്ടിയാവേണ്ടതാണ്, 20 കള്‍ അവസാനത്തോടെ തന്നെ എനിക്ക് മുടികൊഴിച്ചില്‍ ആരംഭിച്ചതാണ്. എന്നാല്‍ 47 വയസാവുമ്പോള്‍ എനിക്ക് തലനിറയെ മുടിയുണ്ട്. 70 ശതമാനം നരയും ഇല്ലാതായി'-അദ്ദേഹം എക്‌സില്‍ പങ്കുവെച്ച പോസ്റ്റില്‍ പറയുന്നു. അതെങ്ങനെ സാധ്യമായെന്നും അദ്ദേഹം പോസ്റ്റില്‍ പറയുന്നുണ്ട്.
More Latest News
ഗൂഗിളിന് വന്‍ തുക പിഴയിട്ട് റഷ്യ, പിഴ 20 ഡിസിലയണ്‍ ഡോളര്‍
യു.എ.ഇയില്‍ സെപ്റ്റംബര്‍ ഒന്നിന് ആരംഭിച്ച പൊതുമാപ്പ് പദ്ധതി രണ്ട് മാസത്തേക്ക് കൂടി നീട്ടി, ഡിസംബര്‍ 31വരെ
ദീപാവലി പ്രമാണിച്ച് വീടൊന്ന് ക്ലീന്‍ ചെയ്തു, അബദ്ധത്തില്‍ മാലിന്യ ട്രക്കിലേക്ക് എടുത്ത് എറിഞ്ഞ മാലിന്യങ്ങളുടെ കൂട്ടത്തില്‍ പെട്ടു പോയത് നാല് ലക്ഷം രൂപ വിലയുള്ള സ്വര്‍ണ്ണാഭരണങ്ങള്‍!!!
ആറ് വര്‍ഷം ഒന്ന് അനങ്ങാന്‍ പോലും ആകാതെ കിടപ്പിലായി, ഭാര്യയുടെ പരിചരണം കൊണ്ട് ജീവിതത്തിലേക്ക് തിരികെ എത്തി, രോഗം മാറിയ ഉടനെ മറ്റൊരു വിവാഹം!! നന്ദിയില്ലാത്ത ഭര്‍ത്താവെന്ന് സോഷ്യല്‍ മീഡിയ
'ഉപദ്രവിക്കാന്‍ ശ്രമിച്ചയാളുടെ കരണം അടിച്ച് പുകച്ചു', യാത്രയ്ക്കിടയില്‍ ബസില്‍ നിന്നുണ്ടായ മോശം അനുഭവത്തെ കുറിച്ച് പറഞ്ഞ് സ്റ്റാര്‍ മാജിക്ക് താരം അനുമോള്‍
Most Read
British Pathram Recommends
