ബിഗ്ബോസ് മുന് സീസണിലെ ഒരു മത്സരാര്ത്ഥിയാണ് രഞ്ജിനി ഹരിദാസ്. ബിഗ്ബോസ് സീസണ് വണ്ണില് വിജയി ആയില്ലെങ്കിലും അറുപത്തി മൂന്ന് ദിവസം രഞ്ജിനി നിന്നു. മികച്ച് ഒരു മത്സരാര്ത്ഥിയായിരുന്നു താരം.
ഒരു സമയത്ത് രഞ്ജിനി ഇംഗ്ലീഷ് പറയുന്നത് പോലെ അനുകരിക്കാന് പല അവതാരകരും ശ്രമിച്ചിരുന്നു. അവതരണത്തില് വലിയൊരു മാറ്റം കൊണ്ടുവന്നതില് രഞ്ജിനിക്ക് വലിയൊരു പങ്കുണ്ട്. രഞ്ജിനിയുടെ ഇംഗ്ലീഷും മലയാളവും കലര്ന്നുള്ള അവതരണം പ്രേക്ഷകര്ക്ക് അത്രയും പ്രിയപ്പെട്ടതായി മാറി.
ഇപ്പോഴിതാ രഞ്ജിനി പറഞ്ഞ ഒരു കാര്യമാണ് സോഷ്യല് മീഡിയയില് വൈറലാകുന്നത്. ബിഗ് ബോസ് ഹൗസില് ഫേവറിസം ഉണ്ടെന്ന് ജാന്മണി പറഞ്ഞപ്പോള് ഉടനെ രഞ്ജിനി ഇടപെട്ടാണ് ആ കാര്യം വ്യക്തമാക്കിയത്. അത്തരമൊരു വാക്ക് ഇല്ലെന്നാണ് രഞ്ജിനി പറയുന്നത്.
'എന്താണത് ഫേവറിസമോ, അങ്ങനെ ഒരു വാക്ക് ഡിക്ഷ്ണറിയില് ഇല്ല. ലാലേട്ടന് പോലും ഫേവറിസം എന്നാണ് ഉപയോഗിക്കുന്നത്. എനിക്കതില് പ്രശ്നമുണ്ട്. അത് ഫേവറിസം അല്ല, ഫേവറൈറ്റിസം (favoritism) ആണ്.' രഞ്ജിനി ഹരിദാസ് പറഞ്ഞു. വീണ്ടും ജാന് മണി ആ വാക്ക് ഉപയോഗിക്കുമ്പോള് രഞ്ജിനി തിരുത്തുന്നുണ്ട്.