ബ്രിട്ടണില്‍ മോഷണ, ആക്രമണ സംഭവങ്ങള്‍ അനുദിനം കുതിച്ചുയരുമ്പോള്‍ പോലീസ് വെറും കാഴ്ചക്കാരായി നോക്കി നില്‍ക്കുന്നു. കഴിഞ്ഞ വര്‍ഷം 215,000 കവര്‍ച്ചാ കേസുകള്‍ തെളിയിക്കാന്‍ പോലീസിനു കഴിഞ്ഞില്ല എന്നാണ് വിവരം. ഇതോടെ ദിവസേന 600 കേസുകളെങ്കിലും ഈ വിധത്തില്‍ തെളിവില്ലാതെ അവസാനിക്കുന്നുവെന്നാണ് ഹോം ഓഫീസ് കണക്കുകള്‍ പരിശോധിച്ച് ലിബറല്‍ ഡെമോക്രാറ്റുകള്‍ നടത്തിയ അന്വേഷണത്തില്‍ തെളിഞ്ഞത്. ഇംഗ്ലണ്ടിലും, വെയില്‍സിലും റിപ്പോര്‍ട്ട് ചെയ്യുന്ന കവര്‍ച്ചാ കേസുകളിലെ 76 ശതമാനമാണ് ഈ വിധത്തില്‍ തുമ്പില്ലാതെ പോകുന്നത്. കേവലം 6 ശതമാനം മോഷണ കേസുകളിലാണ് പ്രതിയെ കോടതിയില്‍ എത്തിക്കുന്നതില്‍ വിജയിച്ചത്.
അതേസമയം കാര്‍ മോഷണ സംഭവങ്ങളും രാജ്യത്ത് കുതിച്ചുയരുകയാണ്. ലണ്ടന് പുറത്ത് ഏറ്റവുമധികം കാര്‍ മോഷണം നടക്കുന്നത് കവന്‍ട്രിയിലാണ്. 1000 താമസക്കാര്‍ക്ക് 15.07 കാര്‍ മോഷണം വീതം ഇവിടെ നടക്കുന്നു എന്നാണ് പോലീസ് രേഖകള്‍ കാണിക്കുന്നത്. തൊട്ടു പുറകിലായി 1000 പേര്‍ക്ക് 13.68 കാര്‍ മോഷണങ്ങളുമായി ബ്ലാക്ക് കണ്‍ട്രിയിലെ വാള്‍സാള്‍ ഉണ്ട്. ഈ ലിസ്റ്റില്‍ ഏഴാമതാണ് ബിര്‍മിംഗ്ഹാമിന്റെ സ്ഥാനം. വെസ്റ്റ് മിഡ്ലാന്‍ഡ്സില്‍ വാഹ്നങ്ങളുമായി ബന്ധപ്പെട്ട കുറ്റകൃത്യങ്ങള്‍ പെരുകുന്നു എന്നത് അടിവരയിട്ട് പറയുകയാണ് ഈ കണക്കുകള്‍. ഓണ്‍ലൈന്‍ മാര്‍ക്കറ്റിംഗ് സര്‍ജറിയും വെസ്റ്റ് മിഡ്ലാന്‍ഡ്സ് ഗാരേഡ് ഡോര്‍സും ചേര്‍ന്ന് ശേഖരിച്ച കഴിഞ്ഞ വര്‍ഷത്തെ കണക്കുകളാണ് ഇപ്പോള്‍ പുറത്തു വിട്ടിരിക്കുന്നത്.
കാര്‍ മോഷണം അധികമായി നടക്കുന്ന പ്രദേശങ്ങളില്‍ താമസിക്കുന്ന കാര്‍ ഉടമകള്‍, തങ്ങളുടെ കാറുകള്‍ക്ക് അധിക സുരക്ഷ ഉറപ്പാക്കണമെന്ന് വിദഗ്ധര്‍ നിര്‍ദ്ദേശിക്കുന്നു. സുരക്ഷാ ആശങ്ക എക്കാലത്തേയും കാള്‍ കൂടുതലുള്ള ഈ സമയത്ത് വീടിനും സ്വത്തിനും സംരക്ഷണമൊരുക്കേണ്ടത് അതീവ പ്രാധാന്യമുള്ള കാര്യമാണ്. സാധാരണയായി ഉയര്‍ന്ന കുറ്റകൃത്യ നിരക്കുള്ള പ്രദേശങ്ങളില്‍, കാര്‍ മോഷണം അടുത്ത കാലത്തായി വര്‍ദ്ധിച്ചിട്ടുണ്ട്.
സുരക്ഷിതമല്ലാത്ത ഗാരേജ് വാതിലുകള്‍ ഇല്ലാത്ത വീടുകളാണ് മോഷ്ടക്കള്‍ ഉന്നം വയ്ക്കുന്നത്. ഇത്തരം ദുര്‍ബലമായ സുരക്ഷാ സംവിധാനങ്ങള്‍ മോഷ്ടാക്കള്‍ക്ക് അവരുടെ ജോലി എളുപ്പമാക്കും. ഇത്തരം പ്രദേശങ്ങളില്‍ താമസിക്കുന്നവര്‍, മതിയായ സുരക്ഷാ സമവിധാനങ്ങള്‍ ഒരുക്കിയില്ലെങ്കില്‍, മോഷ്ടാക്കളുടെ ഇരകളാകാനുള്ള സാധ്യത വളരെ കൂടുതലാണെന്ന് ബിര്‍മ്മിംഗ്ഹാം ലൈവ് ചൂണ്ടിക്കാട്ടി.
More Latest News
ഗ്രേറ്റ് ബ്രിട്ടന്‍ സീറോ മലബാര്‍ രൂപത ഏഴാമത് ബൈബിള്‍ കലോത്സവം നവംബര്‍ 16ന് സ്‌കന്തോര്‍പ്പില്‍, നിയമാവലി പ്രകാശനം ചെയ്ത് മാര്‍ ജോസഫ് സ്രാമ്പിക്കല്‍
സൗത്ത് ഇന്ത്യന്‍ മലയാളി അസോസിയേഷന്‍ സൈമാ പ്രെസ്റ്റണിന്റെ ആഭിമുഖ്യത്തില്‍ സ്നേഹ സംഗീത രാവ്, ഈമാസം 31ന് വൈകിട്ട് ആറു മണിക്ക് പ്രെസ്റ്റണ്‍ ക്രൈസ്റ്റ് ചര്‍ച്ചില്‍
'ഹാപ്പി ബര്‍ത്ത് ഡേ സുധി ചേട്ടാ, നിങ്ങളെ ഞാന്‍ ആഴത്തില്‍ മിസ്സ് ചെയ്യുകയാണ്' കൊല്ലം സുധിക്ക് പിറന്നാള്‍ ആശംസകള്‍ നേര്‍ന്ന് ഭാര്യ രേണു
പാല്‍ ചായ അധിക നേരം തിളപ്പിക്കുന്ന പതിവുണ്ടോ? ഇനി അത് നിറുത്തുന്നതാണ് നല്ലതെന്ന് ആരോഗ്യവിദഗ്ധര്‍
കോഹ്ലിയുടെ വിജയത്തില്‍ കണ്ണ് നിറയുന്ന അനുഷ്‌ക ശര്‍മ്മ, സോഷ്യല്‍ മീഡിയയില്‍ വീണ്ടും ശ്രദ്ധ നേടി താരങ്ങളുടെ സന്തോഷ പ്രകടനം
Most Read
British Pathram Recommends
