![](https://britishpathram.com/malayalamNews/97253-uni.jpg)
ധ്യാന് ശ്രീനിവാസന്റെ സിനിമകളേക്കാള് അഭിമുഖങ്ങളാണ് ഏറെ രസകരമെന്ന് പലപ്പോഴും എല്ലാവരും പറഞ്ഞിട്ടുള്ളത്. മാത്രമല്ല അഭിപ്രായങ്ങള് എല്ലാം തുറന്ന് പറയാന് ധ്യാനിന് മടിയില്ല. അത് തന്നെയാണ് താരത്തെ മറ്റുള്ളവരില് നിന്നും വ്യത്യാസപ്പെടുത്തുന്നത്. അച്ഛന് ശ്രീനിവാസനെ പോലെ തമാശയിലൂടെ കുറിക്ക് കൊള്ളുന്ന മറുപടി പറയാന് ധ്യാനിന് കഴിവുണ്ടെന്ന് പലരും പറഞ്ഞിട്ടുണ്ട്.
വിനീത് ശ്രീനിവാസന് സംവിധാനം ചെയ്ത് ധ്യാനും പ്രണവ് മോഹന്ലാലും അഭിനയിച്ച ചിത്രമാണ് വര്ഷങ്ങള്ക്കു ശേഷം. സിനിമ തീയറ്ററില് വലിയ ഹിറ്റായില്ല. ഒടിടിയിലും ചിത്രത്തിന് നിറയെ ട്രോളുകളായിരുന്നു. വര്ഷങ്ങള്ക്കു ശേഷത്തിനൊപ്പം തീയറ്ററില് ഇറങ്ങിയ മറ്റൊരു ചിത്രമായിരുന്നു ആവേശം. ഇപ്പോഴിതാ തന്റെ ചിത്രത്തേക്കാള് തനിക്കിഷ്ടപ്പെട്ടത് ആവേശമായിരുന്നു എന്ന് തുറന്ന് പറഞ്ഞിരിക്കുകയാണ് ധ്യാന്.
ബോക്സ് ഓഫിസില് ആവേശം വമ്പന് വിജയം സ്വന്തമാക്കുകയും ചെയ്തിരുന്നു. എന്നാല് ഇരു ചിത്രങ്ങളും റിലീസ് ചെയ്തതിനു പിന്നാലെ ആവേശത്തെക്കുറിച്ച് ധ്യാന് പറഞ്ഞ വാക്കുകള് വലിയ രീതിയില് ചര്ച്ച ചെയ്യപ്പെട്ടു. സെക്കന്ഡ് ഹാഫില് ആവേശത്തിന് ലാഗുണ്ടെന്നാണ് ധ്യാന് പറഞ്ഞത്. 'വര്ഷങ്ങള്ക്കു ശേഷം' സിനിമയേക്കാള് തനിക്കിഷ്ടപ്പെട്ടത് 'ആവേശ'മാണെന്ന് തുറന്നു പറഞ്ഞിരിക്കുകയാണ് ധ്യാന് ശ്രീനിവാസന് ഇപ്പോള്. ആവേശം ഹിറ്റായി എന്ന ആളുകളുടെ പ്രതികരണം വന്നതിനു ശേഷമാണ് രാത്രിയില് പോയി തമാശയ്ക്ക് അങ്ങനെ പ്രതികരണം നടത്തിയത്. വര്ഷങ്ങള്ക്ക് ശേഷം സിനിമയുടെ പ്രശ്നങ്ങള് തനിക്കറിയാമെന്നും താന് അഭിനയിച്ച സിനിമയെ താഴ്ത്തിക്കെട്ടാതിരിക്കാന് പറ്റില്ലല്ലോ എന്നും ധ്യാന് പറഞ്ഞു. 'പാര്ട്ണേഴ്സ്' എന്ന പുതിയ സിനിമയുടെ പ്രസ്മീറ്റില് സംസാരിക്കുകയായിരുന്നു താരം.
ആവേശം സിനിമ ഇറങ്ങുന്നതിനു മുന്നേ നമുക്ക് അറിയാം, ആ സിനിമ എങ്ങനെ വരുമെന്നുള്ളത്. ഈ സിനിമ എത്രത്തോളം നല്ലതാണെന്നുള്ളതിന്റെ വാര്ത്തകളും നേരത്തെ കിട്ടും. ഞാനങ്ങനെ പറഞ്ഞുകൊണ്ട് ആ സിനിമയ്ക്കൊന്നും സംഭവിക്കാന് പോകുന്നില്ല. ആ സിനിമ പുറത്തിറങ്ങി ഹിറ്റായി എന്ന ആളുകളുടെ പ്രതികരണം വന്നതിനു ശേഷമാണ് ഞാന് രാത്രിയില് പോയി തമാശയ്ക്ക് ആ പ്രതികരണം നടത്തിയത്. അതിനു മുന്നേ തന്നെ വര്ഷങ്ങള്ക്കു ശേഷത്തേക്കാള് മുകളിലാണ് ആവേശമെന്ന വാര്ത്ത വന്നു കഴിഞ്ഞു. പിന്നീട് ഉസ്താദ് ഹോട്ടല്, ചരിത്രം നമ്മള് ആവര്ത്തിക്കും എന്നൊക്കെ പറഞ്ഞത് വെറുതെ ഒരോളമുണ്ടാക്കാന് വേണ്ടി മാത്രമാണ്. എനിക്കറിയില്ലേ, ആവേശം അതിനേക്കാള് നല്ല സിനിമയാണെന്ന്.
പക്ഷേ ആ സമയത്ത് എനിക്കെന്റെ സിനിമയെ താഴ്ത്തിക്കെട്ടി പറയാന് പറ്റില്ലല്ലോ? എനിക്കറിയാം വര്ഷങ്ങള്ക്കു ശേഷത്തിലെ പ്രശ്നങ്ങളൊക്കെ. ഞാന് അഭിനയിച്ചൊരു സിനിമ, അതിനോടൊപ്പം ഇറങ്ങുന്ന മറ്റൊരു സിനിമ. എനിക്കു ചിലപ്പോള് എന്റെ സിനിമയേക്കാള് ഇഷ്ടപ്പെടുന്നത് അതിന്റെ കൂടെ ഇറങ്ങിയ സിനിമയാകും. കണ്ടപ്പോള് ആവേശമാണ്, വര്ഷങ്ങള്ക്കു ശേഷത്തേക്കാള് ഇഷ്ടപ്പെട്ടത്. അത് സത്യമല്ലേ. നമ്മുടെ ടേസ്റ്റ് വ്യത്യാസം വരുന്നതില് തെറ്റില്ലല്ലോ?''-ധ്യാന് ശ്രീനിവാസന് പറഞ്ഞു
More Latest News
അമേരിക്കയില് ചൂടില് ഉരുകിയൊലിച്ച് എബ്രഹാം ലിങ്കണും, മുന് പ്രസിഡന്റ് എബ്രഹാം ലിങ്കണിന്റെ മെഴുക് പ്രതിമ സ്ഥാപിച്ച് വെറും നാലുമാസം പിന്നിടുമ്പോള് തന്നെ ചൂടില് ഉരുകിയൊലിച്ചു
![](https://britishpathram.com/malayalamNews/thumb/97374-uni.jpg)
തെരുവുനായയ്ക്ക് രക്തദാനം നടത്താന് രക്തം വേണമെന്ന് അഭ്യര്ത്ഥിച്ച് രത്തന് ടാറ്റ, മൃഗങ്ങളുടെ ജീവനും വിലപ്പെട്ടതാണെന്ന് ഒരിക്കല്കൂടി ഓര്മ്മപ്പെടുത്തി ഒരു കുറിപ്പ്
![](https://britishpathram.com/malayalamNews/thumb/97373-uni.jpg)
മദ്യപിച്ച് ഒരു വര്ഷം മരിക്കുന്നവര് ലക്ഷക്കണക്കിന് പേര്, മദ്യപാനത്തിനെതിരെ മുന്നറിയിപ്പ് നല്കി ലോകാരോഗ്യ സംഘടന
![](https://britishpathram.com/malayalamNews/thumb/97372-uni.jpg)
മെറ്റ എഐ വേണ്ടന്ന് ഉറപ്പിച്ച് ഐഫോണ്, ഐഫോണ് ഉപയോക്താക്കള്ക്ക് മെറ്റ എഐ ലഭ്യമാകില്ല
![](https://britishpathram.com/malayalamNews/thumb/97371-uni.jpg)
പണിമുടക്കി വാട്സ്ആപ്പ്, വലിയ രീതിയില് പരാതി ട്വീറ്റുകളും ആയി ഉപയോക്താക്കള് എക്സില്
![](https://britishpathram.com/malayalamNews/thumb/97370-uni.jpg)