നടി മീര നന്ദന് വിവാഹിതയായി. ഇന്ന് വെളുപ്പിനെ ഗുരുവായൂരമ്പലത്തില് വച്ചാണ് മീരയും ശ്രീജുവും വിവാഹിതരായത്. അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരുന്നു വിവാഹം. വിവാഹ ചിത്രങ്ങള് മീര ഇന്സ്റ്റഗ്രാമിലൂടെ പങ്കുവച്ചിട്ടുണ്ട്. നിരവധി പേരാണ് നവദമ്പതികള്ക്ക് ആശംസ നേരുന്നത്.
കഴിഞ്ഞ ദിവസം ഹല്ദി ചിത്രങ്ങളും മീര പങ്കുവച്ചിരുന്നു. കഴിഞ്ഞ വര്ഷം സെപ്റ്റംബറിലാണ് മീര നന്ദനും ശ്രീജുവുമായുള്ള വിവാഹനിശ്ചയം നടന്നത്. അടുത്ത സുഹൃത്തുക്കളായ നസ്രിയ നസിം, ശ്രിന്ദ, ആന് അഗസ്റ്റിന് തുടങ്ങിയവര് മീരയുടെ ഹല്ദി ചടങ്ങുകളില് പങ്കെടുത്തിരുന്നു.
അടുത്ത ബന്ധുക്കര് മാത്രം പങ്കെടുത്ത ചടങ്ങില് വരന് ശ്രീജു മീര നന്ദന് വരണമാല്യം ചാര്ത്തി. ലണ്ടനില് അക്കൗണ്ടന്റാണ് ശ്രീജു. കൊച്ചി എളമക്കര സ്വദേശിയാണ് മീര നന്ദന്. 2008 ല് റിലീസായ മുല്ലയ്ക്ക് പുറമെ തൊട്ടടുത്ത വര്ഷം വാല്മീകി എന്ന ചിത്രത്തിലൂടെ തമിഴിലും 2011 ല് ജയ് ബോലോ തെലങ്കാന എന്ന ചിത്രത്തിലൂടെ തെലുങ്കിലും 2014 ല് കരോട്പതി എന്ന ചിത്രത്തിലൂടെ കന്നഡയിലും താരം തുടക്കം കുറിച്ചു. ഈ വര്ഷം പുറത്തെത്തിയ എന്നാലും എന്റെളിയാ ആണ് മീര അഭിനയിച്ച് ഒടുവില് തിയേറ്ററുകളിലെത്തിയ ചിത്രം.