കടുത്ത മത്സരം നേരിട്ട 'അമ്മ'യുടെ ജനറല് സെക്രട്ടറി സ്ഥാനത്തേക്ക് തിരഞ്ഞെടുക്കപ്പെട്ട് നടന് സിദ്ദിഖ്. സിദ്ദിഖിനെതിരെ കുക്കു പരമേശ്വരന്, ഉണ്ണി ശിവപാല് എന്നിവരാണ് മത്സരിച്ചത്. ജഗദീഷും ജയന് ചേര്ത്തലയുമാണ് വൈസ് പ്രസിഡന്റുമാറായി തെരെഞ്ഞടുക്കപ്പെട്ടു. മത്സര രംഗത്ത് മഞ്ജു പിള്ളയും ഉണ്ടായിരുന്നു . ജോയിന്റ് സെക്രട്ടറി സ്ഥാനത്തേക്ക് അനൂപ് ചന്ദ്രനെതിരെ ബാബുരാജ് വിജയിച്ചു.
അതേസമയം എക്സിക്യൂട്ടീവ് കമ്മറ്റിയിലേക്കുള്ള വോട്ടെണ്ണല് പുരോഗമിക്കുകയാണ്. നിലവില് പ്രസിഡന്റായ മോഹന്ലാല് പ്രസിഡന്റ് സ്ഥാനത്തേക്ക് വീണ്ടും തിരഞ്ഞെടുക്കപ്പെട്ടിരുന്നു. കൂടാതെ ട്രഷറര് സ്ഥാനത്തേക്ക് ഉണ്ണി മുകുന്ദനും എതിരില്ലാതെ തിരഞ്ഞെടുക്കപ്പെട്ടു.
ബാബുരാജും അനൂപ് ചന്ദ്രനും തമ്മിലായിരുന്നു ജോയിന്റ് സെക്രട്ടറി സ്ഥാനത്തേക്ക് മത്സരം ഉണ്ടായത് . അതില് മത്സരത്തിലേക്ക് 11 അംഗ എക്സിക്യൂട്ടീവിലേക്ക് 12 പേരാണ് മത്സരിച്ചത്. അമ്മയുടെ ഭരണഘടന അനുസരിച്ച് ആകെയുള്ള 17 ഭാരവാഹികളില് 4 പേര് സ്ത്രീകളായിരിക്കണം എന്നാണ്. മമ്മൂട്ടി യുകെയില് ആയതിനാല് യോഗത്തിന് പങ്കെടുക്കാന് സാധിച്ചില്ല. കേന്ദ്രമന്ത്രിയും നടനുമായ സുരേഷ് ഗോപി വോട്ടിങ് അവസാനിക്കുന്നതിന് തൊട്ടു മുന്പ് എത്തിയിരുന്നു.