സിനിമാ റിലീസിങിന് മുന്പ് ചിത്രങ്ങളുടെ പ്രമോഷന് പരിപാടികള്ക്ക് എല്ലാ താരങ്ങളും പങ്കെടുക്കുക പതിവാണ്. എന്നാല് ചില താരങ്ങള് അത്തരം പരിപാടികള്ക്ക് പൊതുവേ എത്താറില്ല. അതില് ഒരാളാണ് നയന്താര. എന്നാല് കഴിഞ്ഞ ദിവസം ഒരു സിനിമയുടെ പ്രൊമോഷന് ചടങ്ങിന് താരം എത്തിയിരുന്നു. വിഷ്ണു വര്ധന് സംവിധാനം ചെയ്യുന്ന നെസിപ്പായ എന്ന ചിത്രത്തിന്റെ പ്രൊമോഷനിലാണ് നയന്താര പങ്കെടുത്തത്.
ഇപ്പോഴിതാ ആ പരിപാടിക്ക് എത്തിയ നയന്താര പറഞ്ഞ കാര്യങ്ങളാണ് സോഷ്യല്മീഡിയയില് വൈറലാകുന്നത്. ആകാശ് മുരളി, അദിതി ശങ്കര് എന്നിവരാണ് ചിത്രത്തില് പ്രധാന വേഷത്തിലെത്തുന്നത്. നെസിപ്പായയുടെ ഫസ്റ്റ് ലുക്ക് പോസ്റ്ററും അണിയറപ്രവര്ത്തകര് പുറത്തുവിട്ടിരുന്നു. ഇപ്പോഴിതാ പ്രൊമോഷന് വേദിയില് നയന്താര പറഞ്ഞ വാക്കുകളാണ് ശ്രദ്ധേയമാകുന്നത്.
'ഞാന് പൊതുവെ ഫങ്ഷനുകള്ക്കൊന്നും പോകാറില്ല. പക്ഷേ ഇത് എന്റെ സംവിധായകന് വിഷ്ണുവിന്റെയും എന്റെ ഏറ്റവും അടുത്ത സുഹൃത്ത് അനുവിന്റെയും സിനിമയും ആയതിനാല് ഇത് എനിക്ക് വളരെ സ്പെഷ്യലാണ്. അതുകൊണ്ട് ഇത് എനിക്ക് ഒരു കുടുംബ പരിപാടി പോലെയാണ്. അതിനാല് ഇവിടെ വരാതിരിക്കാന് എനിക്കാവില്ല'- നയന്താര പറഞ്ഞു.
'വിഷ്ണു മികച്ച ഫിലിംമേക്കറും അതുപോലെ വളരെ അതിശയിപ്പിക്കുന്ന ഒരു മനുഷ്യനുമാണ്. 10-15 വര്ഷത്തിലേറെയായി എനിക്ക് അദ്ദേഹത്തെ അറിയാം. ആകാശിനെ നിങ്ങള്ക്ക് മുന്പില് പരിചയപ്പെടുത്താനായതില് എനിക്ക് സന്തോഷമുണ്ട്. ഈ ചിത്രത്തിനായി ശരിക്കും കാത്തിരിക്കുന്നു, കാരണം വളരെക്കാലത്തിന് ശേഷം ഒരു സ്വീറ്റ് പ്രണയകഥ വരുന്നു. ഈ സിനിമയില് പ്രവര്ത്തിച്ച എല്ലാവര്ക്കും ആശംസകള് നേരുന്നു. അതോടൊപ്പം ഈ സിനിമ ഒരു ബ്ലോക്ക്ബസ്റ്റര് ആവട്ടെ എന്ന് ഞാന് ആശംസിക്കുന്നു'- നയന് കൂട്ടിച്ചേര്ത്തു.