കഴിഞ്ഞ രണ്ടാഴ്ചയ്ക്കിടെ സിഡ്നിയിലെ ബീചുകളില് പെയ്ത മഴകളില് കടലില് വന്ന് അടിഞ്ഞുകൂടിയത് 20-ലധികം കടല് ഡ്രാഗണുകള്. സിഡ്നി യൂനിവേഴ്സിറ്റി ഓഫ് ടെക്നോളജിയിലെ മറൈന് ഇകോളജി പ്രൊഫസര് ഡോ. ഡേവിഡ് ബൂത് പറഞ്ഞത് പ്രകാരം ഞെട്ടിക്കുന്ന വസ്തുതകളാണ് വാര്ത്തകളില് നിറയുന്നത്.
മലിനവസ്തുക്കളും കാലാവസ്ഥാ വ്യതിയാനവും സമുദ്രത്തില് വലിയ പത സൃഷ്ടിച്ചതിന്റെ ഫലമായാണ് ഇത് സംഭവിച്ചതെന്നാണ് വിദഗ്ദരുടെ അഭിപ്രായം. കടല് ഡ്രാഗണുകളെ (വ്യാളി) സാധാരണയേക്കാള് 10 മടങ്ങ് വലുതായാണ് കണ്ടെത്തിയിരിക്കുന്നത്. ഇതില് ദുരൂഹതയുണ്ടെന്ന് പലരും പറഞ്ഞതോടെ ജനങ്ങള് ആശങ്കാകുലരായി.
ഒരാഴ്ചയ്ക്കുള്ളില് താന് ഏഴ് കടല് വ്യാളികളില് തട്ടിവീണതായി ബീചിലെ പതിവ് സന്ദര്ശകയായ ബെറ്റി റാറ്റ്ക്ലിഫിനെ ഉദ്ധരിച്ച് ദി സിഡ്നി മോര്ണിംഗ് ഹെറാള്ഡ് റിപോര്ട് ചെയ്തു. 'ഞാന് ആദ്യം കണ്ടെത്തിയ വ്യാളി അടുത്തിടെ മരിച്ചു, അതിനെ കണ്ടെപ്പോഴൊക്കെ വളരെ ഉത്സാഹമുള്ള ജീവിയായി തോന്നിയിരുന്നു. ഓറന്ജ്, മഞ്ഞ, മാന്തളിര് നിറങ്ങളായിരുന്നു അതിനുണ്ടായിരുന്നത്.അടുത്ത രണ്ട് ദിവസങ്ങളില് ഞാന് കൂടുതല് കൂടുതല് വ്യാളികളെ കണ്ടെത്തി' - ' റാറ്റ്ക്ലിഫ് പറഞ്ഞു.
കളകളുള്ള കടല് ഡ്രാഗണുകളെ 'കഠിനമായ ചെറിയ ഡ്രാഗണുകള്' എന്ന് അദ്ദേഹം വിശദീകരിച്ചു. അവരുടെ ജീവിതകാലം മുഴുവന് 20 മുതല് 50 മീറ്റര് അകലേക്ക് അവ പോകാറില്ല. അതിശക്തമായ ഒഴുക്കുള്ളപ്പോള് പോലും കടല്ച്ചെടികളില് പിടിച്ച് അവ കിടക്കും. പ്രായപൂര്ത്തിയായ വ്യാളികളും അവര് ജനിച്ച സ്ഥലത്ത് നിന്ന് 50-500 മീറ്ററുകള്ക്കപ്പുറം അപൂര്വമായി മാത്രമേ സഞ്ചരിക്കാറുള്ളൂ എന്നും അദ്ദേഹം പറയുന്നു. കുറച്ചുകാലം മുമ്പ്, ഓസ്ട്രേലിയയിലെ സണ്ഷൈന് തീരപ്രദേശത്തെ ഒരു കടല്ത്തീരത്ത്, വലിയ നഖങ്ങളും ഇഴജന്തുക്കള്ക്ക് സമാനമായ തലയോട്ടിയും നീളമുള്ള വാലുമുള്ള ഒരു അന്യഗ്രഹ ജീവിയെ കണ്ടെത്തിയിരുന്നു.