കേറ്ററിങ്ങില് കുടുംബ സമ്മേതം താമസിച്ചിരുന്ന മാര്ട്ടിന ചാക്കോ (40) നിര്യാതയായി. കോഴിക്കോട് നമ്പിയാമഠം കുടുംബാഗമാണ്. ഇന്ന് ഉച്ച കഴിഞ്ഞ് രണ്ടര മണിയോടു കൂടിയാണ് മരണം സംഭവിച്ചത്. മൂന്നൂ വര്ഷമായി അര്ബുദ ചികിത്സയിലായിരുന്നൂ മാര്ട്ടിന, കേറ്ററിങ്ങ് എന് എച്ച് എസ് ആശുപത്രിയില് നേഴ്സായിരുന്നൂ. പരേതയുടെ വിയോഗം കെറ്ററിങ്ങ് മലയാളികളെ ഒന്നടങ്കം ദുഖത്തിലാക്കിയിരിക്കുകയാണെന്ന് കുടുംബ സുഹൃത്തും കെറ്ററിങ്ങ് മലയാളിയുമായ സിനോയി സിറിയക്ക് ബ്രിട്ടീഷ് പത്രത്തോട് പറഞ്ഞു.
കോട്ടയം കുറപ്പന്തറ സ്വദേശിയായ അനീഷ് ചാക്കോയാണ് ഭര്ത്താവ്. സ്കൂള് പ്രായമുള്ള നാലുമക്കളാണ് മാര്ട്ടീനയ്ക്കും അനീഷിനൂം. സംസ്ക്കാരം യുകെയില് തന്നെ നടത്തുവാനാണ് തീരുമാനിച്ചിരിക്കുന്നത് എന്നാല് തീയതി സംബന്ധിച്ച് തീരുമാനമായിട്ടില്ല.
മാര്ട്ടീനയുടെ നിര്യാണത്തില് ദുഖിതരായ കുടുംബാഗങ്ങളോടൊപ്പം ബ്രിട്ടീഷ് പത്രവും പങ്കു ചേരുന്നൂ.