വിഷുവിന് ഇനി ദിവസങ്ങള് മാത്രം. വിഷുവിന് കൈനീട്ടമായി നല്കാന് പുത്തന് നോട്ടുകളാണ് ആര്ബിഐ ഒരുക്കുന്നത്. തിരുവനന്തപുരത്തെ ആര്ബിഐ ആസ്ഥാനത്തു നിന്നും വിവിധ കേന്ദ്രങ്ങളിലെ കറന്സി ചെസ്റ്റുകളില് നിന്നും പുതിയ കറന്സികളും നാണയ തുട്ടുകളും ലഭ്യമാണ്.
തിങ്കള് മുതല് വെള്ളി വരെ രാവിലെ 10 നും ഉച്ചയ്ക്ക് 2.30 നും ഇടയിലാണ് ചില്ലറ വാങ്ങുന്നതിനുള്ള സമയം. അച്ചടി കുറച്ചതിനാല് 10 രൂപ നോട്ടുകള്ക്ക് മാത്രമാണ് ക്ഷാമമെന്ന് ആര്ബിഐ അറിയിച്ചു. വിഷുക്കാലത്ത് മാത്രമല്ല, എല്ലാ സമയത്തും നോട്ടുകള് മാറ്റിവാങ്ങാന് ആര്ബിഐയില് സൗകര്യമുണ്ട്.
വിഷു കൈനീട്ടം കൊടുക്കുന്നവര്ക്ക് ഐശ്വര്യം ഉണ്ടാവും എന്നും കിട്ടുന്നവര്ക്ക് അത് വര്ദ്ധിക്കുമെന്നും ആണ് വിശ്വാസം. ഒരു നാണയം ആയാലും അത് ഐശ്വര്യം നല്കും.ആദ്യകാലങ്ങളില് വിഷുക്കൈനീട്ടമാടായി സ്വര്ണ്ണം, വെള്ളി എന്നിവയില് ഉണ്ടാക്കിയ നാണയങ്ങള് ആയിരുന്നു നല്കിയിരുന്നു. പ്രായമായവര് പ്രായത്തില് കുറവുളളവര്ക്കാണ് സാധാരണ കൈനീട്ടം നല്കുന്നത് എങ്കിലും ചില സ്ഥലങ്ങളില് പ്രായം കുറഞ്ഞവര് മുതിര്ന്നവര്ക്കും കൈനീട്ടം നല്കാറുണ്ട്.