ഏറ്റുമാനൂര്‍ : പതിനാറു വയസ്സുള്ള വിദ്യാര്‍ത്ഥി പൊലീസ് സ്റ്റേഷനില്‍ വിളിച്ച് പറഞ്ഞ പരാതി അനുസരിച്ച് രക്ഷിക്കാനെത്തിയ പൊലീസ് പക്ഷെ ശരിക്കും രക്ഷിച്ചത് അമ്മയെ. വെള്ളിയാഴ്ച രാത്രിയാണ് അമ്മ വീട്ടില്‍ നിന്നും ഇറക്കിവിട്ടെന്ന് പരാതി പെണ്‍കുട്ടി സ്റ്റേഷനില്‍ വിളിച്ച് പറഞ്ഞത്. നിമിഷ നേരം കൊണ്ട് പൊലീസ് അവിടേക്ക് പാഞ്ഞെത്തി പെണ്‍കുട്ടിയെയും കൂട്ടി വീട്ടിലെത്തിയപ്പോള്‍ ഞെട്ടി. അവശനിലയിലായ അമ്മയെ രക്ഷപ്പെടുത്തി പൊലീസ്.
വെള്ളിയാഴ്ച രാത്രിയാണ് പെണ്‍കുട്ടി സഹായം ആവശ്യപ്പെട്ട് പൊലീസ് സ്റ്റേഷനിലേക്കു വിളിച്ചത്. എസ്‌ഐ എച്ച്.ഷാജഹാന്റെ നേതൃത്വത്തിലുള്ള പൊലീസ് സംഘം ആണ് സംഭവ സ്ഥലത്തേക്ക് എത്തിയത്. അവിടെയെത്തിയപ്പോള്‍ വീട്ടില്‍ നിന്ന് 50 മീറ്റര്‍ ദൂരത്തില്‍ റോഡില്‍ ഇറങ്ങി നില്‍ക്കുകയാണ് വിദ്യാര്‍ഥിനി. കാര്യം അന്വേഷിച്ചപ്പോള്‍, അമ്മ തനിക്ക് സ്വാതന്ത്ര്യം നല്‍കുന്നില്ലെന്നും ഉപദ്രവിക്കുകയാണെന്നും വീട്ടില്‍നിന്ന് ഇറക്കിവിട്ടെന്നും പറഞ്ഞു.
വിദ്യാര്‍ഥിനിയെ അനുനയിപ്പിച്ച പൊലീസ് കുട്ടിയെയും കൂട്ടി വീട്ടിലേക്കു ചെന്നു. അവിടെയെത്തിയപ്പോള്‍ വീട്ടിലെ ഉപകരണങ്ങളില്‍ ചിലത് തല്ലിത്തകര്‍ത്ത നിലയിലായിരുന്നു. ചോദിച്ചപ്പോള്‍ അമ്മയോടുള്ള ദേഷ്യത്തില്‍ താന്‍ തന്നെയാണ് അവ തല്ലിത്തകര്‍ത്തതെന്നു പെണ്‍കുട്ടി പറഞ്ഞു. രാത്രി സിനിമയ്ക്കു കൊണ്ടുപോകണമെന്ന് ആവശ്യപ്പെട്ടപ്പോള്‍ അമ്മ സമ്മതിച്ചില്ല എന്നതാണ് വിദ്യാര്‍ഥിനിയുടെ പരാതി.
യുകെയില്‍ പഠിക്കുന്ന പെണ്‍കുട്ടി കഴിഞ്ഞ ഇടയ്ക്കാണ് നാട്ടിലെത്തിയത്. നാളെ യുകെയിലേക്ക് തിരിച്ചു പോകാന്‍ ഇരിക്കുകയായിരുന്നു കുടുംബം. ഈ സാഹചര്യത്തില്‍ രാത്രികാല യാത്ര വേണ്ട എന്ന് അമ്മ പറഞ്ഞതാണ് പെണ്‍കുട്ടിയെ ചൊടിപ്പിച്ചത്.
പെണ്‍കുട്ടിയുടെ വീട്ടിലെത്തിയ പൊലീസ് കണ്ടത് കരഞ്ഞ് തളര്‍ന്നു കിടക്കുന്ന അമ്മയെയാണ്. മകള്‍ക്ക് പിടിവാശി കൂടുതലാണെന്നും തനിക്ക് സമാധാനം നല്‍കുന്നില്ലെന്നും അമ്മ പൊലീസിനോടു പറഞ്ഞു. സംസാരത്തിനിടയില്‍ വീട്ടമ്മയുടെ നാക്ക് കുഴയുകയും കണ്‍പോളകള്‍ അടയുകയും ചെയ്യുന്നതു കണ്ട് എസ്‌ഐക്ക് സംശയം തോന്നി. പൊലീസുകാര്‍ ഇവരെ ആദ്യം തെള്ളകത്തെ സ്വകാര്യ ആശുപത്രിയിലും തുടര്‍ന്ന് മെഡിക്കല്‍ കോളജ് ആശുപത്രിയിലും എത്തിച്ചു.
ആശുപത്രിയിലേക്കു പോകുന്ന വഴിയില്‍ വച്ചാണ്, താന്‍ അമിതഅളവില്‍ ഗുളിക കഴിച്ചിട്ടുണ്ടെന്ന് വീട്ടമ്മ പൊലീസിനോടു വെളിപ്പെടുത്തിയത്. അല്‍പം വൈകിയിരുന്നെങ്കില്‍ ജീവന്‍ നഷ്ടമാകുമായിരുന്നു എന്നാണ് മെഡിക്കല്‍ കോളജ് ആശുപത്രി അധികൃതര്‍ പറഞ്ഞത്. ഏറ്റുമാനൂര്‍ എസ്‌ഐ എച്ച്.ഷാജഹാന്‍, ഡ്രൈവര്‍ നിതിന്‍ ശ്രീനിവാസന്‍, ഹോം ഗാര്‍ഡ് രാജപ്പന്‍, വനിത സിവില്‍ പൊലീസ് ഓഫിസര്‍ ലേഖ എന്നിവ അടങ്ങുന്ന സംഘമാണ് രക്ഷാപ്രവര്‍ത്തനം നടത്തിയത്.
More Latest News
ബാസില്‍ഡണ്‍ മലയാളി അസോസിയേഷന്റെ നേതൃത്വത്തില്‍ യുകെയിലെ മലയാളി വമ്പന്മാര്‍ കൊമ്പുകോര്‍ക്കുന്ന രണ്ടാമത് ഓള്‍ യുകെ വടംവലി മത്സരം, ഒന്നാം സമ്മാനം 1251 പൗണ്ടും ട്രോഫിയും
കിടപ്പു രോഗിയായ മകളുടെ കഴുത്തറുത്ത് കൊലപ്പെടുത്താന്‍ ശ്രമിച്ച ശേഷം അമ്മ ജീവനൊടുക്കി, ഗുരുതരമായി പരിക്കേറ്റ മകളെ ആശുപത്രിയില്‍ പ്രവേശിപ്പിച്ചു
'അഴിമതിപ്പണം അവര്‍ ആസ്വദിച്ചെങ്കില്‍ അതിന്റെ പ്രത്യാഘാതം അനുഭവിക്കാനും ബാധ്യതയുണ്ട്' ഭര്‍ത്താവിന്റെ കൈക്കൂലിപ്പണം കൊണ്ടു ജീവിതം ആസ്വദിച്ച ഭാര്യയും അഴിമതിക്കേസില്‍ കുറ്റക്കാരിയാണെന്ന് ഹൈക്കോടതി
വാണിജ്യ കോളുകള്‍ക്ക് ഇനി 160-ല്‍ തുടങ്ങുന്ന പ്രത്യേക നമ്പര്‍, ലക്ഷ്യം ഉപയോക്താക്കള്‍ക്കുണ്ടാകുന്ന ബുദ്ധിമുട്ടിന് പരിഹാരം കാണുക
മഴ ശക്തമാകുന്നു, പകര്‍ച്ചവ്യാധികള്‍ക്കെതിരെ അതീവ ജാഗ്രത പുലര്‍ത്തണമെന്ന് ആരോഗ്യ വകുപ്പ് നിര്‍ദേശം
Most Read
British Pathram Recommends
