HOT NEWS
കാന്സര് ചികിത്സയില് പുരോഗതി നേടിയ ശേഷം ചാള്സ് രാജാവ് പൊതു ചുമതലകള് പുനരാരംഭിക്കുമെന്ന് കൊട്ടാരം; വരാന് പോകുന്ന വലിയ ഇവന്റുകളില് രാജാവ് പങ്കെടുക്കുന്ന കാര്യം അനിശ്ചിതത്വത്തില്
3>ട്രൂപ്പിംഗ് ദി കളര്, ഡി-ഡേ അനുസ്മരണങ്ങള്, സമ്മര് ഗാര്ഡന് പാര്ട്ടികള്, റോയല് അസ്കോട്ട്, ശരത്കാല വിദേശ യാത്രകള് എന്നിങ്ങനെ അടുത്ത് വരുന്ന ചില വലിയ ഇവന്റുകളില് ചാള്സ് രാജാവ് പങ്കെടുക്കുമോ എന്ന കാര്യം അനിശ്ചിതത്വത്തില്. കാന്സര് ചികിത്സയില് കഴിയുന്നതിനാല് ഇക്കാര്യത്തില് വൈദ്യോപദേശം അനുസരിച്ച് തീരുമാനങ്ങള് എടുക്കുമെന്നാണ് കൊട്ടാരം പറയുന്നത്. എന്നാല് ഇത് ഒരു 'പൂര്ണ്ണ വേനല്ക്കാല പരിപാടി' ആയിരിക്കില്ലെന്നും കൊട്ടാരം കൂട്ടിച്ചേര്ത്തു.
ഫെബ്രുവരിയില് പ്രോസ്റ്റേറ്റ് ഗ്രന്ഥിയുടെ വീക്കത്തെ തുര്ന്ന് ശസ്ത്രക്രിയയ്ക്ക് വിധേയനായതും തുടര്ന്ന് കാന്സര് രോഗം സ്ഥിരീകരിച്ചതിനും പിന്നാലെ രാജാവ് പതിവ് പൊതു പരിപാടികള് ഭാഗികമായി നിര്ത്തി വച്ചിരുന്നു. കാമില രാജ്ഞിയുമായി അദ്ദേഹം അടുത്ത ആഴ്ച ക്യാന്സര് ചികിത്സാ കേന്ദ്രം സന്ദര്ശിക്കുകയും രോഗികളെയും ജീവനക്കാരെയും കാണുകയും കാന്സര് ഗവേഷണത്തിനുള്ള തന്റെ പിന്തുണ അറിയിക്കുകയും ചെയ്യും.
പ്രധാനമന്ത്രിയുമായുള്ള പതിവ് കൂടിക്കാഴ്ചകള് ഉള്പ്പെടെ, രാഷ്ട്രത്തലവന് എന്ന നിലയില് അദ്ദേഹം തന്റെ സ്വകാര്യ ജോലികള് ചെയ്യുന്നുണ്ടെങ്കിലും, ഈ വര്ഷത്തെ അദ്ദേഹത്തിന്റെ ആദ്യത്തെ ഔദ്യോഗിക പൊതു ഇടപഴകലായിരിക്കും ഈ സന്ദര്ശനം.
വിന്ഡ്സറിലെ ഒരു ഈസ്റ്റര് സണ്ഡേ ചര്ച്ചില്, അഭ്യുദയകാംക്ഷികളെ അഭിവാദ്യം ചെയ്തും ആളുകളുടെ കൈ കുലുക്കിയും അദ്ദേഹം ജനക്കൂട്ടത്തെ അത്ഭുതപ്പെടുത്തിയിരുന്നു. ജൂണ് അവസാനത്തോടെ, രാജാവ് രാഷ്ട്രത്തലവന്റെ റോളില് ജപ്പാനിലെ ചക്രവര്ത്തിയെ സ്വീകരിക്കും. 1998 ന് ശേഷം ജപ്പാന്റെ ആദ്യത്തെ ഔദ്യോഗിക ബ്രിട്ടീഷ് സന്ദര്ശനമായിരിക്കും ഇത്.
അത്തരം സന്ദര്ശനങ്ങളില് സാധാരണയായി ബക്കിംഗ്ഹാം കൊട്ടാരത്തില് ഒരു വിരുന്നും ഒരു വാഹന പരേഡും ഉണ്ടാകും. എന്നാല് രാജാവിന്റെ അപ്പോളത്തെ ആരോഗ്യ അവസ്ഥയെ ആശ്രയിച്ച് ഈ സന്ദര്ശനത്തിന് ചില മാറ്റങ്ങള് ഉണ്ടാകാം.
രാജകുടുംബത്തിന് ഈ വര്ഷത്തിന്റെ തുടക്കം ദുഷ്കരമായിരുന്നു. വെയില്സ് രാജകുമാരിയും ക്യാന്സറിന് ചികിത്സയിലാണ്. അതേസമയം, തന്റെ കാന്സര് രോഗനിര്ണയം മുതല്, തനിക്ക് രോഗമുക്തി ആശംസിക്കുന്ന എല്ലാ സന്ദേശങ്ങളും കാര്ഡുകളും തന്നെ എത്രമാത്രം ആശ്വസിപ്പിക്കുന്നുവെന്ന് രാജാവ് പറഞ്ഞിട്ടുണ്ട്.
കാന്സര് പ്രതിരോധ രംഗത്ത് വിപ്ലവകരമായ ചുവടുവയ്പ്പുമായി യുകെ.; സ്കിന് ക്യാന്സെറിനെതിരായ ലോകത്തിലെ ആദ്യ വാക്സിന് കണ്ടുപിടിച്ച് ശാസ്ത്രജ്ഞര്, നൂറുകണക്കിന് രോഗികളില് പരീക്ഷണം തുടങ്ങി
3>സ്കിന് ക്യാന്സറിനെതിരായ ലോകത്തിലെ ആദ്യത്തെ വ്യക്തിഗതമായ എംആര്എന്എ കാന്സര് വാക്സിന് നൂറുകണക്കിന് രോഗികളില് യുകെ ഡോക്ടര്മാര് പരീക്ഷിക്കാന് തുടങ്ങി. ക്യാന്സറിനെ ശാശ്വതമായി സുഖപ്പെടുത്താനുള്ള നിര്ദ്ദിഷ്ട വാക്സിന്റെ സാധ്യതയെ ഈ രംഗത്തെ വിദഗ്ധര് വാനോളം പ്രശംസിച്ചു. ആഗോളതലത്തില് സ്കിന് ക്യാന്സര് പ്രതിവര്ഷം 132,000 ആളുകളെ ബാധിക്കുന്നതായാണ് കണക്കുകള്. റേഡിയോ തെറാപ്പി, മരുന്നുകള്, കീമോതെറാപ്പി എന്നിവയും ചിലപ്പോള് ഉപയോഗിക്കാറുണ്ടെങ്കിലും നിലവില് ശസ്ത്രക്രിയയാണ് പ്രധാന ചികിത്സ.
ഇപ്പോള് വിദഗ്ധര് ഓരോ രോഗിക്കും ഇഷ്ടാനുസൃതമായി നിര്മ്മിച്ച പുതിയ ജാബുകള് പരീക്ഷിക്കുകയും രോഗം തിരികെ വരാതിരിക്കാന് കാന്സര് കോശങ്ങളെ വേട്ടയാടാന് അവരുടെ ശരീരത്തിന് കരുത്ത് പകരുകയും ചെയ്യുകയാണ്. രണ്ടാം ഘട്ട പരീക്ഷണത്തില് വാക്സിനുകള് മെലനോമ രോഗികളില് വീണ്ടും ക്യാന്സര് വരാനുള്ള സാധ്യത ഗണ്യമായി കുറച്ചതായി കണ്ടെത്തി. ഇപ്പോള് അവസാന ഘട്ടം 3, ട്രയല് ആരംഭിച്ചിരിക്കുകയാണ്.
യൂണിവേഴ്സിറ്റി കോളേജ് ലണ്ടന് ഹോസ്പിറ്റല്സ് (UCLH) ഡോക്ടര്മാര് ഇത് പെംബ്രോലിസുമാബ് അല്ലെങ്കില് കീട്രൂഡയ്ക്ക് തുടങ്ങിയ മരുന്നുകള്ക്കൊപ്പം നല്കാറുണ്ട്. ഇത് രോഗപ്രതിരോധ സംവിധാനത്തെ ക്യാന്സര് കോശങ്ങളെ ഇല്ലാതാക്കാന് സഹായിക്കുന്നു.
മോഡേണ, മെര്ക്ക് ഷാര്പ്പ്, ഡോം (MSD) എന്നീ രണ്ട് കമ്പനികള് ചേര്ന്ന് തയാറാക്കിയ വാക്സിന് എന്എച്ച്എസില് വൈകാതെ ലഭ്യമായി തുടങ്ങും എന്നാണ് പ്രതീക്ഷ. ഓസ്ട്രേലിയ ഉള്പ്പെടെയുള്ള മറ്റ് ചില രാജ്യങ്ങളിലെ വിദഗ്ധരും ഇത് രോഗികളില് പരീക്ഷിച്ച് കൂടുതല് തെളിവുകള് ശേഖരിക്കുകയാണ്. വൈകാതെ ഇവ വ്യാപകമായി ഉപയോഗിക്കുമെന്നാണ് പ്രതീക്ഷ.
വാക്സിന് ഒരു വ്യക്തിഗത നിയോആന്റിജന് തെറാപ്പി ആണ്. ഒരു രോഗിയുടെ പ്രത്യേക തരം ക്യാന്സറിനും ട്യൂമറിനുമെതിരെ പോരാടാന് ഇത് രോഗപ്രതിരോധ സംവിധാനത്തെ പ്രേരിപ്പിക്കുന്നതിനാണ് രൂപകല്പ്പന ചെയ്തിരിക്കുന്നത്.mRNA-4157 (V940) എന്നറിയപ്പെടുന്ന വാക്സിന് ട്യൂമര് നിയോആന്റിജനുകളെ ലക്ഷ്യമിടുന്നു, ഇത് രോഗിയില് മുഴകള് പ്രകടിപ്പിക്കുന്നു. രോഗപ്രതിരോധ സംവിധാനത്തിന് തിരിച്ചറിയാന് കഴിയുന്ന ട്യൂമറിലെ അടയാളങ്ങളാണിവ.
ജബ് 34 നിയോആന്റിജന്സ് വരെ കോഡിംഗ് വഹിക്കുകയും ഒരു രോഗിയുടെ ക്യാന്സറിലെ തനതായ മ്യൂട്ടേഷനുകളെ അടിസ്ഥാനമാക്കി ആന്റിട്യൂമര് രോഗപ്രതിരോധ പ്രതികരണം സജീവമാക്കുകയും ചെയ്യും.
തൃശൂര് പൂരത്തിനിടെ ചുംബിക്കാനും സ്വകാര്യഭാഗങ്ങളില് സ്പര്ശിക്കാനും ശ്രമം; ബ്രിട്ടീഷ് വ്ളോഗറുടെ വെളിപ്പെടുത്തല് ഇന്സ്റ്റഗ്രാം വീഡിയോയിലൂടെ, നാണംകെട്ട് മലയാളികള്
3>ബ്രിട്ടീഷ് വംശജയായ വ്ളോഗര്ക്കെതിരേ തൃശ്ശൂര് പൂരത്തിനിടെ ലൈംഗിക അതിക്രമം നടന്നതായി പരാതി. സ്ത്രീയെ ഒരാള് ബലമായി ചുംബിക്കാന് ശ്രമിച്ചെന്നും കൂടെയുള്ള അമേരിക്കാരനായ യുവാവിന്റെ സ്വകാര്യഭാഗങ്ങളില് സ്പര്ശിച്ചെന്നുമാണ് ആരോപണം. ബ്രിട്ടനില്നിന്നുള്ള യുവാവും യുവതിയുമാണ് പരാതിയുമായി രംഗത്തെത്തിയത്. ഇതിന്റെ വീഡിയോയും വ്ളോഗര്മാര് പുറത്തുവിട്ടു.
പൂരത്തിനിടെ വീഡിയോ ചിത്രീകരിച്ചതിന് പിന്നാലെ ഒരാള് വനിതയെ ചുംബിക്കാന് ശ്രമിക്കുകയായിരുന്നു. ഇതിനുപിന്നാലെയാണ് തന്റെ സ്വകാര്യഭാഗത്ത് സ്പര്ശിച്ചതായി യുവാവും വീഡിയോയിലൂടെ വെളിപ്പെടുത്തിയത്. തൃശ്ശൂര് പൂരത്തിന്റെ ഏറ്റവും മോശപ്പെട്ട നിമിഷങ്ങള് എന്ന് പറഞ്ഞാണ് ഇവര് വീഡിയോ സമൂഹമാധ്യമത്തിലൂടെ പുറത്തുവിട്ടത്.
കുടമാറ്റം കഴിഞ്ഞതിന് ശേഷമാണ് സംഭവം നടന്നതെന്നാണ് കരുതുന്നത്. ദൃശ്യങ്ങളില് യുവതിയെ ചുംബിക്കാന് ശ്രമിച്ചയാളെ പോലീസ് തിരിച്ചറിഞ്ഞിട്ടുണ്ട്. ഇയാള് പാലക്കാട് സ്വദേശിയാണെന്നാണ് വിവരം. എന്നാല്, കേസെടുത്തിട്ടില്ല. സംഭവത്തില് ഇരുവരും ഔദ്യോഗികമായി പരാതി നല്കിയിട്ടില്ല. ഒട്ടേറെ മലയാളികള് വീഡിയോയ്ക്കടിയില് കമന്റിട്ട് യുവതിയോട് സംഭവത്തില് മാപ്പു പറയുന്നുണ്ട്. യുവതിയും സുഹൃത്തും ഇന്ത്യയിലെ ഒട്ടേറെ വിനോദസഞ്ചാരകേന്ദ്രങ്ങള് സന്ദര്ശിച്ച് ഇന്സ്റ്റയില് വീഡിയോ പങ്കുവെച്ചിട്ടുണ്ട്.
വെയില്സിലെ സ്കൂളില് നടന്ന കത്തി കുത്തില് 13 കാരിയായ പെണ്കുട്ടിക്ക് പിന്നാലെ 15 കാരനും അറസ്റ്റില്; പെണ്കുട്ടിക്കെതിരെ ചുമത്തിയത് മൂന്ന് വധശ്രമ കുറ്റങ്ങള്
3>തെക്കന് വെയില്സിലെ സ്കൂളില് നടന്ന കത്തിയാക്രമണത്തില് മൂന്നു പേര്ക്ക് പരിക്കേറ്റ സംഭവവുമായി ബന്ധപ്പെട്ടു 13 കൗമാരക്കാരിയെ 3 വധശ്രമ കുറ്റം ചുമത്തി അറസ്റ്റ് ചെയ്തു. 11 നും 18 നും ഇടയിലുള്ള 1800 ഓളം കുട്ടികള് പഠിക്കുന്ന സ്കൂളില് നടന്ന സംഭവം യുകെയിലുടനീളം ഞെട്ടലുളവാക്കി. ഫിയോണ എലിയസ്, ലിസ് ഹോപ്കിന് എന്നീ അധ്യാപകര്ക്കും ഒരു വിദ്യാര്ത്ഥിനിക്കുമായിരുന്നു കത്തിക്കുത്തില് പരിക്കേറ്റത്. ചികിത്സ പൂര്ത്തിയാക്കി ഇവരെ ആശുപത്രിയില് നിന്നും വിട്ടയച്ചതായി പോലീസ് അറിയിച്ചു.
ഒരു 13 കാരിയെയായിരുന്നു ഇതുമായി ബന്ധപ്പെട്ട് അറസ്റ്റ് ചെയ്തിരുന്നത്. ഈ പെണ്കുട്ടിക്കെതിരെ മൂന്ന് വധശ്രമ കേസുകള് റെജിസ്റ്റര് ചെയ്തതായി ഡൈഫെഡ്- പോവിസ് പോലീസ് സൂപ്രണ്ട് റോസ്സ് ഇവാന്സ് അറിയിച്ചു. അതേസമയം, ഈ കേസ് സമൂഹമാധ്യമങ്ങളില് ഏറെ വിവാദം ഉണ്ടാക്കുകയാണ്. ഇതുമായി ബന്ധപ്പെട്ട് സമൂഹമാധ്യമങ്ങളിലൂടെ ഭീഷണി മുഴക്കിയ ഒരു 15 കാരനെ പോലീസ് കസ്റ്റഡിയില് എടുത്തിട്ടുണ്ട്. അമന് വാലി സ്കൂളില് നടന്ന സംഭവവുമായി ബന്ധപ്പെട്ട് നിരവധി പോസ്റ്റുകള് സമൂഹ മാധ്യമങ്ങളില് പരക്കുന്നു എന്ന പരാതി ലഭിച്ചതിന് തൊട്ടു പിന്നാലെയായിരുന്നു അറസ്റ്റ്.
ആശാസ്യമല്ലാത്ത രീതിയില് ഉള്ള പോസ്റ്റിന്റെ നിര്മ്മാതാവ് ഈ 15 കാരനാണ് എന്ന സംശയത്തിലാണ് ഈ 15 കരനെ അറസ്റ്റ് ചെയ്തിരിക്കുന്നതെന്ന് പോലീസ് വൃത്തങ്ങള് അറിയിച്ചു. ഇതുമായി ബന്ധപ്പെട്ട് കൂടുതല് അന്വേഷണങ്ങള് നടക്കുകയാണ്. അറസ്റ്റ് ചെയ്യപ്പെട്ട കൗമാരക്കാരന് ഇപ്പോഴും പോലീസ് കസ്റ്റഡിയില് തുടരുകയാണ്.
സംഭവത്തിനോട് ബന്ധപ്പെട്ട ചിത്രങ്ങള് സമൂഹമാധ്യമങ്ങളില് നിന്ന് നീക്കം ചെയ്യാന് പോലീസ് ആവശ്യപ്പെട്ടിട്ടുണ്ട്. കത്തി കുത്ത് നടന്നതായുള്ള വാര്ത്തകളെ തുടര്ന്ന് ആശങ്കാകുലരായ രക്ഷിതാക്കള് സ്കൂള് ഗേറ്റിന് പുറത്ത് തിങ്ങി കൂടി നില്ക്കുന്നതിന്റെ ചിത്രങ്ങള് പുറത്തു വന്നിരുന്നു.
സംഭവത്തില് പ്രധാനമന്ത്രി റിഷി സുനക് കടുത്ത ഞെട്ടല് രേഖപ്പെടുത്തി. സംഭവത്തെ തുടര്ന്ന് അടിയന്തിര സേവനം നടത്തിയവര്ക്ക് അദ്ദേഹം നന്ദി പറഞ്ഞു . സ്കൂള് നിലവില് കോഡ് റെഡ് വിഭാഗത്തില് പെടുത്തിരിക്കുകയാണ്. അപകടത്തെ തുടര്ന്ന് രക്ഷാപ്രവര്ത്തനത്തിനായി എയര് ആംബുലന്സ് സ്കൂളില് എത്തിയിരുന്നു. അച്ചടക്കവും മികച്ച കുട്ടികള് പഠിക്കുന്ന സ്കൂളും ആണ് ഇതെന്നും എന്നതാണ് സംഭവിച്ചതെന്ന് അറിയില്ലെന്ന് ഒരു രക്ഷിതാവ് മാധ്യമങ്ങളോട് പ്രതികരിച്ചു.
ജോലി സമ്മര്ദ്ദത്തെ തുടര്ന്നുള്ള ശാരീരിക, മാനസിക പ്രശ്നങ്ങള്; ഇംഗ്ലണ്ടിലെ നഴ്സുമാര് ശരാശരി ഒരാഴ്ച സിക് ലീവ് എടുത്തുവെന്ന് കണക്കുകള്, ജോലി ഉപേക്ഷിക്കുന്നവരുടെ എണ്ണവും കുതിച്ചുയരുന്നു
3>ജോലി സമ്മര്ദ്ദം, ഉത്കണ്ഠ, വിഷാദം എന്നിവ കാരണം ഇംഗ്ലണ്ടിലെ നഴ്സുമാര് കഴിഞ്ഞ വര്ഷം ശരാശരി ഒരാഴ്ച അവധി എടുത്തിരുന്നുവെന്ന് എന്എച്ച്എസ് കണക്കുകള്. കുറഞ്ഞ വേതനവും ജീവനക്കാരുടെ കുറവും ഉള്പ്പെടെയുള്ള നഴ്സുമാര് അവരുടെ ജോലിയില് അഭിമുഖീകരിക്കുന്ന തീവ്രമായ ബുദ്ധിമുട്ടുകള് അവരുടെ മാനസികാരോഗ്യത്തെ തകരാറിലാക്കുകയും പലരും ജോലി ഉപേക്ഷിക്കാന് കാരണമാവുകയും ചെയ്യുന്നു എന്ന ആശങ്കയും ഇതൊടൊപ്പം സജീവമാകുകയാണ്.
സമ്മര്ദ്ദത്തിന്റെയും സമാന സാഹചര്യങ്ങളുടെയും ഫലമായി 2023-ല് നഴ്സുമാരും ഹെല്ത്ത് വിസിറ്റേഴ്സും ആകെ 1,675,275 ദിവസം രോഗബാധിതരായി അവധിയെടുത്തുവെന്ന് എന്എച്ച്എസ് ഇംഗ്ലണ്ട് ഡാറ്റ കാണിക്കുന്നു. അതിനര്ത്ഥം, ഇംഗ്ലണ്ടിലെ 352,125 റോയല് കോളേജ് ഓഫ് നഴ്സിംഗ് അംഗങ്ങളില് ഓരോരുത്തര്ക്കും ഇക്കാരണത്താല് ശരാശരി 4.95 ദിവസത്തെ ജോലി നഷ്ടമായി എന്നാണ്.
മൊത്തത്തില്, നഴ്സുമാരും ഹെല്ത്ത് വിസിറ്റേഴ്സും കഴിഞ്ഞ വര്ഷം 6.9 മില്ല്യണ് ദിവസം അസുഖം ബാധിച്ച് അവധിയെടുത്തിരുന്നു. എന്നാല് സമ്മര്ദ്ദം, ഉത്കണ്ഠ, വിഷാദം എന്നിവ കാരണം അവര്ക്ക് നഷ്ടമായ 1.68 ദശലക്ഷം ദിവസങ്ങളാണ് ഇതിലെ ഏറ്റവും വലിയ അളവ്. അത് മൊത്തം 24.3 ശതമാനം ആയിരുന്നു. ഇത് മുന് വര്ഷത്തെ 21 ശതമാനത്തില് നിന്നുള്ള വര്ദ്ധനവാണ്. ജലദോഷവും പനിയുമാണ് കഴിഞ്ഞ വര്ഷം അസുഖമുള്ള ദിവസങ്ങളുടെ രണ്ടാമത്തെ വലിയ കാരണം, 12 ശതമാനം.
ഇംഗ്ലണ്ടില് നികത്തപ്പെടാത്ത 34,709 നഴ്സുമാരുടെ ഒഴിവുകളാണ് നിലവിലെ നഴ്സുമാര്ക്ക് ഈ ദുരിതം സമ്മാനിക്കുന്നത്. വെസ്റ്റ് മിഡ്ലാന്ഡിലെ ഒരു ഹോസ്പിറ്റല് നഴ്സ് റോയല് കോളേജ് ഓഫ് നഴ്സിംഗിനോട് പറഞ്ഞു, ''സേവനങ്ങളുടെ ആവശ്യകതയ്ക്കൊപ്പം ജീവനക്കാരുടെ അഭാവവും നിരന്തരമായ ആശങ്കയാണ്. ഇത് നഴ്സുമാരില് സമ്മര്ദ്ദത്തിനും ഉറക്കക്കുറവിനും കാരണമാകുന്നു. ഈ സിസ്റ്റത്തില് എനിക്ക് നിരാശ തോന്നുന്നു. '
മറ്റൊരു നഴ്സ് പറഞ്ഞു: ''വരുമാനമില്ലായ്മയെയും സാമ്പത്തിക സമ്മര്ദ്ദങ്ങളെയും കുറിച്ച് ഞാന് വളരെ സമ്മര്ദത്തിലും ആശങ്കയിലുമാണ്. രണ്ട് വര്ഷത്തിനിടെ രണ്ടാം തവണയും ദീര്ഘകാല സിക് ലീവ് എടുക്കുന്ന തരത്തിലേക്ക് എന്റെ മാനസികാരോഗ്യം ഗുരുതരമായി വഷളായി.''
ജോലിയുടെ തീവ്രമായ സമ്മര്ദ്ദം പല നഴ്സുമാരെയും മിഡ്വൈഫുമാരെയും അവരുടെ കരിയറിന്റെ തുടക്കത്തില് തന്നെ ജോലി ഉപേക്ഷിക്കുന്നതിലേക്ക് നയിക്കുകയാണ്. സെപ്റ്റംബറില് നഫീല്ഡ് ട്രസ്റ്റ് ഹെല്ത്ത് തിങ്ക്ടാങ്ക് പ്രസിദ്ധീകരിച്ച ഗവേഷണമനുസരിച്ച്, എട്ട് നഴ്സിംഗ് വിദ്യാര്ത്ഥികളില് ഒരാള് അവരുടെ പരിശീലന സമയത്ത് കൊഴിഞ്ഞുപോകുന്നു. ഒമ്പതില് ഒരാള് ബിരുദം നേടിയ ശേഷം പ്രൊഫഷനില് ചേരുന്നില്ല, അഞ്ച് നഴ്സുമാരില് ഒരാള് എന്എച്ച്എസില് ചേര്ന്ന് രണ്ട് വര്ഷത്തിനുള്ളില് പോകുന്നു.
2010-11 നും 2023-24 നും ഇടയില് നഴ്സുമാരുടെ ശമ്പളം ശരാശരി 25% കുറഞ്ഞതായി RCN കമ്മീഷന് ചെയ്ത് കഴിഞ്ഞ മാസം പ്രസിദ്ധീകരിച്ച ഒരു സ്വതന്ത്ര വിശകലനം കണ്ടെത്തി.
സമീപ വര്ഷങ്ങളില് വീടുകളെ ബാധിച്ച കുതിച്ചുയരുന്ന പണപ്പെരുപ്പത്തെ നേരിടാന് പല നഴ്സുമാരും പാടുപെടുകയാണെന്നാണ് അവരുടെ ശമ്പള നിലവാരത്തെ അര്ത്ഥമാക്കുന്നതെന്ന് RCN പറഞ്ഞു.
2022-23 കാലയളവില്, യുകെയില് രജിസ്റ്റര് ചെയ്ത 12,000-ലധികം നഴ്സുമാര് നിലവിലെ പ്രൊഫഷണല് സ്റ്റാറ്റസിന്റെ സര്ട്ടിഫിക്കറ്റിനായി അപേക്ഷിച്ചു, ഇത് നഴ്സിംഗ് വേതനം കൂടുതലുള്ള യുഎസ്, ഓസ്ട്രേലിയ തുടങ്ങിയ മറ്റ് രാജ്യങ്ങളില് ജോലി ചെയ്യാന് അവരെ അനുവദിക്കുന്നു. അത് കഴിഞ്ഞ വര്ഷം അങ്ങനെ ചെയ്തതിന്റെ ഇരട്ടിയിലേറെയും 2018-19 നെ അപേക്ഷിച്ച് നാലിരട്ടി കൂടുതലുമാണ്.
എന്എച്ച്എസിന്റെ കാന്സര് ലക്ഷ്യങ്ങള് ബഹുദൂരം പിന്നില്; അടിയന്തിര കാന്സര് പരിശോധനക്ക് വിധേയരാകുന്നവരുടെ എണ്ണം 30 ലക്ഷമായപ്പോളും 40% കേസുകളും തിരിച്ചറിയുന്നത് രോഗം വഷളായ ശേഷം
3>എന് എച്ച് എസ്സില് അടിയന്തിര കാന്സര് പരിശോധനകള്ക്ക് വിധേയരാകുന്നവരുടെ എണ്ണം കഴിഞ്ഞ വര്ഷം മൂന്നു ദശലക്ഷമായിരുന്നു എന്ന കണക്കുകള് കഴിഞ്ഞ ആഴ്ചയാീണ് പുറത്തു വന്നത്. കഴിഞ്ഞ ഒരു ദശകത്തിനിടയില്, കാന്സര് പരിശോധനക്ക് വിധേയരാകുന്നവരുടെ എണ്ണം ഇരട്ടിയായി. 2023 മാര്ച്ച് മുതല് ഈ വര്ഷം ഫെബ്രുവരി വരെയുള്ള കാലഘട്ടത്തില് 30,35,698 പേര് അടിയന്തിര കാന്സര് പരിശോധനക്ക് വിധേയരായതായി എന് എച്ച് എസ്സ് കണക്കുകള് വ്യക്തമാക്കുന്നു. 2022-23 കാലഘട്ടത്തേക്കാള് 1,50, 000 പേരാണ് കൂടുതലായി പരിശോധനകള്ക്ക് വിധേയരായത്. 2013 മാര്ച്ച് മുതല് 2014 ഫെബ്രുവരി വരെയുള്ള കാലഘട്ടത്തില് 13,35,350 പേരായിരുന്നു പരിശോധനക്ക് വിധേയരായത്.
അതേസമയം, കാന്സര് രോഗം തിരിച്ചറിയലിന് വേഗത കുറവെന്ന ഞെട്ടിക്കുന്ന റിപ്പോര്ട്ടും ഇതിനൊടൊപ്പം പുറത്തുവന്നു. മുന്കൂട്ടി കാന്സര് തിരിച്ചറിയാനുള്ള സാധ്യതകളാണ് പലപ്പോഴും രാജ്യത്തെ രോഗികള്ക്ക് നഷ്ടമാകുന്നത്. ഏകദേശം 40 ശതമാനം രോഗികള്ക്കും തങ്ങള്ക്ക് കാന്സറുണ്ടെന്ന് മനസ്സിലാക്കാന് രോഗം ശരീരം മുഴുവന് പടരേണ്ട സ്ഥിതിയാണ്. രാജ്യം നേരിടുന്ന കാന്സര് ദുരിതത്തിന് ശമനം വരുത്താന് ആദ്യ ഘട്ടത്തില് തന്നെ 75% രോഗികള്ക്കും രോഗം തിരിച്ചറിയാന് അവസരം നല്കുമെന്നാണ് 2019-ല് എന്എച്ച്എസ് പ്രഖ്യാപിച്ചത്. 2028-ഓടെ ഇത് നടപ്പിലാക്കുമെന്നായിരുന്നു വാഗ്ദാനം. കാന്സര് ആദ്യ ഘട്ടത്തില് തിരിച്ചറിയാന് കഴിഞ്ഞാല് ചികിത്സിക്കാനും, രക്ഷപ്പെടുത്താന് എട്ട് മടങ്ങ് അധിക സാധ്യതയും ലഭിക്കും.
എന്നാല് എന്എച്ച്എസില് നേരത്തെയും ഡയഗനോസിസുകള് നിലവില് കേവലം 60 ശതമാനത്തിലാണെന്നാണ് മുന്നറിയിപ്പ്. 'നമ്മുടെ നിലവിലെ പോക്ക് ലക്ഷ്യത്തില് നിന്നും ഗുരുതരമായ തോതില് അകന്ന് നില്ക്കുന്നു', മുന്നറിയിപ്പ് പറയുന്നു. അടുത്ത വര്ഷങ്ങളില് വര്ദ്ധിച്ച തോതില് നടന്ന സ്ക്രീനിംഗ് പ്രോഗ്രാമുകള് നന്മയേക്കാള് ദോഷമാണ് സൃഷ്ടിച്ചതെന്ന് വിദഗ്ധര് കുറ്റപ്പെടുത്തുന്നു.
താന് കാന്സര് രോഗിയാണെന്ന് വെളിപ്പെടുത്തിക്കൊണ്ട്, കഴിഞ്ഞമാസം രംഗത്തുവന്ന കെയ്റ്റ് രാജകുമാരിയുടെ നടപടി, ഇപ്പോള് കൂടുതല് പേരെ കാന്സര് പരിശോധനക്ക് എത്താന് പ്രേരിപ്പിക്കുന്നതായി മാധ്യമ റിപ്പോര്ട്ടില് പറയുന്നു. ഫെബ്രുവരിയില് മാത്രം, വിവിധ കേന്ദ്രങ്ങളിലായി രണ്ടര ലക്ഷത്തോളം പേര് പരിശോധനയില് പങ്കെടുത്തു. തൊട്ട് മുന്പത്തെ വര്ഷം ഫെബ്രുവരി മാസത്തെ അപേക്ഷിച്ച് നോക്കുമ്പോള് പരിശോധനക്ക് വിധേയരായവരുടെ എണ്ണത്തില് 10 ശതമാനം വര്ദ്ധനവാണ് ഉണ്ടായിരിക്കുന്നത്.
കഴിഞ്ഞയാഴ്ച്ച ഇതാദ്യമായി എന് എച്ച് എസ്സിന്റെ 28 ദിന പരിശോധന ലക്ഷ്യം പ്രതീക്ഷിച്ചതിലും കൂടുതല് പേര് പങ്കെടുത്തതിലൂടെ റെക്കോര്ഡില് ഇടം നേടി. പരിശോധനക്ക് വിധേയരാകുന്നവരില് 78 ശതമാനം പേര്ക്കും നാല് ആഴ്ച്ചയ്ക്കുള്ളില് ഫലങ്ങള് ലഭ്യമാക്കുന്ന പ്രക്രിയയാണിത്. ചില അടയാളങ്ങളും ലക്ഷണങ്ങളും കാണുമ്പോള് കൂടുതല് കൂടുതല് പേര് പരിശോധനയ്ക്ക് മുതിരുന്നു എന്നാണ് ഈ വര്ദ്ധന കാണിക്കുന്നതെന്ന് കാന്സര് ക്ലിനിക്കല് ഡയറക്ടര് പ്രൊഫസര് പീറ്റര് ജോണ്സണ് പറയുന്നു.
നേരത്തെ കണ്ടെത്തിയാല്, കൂടുതല് മെച്ചപ്പെട്ടതും കാര്യക്ഷമമായതുമായ ചികിത്സ നേടാന് സഹായിക്കും എന്നും അദ്ദേഹം കൂട്ടിച്ചേര്ത്തു. അതുകൊണ്ടാണ് ആളുകളിലേക്ക് കൂടുതലായി എത്തിച്ചേരാനും അവരെ പരിശോധനയ്ക്ക് വിധേയരാക്കുന്നതിനും പരിശ്രമിക്കുന്നതെന്നും അദ്ദേഹം കൂട്ടിച്ചേര്ത്തു. ഫലം എന്തായിരിക്കും എന്ന ആശങ്കയിലാണ് കൂടുതല് ആളുകളും പരിശോധനക്ക് മുതിരാത്തതെന്നും അദ്ദേഹം പറയുന്നു. അതുകൊണ്ടു തന്നെ അവര്ക്ക് ആവശ്യമായ ധൈര്യം നല്കി പരിശോധനക്ക് സന്നദ്ധരാക്കുകയാണ്.
വൈ ഷുഡ് ബോയ്സ് ഹാവ് ഓള് ദി ഫണ് ..? യുകെയിലെ പെണ്കുട്ടികളാണ് ആണ്കുട്ടികളേക്കാള് കൂടുതല് മദ്യപിക്കുന്നതും പുകവലിക്കുന്നതും എന്ന് പഠനം, 'കുട്ടി കുടിയന്'മാരുടെ എണ്ണത്തില് ലോകത്ത് ഒന്നാമത് ഇംഗ്ലണ്ടിലെ കുട്ടികള്!
3>\യുകെയിലെ പെണ്കുട്ടികള് ആണ്കുട്ടികളേക്കാള് കൂടുതല് മദ്യപിക്കുകയും പുകവലിക്കുകയും വേ്പ്പ് ഉപയോഗിക്കുകയും ചെയ്യുന്നുവെന്ന് പഠനം. ലോകാരോഗ്യ സംഘടന (ഡബ്ല്യുഎച്ച്ഒ) 44 രാജ്യങ്ങളില് നടത്തിയ ഗവേഷണമനുസരിച്ച്, കുട്ടികളുടെ മദ്യപാനത്തിന്റെ കാര്യത്തില് ആഗോളതലത്തില് ഇംഗ്ലണ്ട് ഒന്നാമതാണ്. ഇത്തരത്തില് ഇതുവരെ നടത്തപ്പെട്ട ഏറ്റവും വലിയ ഈ പഠനത്തില്, 11, 13, 15 വയസ്സുള്ള 280,000 കുട്ടികളുടെ ഡാറ്റയാണ് ഗവേഷകര് പരിശോധിച്ചത്..
യുകെയില് 13-ഉം 15-ഉം വയസ്സുള്ള പെണ്കുട്ടികള് ആണ്കുട്ടികളേക്കാള് കൂടുതല് മദ്യപാനവും പുകവലിയും വാപ്പിംഗും ചെയ്യുന്നതായി പഠനത്തില് കണ്ടെത്തി. ഫ്രാന്സ്, ജര്മ്മനി, സ്പെയിന് തുടങ്ങിയ രാജ്യങ്ങളെ അപേക്ഷിച്ച് ഇംഗ്ലണ്ടിലെയും സ്കോട്ട്ലന്ഡിലെയും പെണ്കുട്ടികളില് അഞ്ചില് രണ്ട് പേരും 15 വയസ് പ്രായമാകുമ്പോള് തന്നെ മദ്യപാനവും പുകവലിയും വാപ്പിംഗും ചെയ്യുന്നതായി പഠനം പറയുന്നു.
ഇംഗ്ലണ്ടിലെ 15 വയസ്സുള്ള പെണ്കുട്ടികളില് 30% പേരും 15 വയസ്സുള്ള ആണ്കുട്ടികളില് 17% പേരും കഴിഞ്ഞ 30 ദിവസത്തിനുള്ളില് മദ്യപിച്ചതായി ഗവേഷകര് കണ്ടെത്തി. ഇത് അയര്ലന്ഡ്, കാനഡ, പോര്ച്ചുഗല്, സ്പെയിന്, ഡെന്മാര്ക്ക് എന്നിവയുള്പ്പെടെ മറ്റ് പല രാജ്യങ്ങളിലെയും കുട്ടികളേക്കാള് കൂടുതലായിരുന്നു.
പഠന വിധേയമാക്കിയ 44 രാജ്യങ്ങളിലെ ശരാശരിയേക്കാള് 15 പേര് പെണ്കുട്ടികള് വാപ്പ് ഉപയോഗിച്ചിട്ടുണ്ടെന്ന് പഠനം കണ്ടെത്തി. വാപ്പിംഗ് ഇപ്പോള് പുകവലിയെ മറികടന്നിരിക്കുന്നു എന്നാ സാരം.
മറ്റെല്ലാ രാജ്യങ്ങളിലെയും യുവാക്കളെ അപേക്ഷിച്ച് ഇംഗ്ലണ്ടിലെ 11-ഉം 13-ഉം വയസ്സുള്ള കുട്ടികളാണ് ഏറ്റവും കൂടുതല് മദ്യപിച്ചിട്ടുള്ളത്. മറ്റ് യൂറോപ്യന് രാജ്യങ്ങളുമായി താരതമ്യപ്പെടുത്തുമ്പോള്, യുകെയില് മദ്യപാന നിരക്ക് കൂടുതലാണ്, പ്രത്യേകിച്ച് പെണ്കുട്ടികള്ക്കിടയില്.
ലോകാരോഗ്യ സംഘടനയുടെ ഗവേഷണമനുസരിച്ച്, 34% പെണ്കുട്ടികളും 35% ആണ്കുട്ടികളും 11 വയസ്സുള്ളപ്പോള് തന്നെ മദ്യപിച്ചപ്പോള് ഇംഗ്ലണ്ട് ആഗോള ചാര്ട്ടില് ഒന്നാമതായി. 13 വയസ്സുള്ളപ്പോള്, ഇത് 57% പെണ്കുട്ടികളിലേക്കും 50% ആണ്കുട്ടികളിലേക്കും ഉയരുന്നതായും പഠനം പഠനം പറയുന്നു.
39% ആണ്കുട്ടികളുമായി താരതമ്യം ചെയ്യുമ്പോള് 15 വയസ്സുള്ളപ്പോള്, 53% പെണ്കുട്ടികള് കഴിഞ്ഞ 30 ദിവസങ്ങളില് മദ്യപിച്ചതായി പറഞ്ഞു. ഇംഗ്ലണ്ടിലെ 4,000-ത്തിലധികം കുട്ടികളും സ്കോട്ട്ലന്ഡിലെ അതേ എണ്ണം കുട്ടികളും സര്വേയില് പങ്കെടുത്തു.
കൂടാതെ സ്കോട്ട്ലന്ഡിലെയും വെയില്സിലെയും കുട്ടികള് മറ്റ് പല രാജ്യങ്ങളിലെയും കുട്ടികളേക്കാള് കഞ്ചാവ് വലിക്കാനുള്ള സാധ്യതയും കൂടുതലാണ്. ഇവ ആഗോളതലത്തില് ആദ്യ അഞ്ച് സ്ഥാനങ്ങളില് ഇടം നേടി.
വെയില്സിലെ അമ്മന്ഫോര്ഡില് സ്കൂളില് രണ്ട് അധ്യാപികമാര്ക്കും വിദ്യാര്ഥിക്കും കുത്തേറ്റു; പെണ്കുട്ടി വധശ്രമക്കേസില് അറസ്റ്റില്, കുറ്റകൃത്യം നടത്തിയ കത്തി കണ്ടെത്തി
3>വെയില്സിലെ അമ്മന്ഫോര്ഡില് സ്കൂളില് അധ്യാപികമാര്ക്കും വിദ്യാര്ഥിക്കും കുത്തേറ്റതിനെ തുടര്ന്ന് കൗമാരക്കാരിയായ പെണ്കുട്ടിയെ വധശ്രമക്കേസില് അറസ്റ്റ് ചെയ്തു. അമ്മന്ഫോര്ഡിലെ യെസ്ഗോള് ഡിഫ്രിന് അമനില് രണ്ട് അധ്യാപകരെയും ഒരു കൗമാരക്കാരനായ വിദ്യാര്ത്ഥിയെയുമാണ് ജീവന് ഭീഷണിയില്ലാത്ത കുത്തുകളോടെ ആശുപത്രിയില് പ്രവേശിപ്പിച്ചതെന്ന് ഡിഫെഡ്-പോവിസ് പോലീസ് പറഞ്ഞു.
ബുധനാഴ്ച രാത്രി 11:20 ന് നടന്ന സംഭവത്തെത്തുടര്ന്ന് കാര്മാര്ഥന്ഷെയര് സ്കൂളിലെ വിദ്യാര്ത്ഥികളെ നാല് മണിക്കൂറോളം ക്ലാസ് മുറികളില് നിന്നും പുറത്തു വിട്ടില്ല. അറസ്റ്റിലായ പെണ്കുട്ടി കസ്റ്റഡിയില് തുടരുകയാണെന്ന് സേന അറിയിച്ചു. സംഭവത്തെക്കുറിച്ചുള്ള പോലീസ് അന്വേഷണത്തെ സഹായിക്കുന്നതിനായി വ്യാഴാഴ്ച സ്കൂള് അടക്കുമെന്നും വിദ്യാര്ത്ഥികള്ക്ക് ഓണ്ലൈനില് പാഠങ്ങള് പഠിക്കാന് കഴിയുമെന്നും അധികൃതര് അറിയിച്ചു.
രണ്ട് അധ്യാപകരെയും ഒരു കൗമാരക്കാരനായ വിദ്യാര്ത്ഥിയെയും കുത്തേറ്റ പരിക്കുകളോടെ ആശുപത്രിയില് പ്രവേശിപ്പിച്ചെന്നും അവരുടെ പരിക്കുകള് ജീവന് ഭീഷണിയല്ലെന്നും സ്കൂളിന് പുറത്ത് സംസാരിച്ച സുപ്റ്റ് റോസ് ഇവാന്സ് പറഞ്ഞു. ഒരു കൗമാരക്കാരിയായ പെണ്കുട്ടിയെ കൊലപാതകശ്രമത്തിന് സംശയത്തിന്റെ പേരില് അറസ്റ്റ് ചെയ്തിട്ടുണ്ട്, അവള് ഇപ്പോള് പോലീസ് കസ്റ്റഡിയിലാണ്. തെളിവായി ഒരു കത്തി കണ്ടെടുത്തു. പോലീസ് അന്വേഷണം നടക്കുമ്പോള് ആളുകള് ഊഹാപോഹങ്ങള് നടത്തരുതെന്നും അപ്ഡേറ്റുകള്ക്കായി ഔദ്യോഗിക വൃത്തങ്ങളെ റഫര് ചെയ്യണമെന്നും അദ്ദേഹം ആവശ്യപ്പെട്ടു.
സംഭവത്തെ തുടര്ന്ന് വിദ്യാര്ഥികളെ ക്ലാസ്മുറിയില് മറിക്കൂറുകളോളം അടച്ചിട്ടതിനെ തുടര്ന്ന് അവരുടെ ശാന്തവും പക്വവുമായ പ്രതികരണത്തിന് ജീവനക്കാരെയും വിദ്യാര്ത്ഥികളെയും ഹെഡ്ടീച്ചര് ജെയിംസ് ഡര്ബ്രിഡ്ജ് പ്രശംസിച്ചു.സ്കൂള് വ്യാഴാഴ്ച അടച്ചിടുമെങ്കിലും, ദുരിതബാധിതരായ ആര്ക്കും തുടര്ന്നും പിന്തുണ ലഭ്യമാകുമെന്ന് ഡര്ബ്രിഡ്ജ് പറഞ്ഞു.
ഗുരുതരമായ സംഭവത്തിന്റെ വാര്ത്ത കേട്ട് താന് ഞെട്ടിപ്പോയെന്ന് വെയില്സ് ഫസ്റ്റ് മിനിസ്റ്റര് വോണ് ഗെതിംഗ് പറഞ്ഞു.
അന്വേഷണം തുടരുന്നതിനാല് വരും ദിവസങ്ങളില് അമ്മന്ഫോര്ഡിലെ ജനങ്ങള് പ്രദേശത്ത് കൂടുതല് പോലീസ് പട്രോളിംഗ് നടത്തുമെന്ന് സൂപ്റ്റ് ഇവാന്സ് കൂട്ടിച്ചേര്ത്തു.
ഇംഗ്ലീഷില് അമ്മന് വാലി സ്കൂള് എന്ന് വിവര്ത്തനം ചെയ്യുന്ന Ysgol Dyffryn Aman - കാര്മാര്ത്തന്ഷെയറിലെ അമ്മന്ഫോര്ഡിലുള്ള ഒരു ദ്വിഭാഷാ സമഗ്ര വിദ്യാലയമാണ്. 11 മുതല് 18 വയസ്സുവരെയുള്ള കുട്ടികള് പഠിക്കുന്ന സ്കൂളില് ആകെ 1450-ഓളം വിദ്യാര്ഥികളുണ്ട്. സ്വാന്സീയുടെ മധ്യഭാഗത്ത് നിന്ന് ഏകദേശം 20 മൈല് (32 കി.മീ) ദൂരവും കാര്ഡിഫില് നിന്ന് 60 മൈല് (97 കി.മീ) ദൂരവുമാണ് സ്കൂളിലേയ്ക്കുള്ളത്.
ഹൃദയാഘാതമോ, സ്ട്രോക്കോ സംഭവിച്ചാല് എന്എച്ച്എസ് ആംബുലന്സുകളെ സമയത്തിന് പ്രതീക്ഷിക്കേണ്ട! രോഗികളുടെ അരികിലെത്താന് ആംബുലന്സുകള്ക്ക് ദീര്ഘ സമയം വേണ്ടിവരുന്നു
3>ഹൃദയാഘാതമോ സ്ട്രോക്കോ നേരിടുന്ന രോഗികളുടെ ജീവന് യാഥാസമയം ആംബുലന്സ് സേവനം ലഭ്യമാകാത്തതിനെ തുടര്ന്ന് അപകടത്തിലെന്ന് റിപ്പോര്ട്ട്. ഇത്തരം അത്യാഹിതങ്ങള് നേരിട്ട ഇംഗ്ളണ്ടിലെ രോഗികള്ക്ക് അരികിലേക്ക് ലക്ഷ്യമിട്ട സമയത്തൊന്നും ആംബുലന്സുകള് എത്തിച്ചേരുന്നില്ലെന്നാണ് കണക്ക്. ഇംഗ്ലണ്ടിലെ ഒരൊറ്റ മേഖലയില് ഒഴികെ എല്ലാ ഭാഗങ്ങളിലും ആംബുലന്സ് സേവനങ്ങള് മെല്ലെപ്പോക്കിലാണെന്ന് കണക്കുകള് വെളിപ്പെടുത്തുന്നു.
ഈ സംഭവസ്ഥലങ്ങളില് പാരാമെഡിക്കുകള് 18 മിനിറ്റിനുള്ളില് എത്തണമെന്നാണ് നിയമം. എന്നാല് ഗുരുതരാവസ്ഥയിലുള്ള ചില രോഗികളുടെ സമീപം എത്തിച്ചേരാന് ഒരു ദിവസത്തിലേറെ വേണ്ടിവരുന്നതാണ് സ്ഥിതി. കഴിഞ്ഞ വര്ഷം ഇംഗ്ലണ്ടിലെ 194 ഏരിയകളില് കാറ്റഗറി 2 കോളുകളില് സമയം പാലിച്ചത് വിന്ഡ്സര് & മെയ്ഡെന്ഹെഡ് മാത്രമാണ്. ഇവിടെ ശരാശരി പ്രതികരണം 16 മിനിറ്റിനുള്ളില് ലഭിക്കും.
കോണ്വാളിലാണ് ഏറ്റവും മോശം പ്രകടനം. ഒരു മണിക്കൂര് 9 മിനിറ്റാണ് ഇവിടെ ശരാശരി പ്രതികരണം സമയം. അനുവദനീയമാതിന്റെ നാലിരട്ടിയാണ് ഇത്. വെസ്റ്റ് ഡിവോണില് ശരാശരി ഒരു മണിക്കൂറില് കൂടുതലും, സൗത്ത് ഹാംസില് 59 മിനിറ്റും വരെ ആംബലന്സിനായി കാത്തിരിക്കണമെന്നും കണക്കുകള് കാണിക്കുന്നു.
കൊവിഡ് ലോക്ഡൗണിന് ശേഷം ഇംഗ്ലണ്ടിലെ വിദ്യാര്ത്ഥികള് നേരിടുന്നത് പതിറ്റാണ്ടിലെ ഏറ്റവും മോശം പരീക്ഷാഫലം; വിദ്യാഭ്യാസ നയത്തില് മാറ്റം വേണമെന്നും സര്ക്കാര് ഫണ്ടിങ്ങ് വര്ദ്ധിപ്പിക്കണമെന്നും ആവശ്യം
3>കോവിഡ് സമയത്തെ സ്കൂള് അടച്ചുപൂട്ടലിനെ തുടര്ന്നുണ്ടായ അക്കാദമികവും സാമൂഹികവുമായ വെല്ലുവിളികലെ കൈകാര്യം ചെയ്യുന്നതിലെ പരാജയങ്ങള് മൂലം ഇംഗ്ലണ്ടിലെ കുട്ടികള്ക്ക് പതിറ്റാണ്ടുകളിലെ ഏറ്റവും മോശം പരീക്ഷാ ഫലങ്ങളെ നേരിടേണ്ടിവരുമെന്ന് പഠനങ്ങള്. ഗണിതത്തിലും ഇംഗ്ലീഷിലും 40% ല് താഴെ വിദ്യാര്ത്ഥികള്ക്ക് നല്ല ഗ്രേഡുകള് ലഭിക്കുമെന്ന് പ്രതീക്ഷിക്കുന്ന 2030 വരെ പ്രധാന വിഷയങ്ങളിലെ ദേശീയ GCSE ഫലങ്ങള് ക്രമാനുഗതമായി മോശമാകുമെന്ന് നഫ്ഫീല്ഡ് ഫൗണ്ടേഷന് ധനസഹായം നല്കിയ പഠനം പ്രവചിക്കുന്നു.
അദ്ധ്യാപകരായി ജോലി ചെയ്യാന് ബിരുദധാരികളെ റിക്രൂട്ട് ചെയ്യല്, വേനല്ക്കാല അവധി ചുരുക്കി, വര്ഷം മുഴുവനും അവധി ദിനങ്ങള് കൂടുതല് തുല്യമായി വിതരണം ചെയ്തുകൊണ്ട് സ്കൂള് വര്ഷം പുനഃസന്തുലിതമാക്കല് തുടങ്ങിയ ഫലങ്ങള് മെച്ചപ്പെടുത്തുന്നതിന് 'കുറഞ്ഞ ചിലവ്' നയങ്ങള് റിപ്പോര്ട്ട് ശുപാര്ശ ചെയ്യുന്നു.
വിദ്യാഭ്യാസ തകര്ച്ചയുടെ അപകടസാധ്യതയെക്കുറിച്ചുള്ള വിനാശകരമായ മുന്നറിയിപ്പാണ് ഈ ഗവേഷണം നല്കുന്നതെന്ന് മുന് ഹെഡ്ടീച്ചറും അസോസിയേഷന് ഓഫ് സ്കൂള് ആന്ഡ് കോളേജ് ലീഡേഴ്സിന്റെ ജനറല് സെക്രട്ടറിയുമായ പെപ്പെ ഡിയാസിയോ പറഞ്ഞു.''പാന്ഡെമിക് സമയത്തും അതിനുശേഷവും വെല്ലുവിളി നേരിടുന്നതില് നിലവിലെ സര്ക്കാര് പരാജയപ്പെട്ടു, കാരണം വിദ്യാഭ്യാസ വീണ്ടെടുക്കലിനുള്ള നിക്ഷേപം ആവശ്യമുള്ളതിലും ദയനീയമായി കുറഞ്ഞു. അതേ തെറ്റ് വീണ്ടും ആവര്ത്തിക്കരുത്, ഇപ്പോളും ഭാവിയിലും മന്ത്രിമാര് സ്കൂളുകളിലും കോളേജുകളിലും അധ്യാപകരിലും നിക്ഷേപം നടത്തണം, ''ഡിയാസിയോ പറഞ്ഞു.
എക്സെറ്റര്, സ്ട്രാത്ത്ക്ലൈഡ്, ലണ്ടന് സ്കൂള് ഓഫ് ഇക്കണോമിക്സ് എന്നിവിടങ്ങളിലെ അക്കാദമിക് വിദഗ്ധര് കോവിഡ് കാലഘട്ടത്തിലെ സ്കൂള് അടച്ചുപൂട്ടല് കുട്ടികളുടെ സാമൂഹികവും വൈകാരികവുമായ കഴിവുകള്ക്കും വായന, എഴുത്ത്, ഗണിതശാസ്ത്രം എന്നിവയിലുള്ള അവരുടെ കഴിവുകള്ക്കും എങ്ങനെ തടസ്സം സൃഷ്ടിച്ചുവെന്ന് ആദ്യം അളക്കുന്നത്.
കഴിഞ്ഞ വര്ഷം, GCSE എടുക്കുന്ന 45% വിദ്യാര്ത്ഥികളും ഇംഗ്ലീഷിലും ഗണിതത്തിലും ഗ്രേഡ് 5 കരസ്ഥമാക്കി, വിദ്യാഭ്യാസ വകുപ്പ് (DfE) 'നല്ല പാസായി' കണക്കാക്കുന്നു. എന്നാല് സ്കൂള് അടച്ചുപൂട്ടുന്ന സമയത്ത് അഞ്ച് വയസ് പ്രായമുള്ള കുട്ടികള് ജിസിഎസ്ഇയില് ഇരിക്കുമ്പോള്, 2030 ഓടെ നിരക്ക് 40 ശതമാനത്തില് താഴെയായി തുടരുമെന്ന് റിപ്പോര്ട്ട് പ്രതീക്ഷിക്കുന്നു.
പഠന നഷ്ടം 'കോവിഡ് മൂലം സ്കൂള് അടച്ചുപൂട്ടുന്ന സമയത്ത് അഞ്ച് വയസ്സുള്ള കുട്ടികളുടെ വിദ്യാഭ്യാസ സാധ്യതകളെ ഗണ്യമായി നശിപ്പിക്കുമെന്നും പരീക്ഷാ ഫലങ്ങളില് പിന്നാക്കം നില്ക്കുന്ന കുട്ടികള്ക്കും അവരുടെ സമപ്രായക്കാര്ക്കും ഇടയില് നിലവിലുള്ള വിടവ് വര്ദ്ധിപ്പിക്കുമെന്നും ഗ്രൂപ്പ് നിഗമനം ചെയ്തു. കുറഞ്ഞ GCSE ഫലങ്ങള് തലമുറയ്ക്ക് £31bn ആജീവനാന്ത വരുമാനം കുറയ്ക്കാന് ഇടയാക്കുമെന്നും ഇത് കണക്കാക്കുന്നു.