ലോകം വീണ്ടും കോവിഡ് എന്ന മഹാമാരിയിലേക്ക് ഉറ്റു നോക്കുകയാണ്. ഇപ്പോഴിതാ ലോകാരോഗ്യ സംഘടനയുടെ പുതിയ റിപ്പോര്ട്ട് പ്രകാരം വിദേശ രാജ്യങ്ങളില് കോവിഡ് നിരക്കുകള് വീണ്ടും കുത്തനെ ഉയരുകയാണെന്നും അതില് ആശങ്കയുണ്ടെന്നും ലോകാരോഗ്യസംഘടന. ഡയറക്ടര് ജനറലായ ടെഡ്രോസ് അഥനോം ഗെബ്രിയേസുസ് ആണ് മുന്നറിയിപ്പുമായി എത്തിയത്. ചൈനയിലെ ആരോഗ്യസംവിധാനത്തിന് ആവശ്യമായ സംരക്ഷണവും പിന്തുണയും നല്കുമെന്നും അദ്ദേഹം പറഞ്ഞു.
ചൈനയില് നിന്നുള്ള യാത്രികര്ക്ക് നിരവധി രാജ്യങ്ങള് യാത്രാവിലക്ക് ഏര്പ്പെടുത്തിയതിനെക്കുറിച്ചും ലോകാരോഗ്യസംഘടന പരാമര്ശിച്ചു. വ്യാപനത്തെക്കുറിച്ചുള്ള കൃത്യമായ വിവരങ്ങള് ലഭ്യമാകാത്ത സാഹചര്യത്തില് രാജ്യങ്ങള് തങ്ങളുടെ ജനങ്ങളെ സംരക്ഷിക്കുന്ന തരത്തിലുള്ള നടപടികള് കൈക്കൊള്ളുന്നത് മനസ്സിലാക്കാനാകുമെന്നാണ് ടെഡ്രോസ് അഥനോം ഗെബ്രിയേസുസ് പറഞ്ഞത്.
കോവിഡിന്റെ ആവിര്ഭാവത്തെക്കുറിച്ചും മറ്റുമുള്ള ഡാറ്റകള് കൈമാറാനും പഠനങ്ങള് നടത്താനും ചൈനയോട് തുടര്ച്ചയായി ആവശ്യപ്പെട്ടുകൊണ്ടിരിക്കുകയാണ് എന്നും അദ്ദേഹം വ്യക്തമാക്കി.