ഗൊരഖ്പുര് : വിധവയായ മരുമകളെ അമ്മായിയച്ചന് വിവാഹം ചെയ്തു. ഞെട്ടിക്കുന്ന സംഭവം നടന്നത് ഉത്തര്പ്രദേശിലെ ഛാപിയ ഉംറാവോ ഗ്രാമത്തില്.
ഉത്തര്പ്രദേശുകാരനായ കൈലാസ് യാദവ് എന്ന 70കാരനാണ് മരുമകളെ വിവാഹം ചെയ്തത്. ബാര്ഹാല്ഗന്ജ് പൊലീസ് സ്റ്റേഷനില് ചൗകിദാര് ആണ് കൈലാസ് യാദവ്. ഇയാളുടെ ഭാര്യ മരിച്ചിട്ട് 12 വര്ഷങ്ങളായി. കുറച്ച് വര്ഷങ്ങള്ക്ക് മുന്പ് മകനും മരിക്കുകയായിരുന്നു.
മകന് മരിച്ചതോടെ മരുമകള് ഒറ്റക്കാവാതിരിക്കാന് ഇയാള് 28കാരിയായ മരുമകള്ക്ക് വേറെ വിവാഹം നടത്തികൊടുത്തിരുന്നു. എന്നാല് ആ ബന്ധം അധികം നീണ്ടു നിന്നില്ല എന്ന് മാത്രമല്ല അധികം വൈകാതെ മരുമകള് പൂജ ഇയാള്ക്കരികിലേക്ക് തിരിച്ചെത്തുകയും ചെയ്തു.
പിന്നീടാണ് വീട്ടില് വെച്ച് നടന്ന ചടങ്ങില് ഇയാള് മരുമകളായ പൂജയെ വിവാഹം ചെയ്തത്. ഗ്രാമത്തിലെ ആരും അറിയാതെ നടത്തിയ വിവാഹം പക്ഷെ സോഷ്യല് മീഡിയയിലൂടെ പുറത്തറിയുകയായിരുന്നു. പൊലീസ് ഈ സംഭവത്തില് അന്വേഷണം ആരംഭിച്ചു കഴിഞ്ഞു.