അനധികൃത ചൈനീസ് ആപ്പുകള്ക്ക് പിടിമുറുക്കി മോദി സര്ക്കാര്. ലോണ് ആപ്പുകള്ക്കെതിരെ ധാരാളം പരാതികള് ഉയര്ന്ന സാഹചര്യത്തിലാണ് നടപടി.
കേന്ദ്ര ആഭ്യന്തര മന്ത്രാലയത്തിന്റെ റിപ്പോര്ട്ടിന്റെ അടിസ്ഥാനത്തില് ഇന്ഫര്മേഷന് ആന്ഡ് ബ്രോഡ്കാസ്റ്റിംഗ് മന്ത്രാലയമാണ് 138 വാതുവെപ്പ് ആപ്പുകളും 94 ലോണ് ആപ്പുകളും ഇന്ത്യയില് നിരോധിച്ചത്. ഇന്ത്യയുടെ പരമാധികാരത്തിനും അഖണ്ഡതയ്ക്കും ഭീഷണി ഉയര്ത്തുന്നുവെന്ന് ചൂണ്ടിക്കാട്ടി ഇന്ഫര്മേഷന് ടെക്നോളജി നിയമത്തിലെ സെക്ഷന് 69 എ പ്രകാരമാണ് നടപടി.
നേരത്തെ ചൈനീസ് സര്ക്കാരുമായി അടുത്ത് പ്രവര്ത്തിക്കുന്ന 59 ചൈനീസ് കമ്പനികള്ക്ക് സുരക്ഷ പ്രശ്നങ്ങള് ചൂണ്ടിക്കാട്ടി അമേരിക്ക വിലക്ക് പ്രഖ്യാപിച്ചിരുന്നു. അതിര്ത്തിയിലെ സംഘര്ഷത്തിന് പിന്നാലെ ഇന്ത്യയും ചൈനീസ് ആപ്പുകള്ക്ക് നിരോധനം ഏര്പ്പെടുത്തിയിരുന്നു. 220 ആപ്പുകള്ക്കാണ് ഇന്ത്യയില് നിരോധനം ഏര്പ്പെടുത്തിയത്.