ഡേറ്റ സംരക്ഷിക്കുന്ന ഡിസപ്പിയറിങ് മെസേജ് ഫീച്ചറിനെ കുറിച്ച എല്ലാവര്ക്കും അറിയാം. എന്നാല് ചാറ്റില് നിന്നും മെസേജ് അപ്രത്യക്ഷമാക്കാതെ 'കെപ്റ്റ് മെസേജി'ലൂടെ മെസേജ് സൂക്ഷിക്കാം.
സന്ദേശങ്ങള് വാട്സ്ആപ്പ് ബാക്ക് അപ്പ് ചെയ്യുന്ന വിധമാണ് കെപ്റ്റ് മെസേജിന്റെ പ്രവര്ത്തനം. ചാറ്റ് ഇന്ഫോയിലാണ് കെപ്റ്റ് മെസേജ് ഫീച്ചര് അവതരിപ്പിച്ചത്. കെപ്റ്റ് മെസേജ് ഫീച്ചര് പ്രയോജനപ്പെടുത്തി കഴിഞ്ഞാല് ഡിസപ്പിയറിങ് മെസേജ് ലൈവ് ആണെങ്കില് കൂടിയും ചാറ്റില് നിന്ന് മെസേജ് അപ്രത്യക്ഷമാകില്ല. കെപ്റ്റ് മെസേജ് ഫീച്ചര് ഉപയോഗിക്കുന്നവര്ക്ക് സന്ദേശങ്ങളിന്മേല് നിയന്ത്രണം ഉണ്ടാവും. ഉപയോക്താക്കള്ക്ക് ആവശ്യമെന്ന് കണ്ടാല് മാത്രം സന്ദേശങ്ങള് ഡീലിറ്റ് ചെയ്ത് കളയാന് കഴിയുംവിധമാണ് സംവിധാനം. എല്ലാ കെപ്റ്റ് മെസേജുകളും സെക്ഷനില് കാണാന് സാധിക്കും. ഭാവിയില് ആവശ്യം എന്ന് തോന്നിയാല് സന്ദേശം വീണ്ടെടുക്കാന് ഇതുവഴി സാധിക്കും. ഇത് ലൈവ് ആയി കഴിഞ്ഞാല് സ്റ്റാര്ഡ് മെസേജ് ഫീച്ചര് അപ്രസക്തമാകും. പതുക്കെ വാട്സ്ആപ്പ് ഇത് ഒഴിവാക്കും. നിലവില് പരീക്ഷണഘട്ടത്തിലാണ് ഈ ഫീച്ചര്. വരുംദിവസങ്ങളില് തന്നെ ഈ ഫീച്ചര് എല്ലാവര്ക്കും ലഭ്യമാവുമെന്നാണ് റിപ്പോര്ട്ടുകള്.