തിരുനാവായ സ്റ്റേഷന് സമീപം വെച്ച് വന്ദേ ഭാരത് എക്സ്പ്രസിന് നേരെ കല്ലെറിഞ്ഞ സംഭവത്തില് പ്രതിക്കായി അന്വേഷണം ഊര്ജിതമാക്കി. ആര് പി എഫ് കേസ് രജിസ്റ്റര് ചെയ്ത് തിരൂര് പൊലീസിന്റെ സഹായത്തോടെയാണ് അന്വേഷിക്കുന്നത്.
ഇന്നലെ രാത്രിയോടെ സംഭവ സ്ഥലത്തെത്തി അന്വേഷണ സംഘം പരിശോധന നടത്തി.ഇന്നലെ വൈകിട്ട് 5.20 ഓടെയായിരുന്നു അജ്ഞാതന് കാസര്ഗോഡ് - തിരുവനന്തപുരം വന്ദേ ഭാരത് എക്സ്പ്രസിന് നേരെ കല്ലേറിഞ്ഞത്. അപ്രതീക്ഷിതമായുണ്ടായ ആക്രമണത്തില് ട്രെയിനിന്റെ സി ഫോര് കോച്ചിന്റെ സൈഡ് ചില്ലില് വിള്ളല് സംഭവിച്ചിരുന്നു. കല്ലേറില് ട്രെയിനിന് സാരമായ കേടുപാടില്ലെന്നും ചെറിയ പാട് മാത്രമാണുള്ളതെന്നും റെയില്വേ ഷൊര്ണൂരില് ട്രെയിനിന്റെ പ്രാഥമിക പരിശോധന നടത്തിയ ശേഷം അറിയിച്ചു.
കഴിഞ്ഞ 25 ന് സംസ്ഥാനത്തെത്തിയ പ്രധാനമന്ത്രി നരേന്ദ്രമോദിയാണ് കേരളത്തിന് അനുവദിച്ച വന്ദേഭാരത് എക്സ്പ്രസ് ഫ്ളാഗ് ഓഫ് ചെയ്തത്. തൊട്ടടുത്ത ദിവസം തന്നെ സര്വീസും തുടങ്ങിയിരുന്നു. ഓടിത്തുടങ്ങി ഏതാനും ദിവസങ്ങള്ക്കുള്ളില് തന്നെ ട്രെയിനിനുനേരെ കല്ലേറുണ്ടായ സംഭവം ഗൗരവത്തോടെയാണ് അന്വേഷണ സംഘം കാണുന്നത്.