അരെക്കൊമ്പന് എവിടെയെന്നറിയാനുള്ള സിഗ്നല് നഷ്ടമായതോടെ എല്ലാവരും ആശങ്കയിലായിരുന്നു. എന്നാല് മണിക്കൂറുകള് നീണ്ട ആശങ്കയ്ക്കൊടുവില് അരിക്കൊമ്പന് എവിടെ എന്ന് കണ്ടെത്തിയിരിക്കുകയാണ്.
എന്നാല് ഇന്ന് രാവിലെ അരിക്കൊമ്പന് റേഞ്ചിലെത്തിയിരിക്കുകയാണ്. അതിര്ത്തി വിട്ട് പോയെന്ന് കരുതിയിരുന്ന അരിക്കൊമ്പനെ വനം വകുപ്പിന് റേഡിയോ കോളറില് നിന്നുള്ള സിഗ്നലുകള് ലഭിച്ചു. പത്തോളം സ്ഥലത്ത് നിന്നുള്ള സിഗ്നലുകളാണ് കിട്ടിയത്. കേരളാ - തമിഴ്നാട് അതിര്ത്തിയിലെ വന മേഖലയിലൂടെ സഞ്ചരിക്കുന്നതയാണ് സൂചന.
ഇന്നലെ ഉച്ചക്ക് ശേഷം രണ്ടു മണിക്ക് സിഗ്നല് കിട്ടിയ ശേഷം അരിക്കൊമ്പന് എവിടെയെന്ന് വ്യക്തമായിരുന്നില്ല. തമിഴ്നാട് വനമേഖലയിലെ വണ്ണാത്തിപ്പാറ ഭാഗത്താണ് ഇന്നലെ ഉച്ചയ്ക്ക് അരിക്കൊമ്പന് ഉണ്ടായിരുന്നത്. മേഘാവൃതമായ കാലാവസ്ഥയും ഇടതൂര്ന്ന വനവുമാണെങ്കില് സിഗ്നല് ലഭിക്കാന് കാലതാമസം ഉണ്ടാകും.