നാടിനെ നടുക്കിയ അഞ്ചു വയസ്സുകാരിയുടെ കൊലപാതകത്തില് പ്രതി അസ്ഫാക് ആലം വിവാഹിതനാണെന്ന വിവരങ്ങള് പുറത്ത്. ഇയാളുടെ കുടുംബ സ്വദേശമായ ബിഹാറിലാണെന്നും പൊലീസ് അന്വേഷണത്തില് തെളിഞ്ഞു.
ജോലിക്കു വേണ്ടി ഇയാള് ആലുവയില് എത്തിയിട്ട് ഒന്നരവര്ഷമായെന്നാണ് പൊലീസിന്റെ കണ്ടെത്തല്.
ആലുവയില് രണ്ടിടത്ത് താമസമാക്കിയ ശേഷമാണ് ചാന്ദിനിയുടെ വീടിനടുത്തേക്ക് ഇയാള് താമസിക്കാനൊത്തുന്നത്.
കെട്ടിടനിര്മാണമടക്കം നിരവധി ജോലികള് ഇയാള് ഒന്നരവര്ഷത്തിനുള്ളില് ചെയ്തിട്ടുണ്ട്. ഇതിനിടെ ഏതെങ്കിലും കേസുകളില് ഉള്പ്പെട്ടതായി കണ്ടെത്തിയിട്ടില്ല. അസ്ഫാക് ആലം വിവാഹിതനാണ്. ബിഹാറില് ഇയാളുടെ വീട് പൊലീസ് കണ്ടെത്തി. കൂടുതല് വിവരങ്ങള്ക്കായി ബിഹാര് പൊലീസുമായി എറണാകുളം റൂറല് പൊലീസ് ബന്ധപ്പെട്ടിട്ടുണ്ട്.
ബിഹാറില് മറ്റ് കേസുകള് ഉള്ളതായി വിവരം ലഭിച്ചിട്ടില്ല. ആവശ്യമെങ്കില് ബിഹാറില്പോയി കൂടുതല് വിവരങ്ങള് ശേഖരിക്കാനുള്ള ഒരുക്കത്തിലാണ് അന്വേഷകസംഘം. അഞ്ചുവയസ്സുകാരിയെ പീഡിപ്പിച്ചുകൊന്ന അസ്ഫാക് ആലം ആലുവ സബ് ജയിലില് 516--ാം നമ്പര് റിമാന്ഡ് തടവുകാരനാണു . കുട്ടിയെ ലൈംഗികമായി പീഡിപ്പിച്ച് അതിക്രൂരമായി കൊന്നതില് കുറ്റബോധം മുഖത്തോ പെരുമാറ്റങ്ങളിലോ ഇല്ലെന്ന് ജയില് അധികൃതര് പറഞ്ഞു .തടവുകാരും ഇയാളോട് അകലം പാലിക്കുന്നു.