കോഴിക്കോട് നിപ വൈറസ് കാരണം കോഴിക്കോട് പലയിടങ്ങളും കണ്ടെയ്ന്മെന്റ് സോണ് ആക്കിയ സാഹചര്യത്തില് വയനാട്ടിലും നിയന്ത്രണം ഏര്പ്പെടുത്തിയിരിക്കുകയാണ്.
വയനാട് മാനന്തവാടി പഴശി പാര്ക്കിലേക്ക് പ്രവേശനം വിലക്കിയിരിക്കുന്നത്. കണ്ടെയിന്മെന്റ് സോണുകളില് നിന്നുള്ളവര് വയനാട്ടില് എത്തുന്നത്തിനും നിയന്ത്രം ഏര്പ്പെടുത്തി. വയനാട്ടില് കണ്ട്രോള് റൂം തുറന്നിട്ടുണ്ട്- 04935 240390 എന്നി നമ്പരില് ബന്ധപ്പെടാം. ജില്ലയില് പൊതുജനങ്ങള് കൂടുതല് ഒത്ത് ചേരുന്ന സ്ഥലങ്ങളിലും, ടൂറിസ്റ്റ് കേന്ദ്രങ്ങളിലും മാസ്ക് ധരിക്കുന്നത് സംബന്ധിച്ച് പൊതുജനങ്ങള്ക്ക് ബോധവല്ക്കരണം നല്കും.
വവ്വാലുകള് കൂടുതലായി കാണപ്പെടുന്ന മാനന്തവാടി പഴശ്ശി പാര്ക്കിലേയ്ക്കുള്ള പൊതുജനങ്ങളുടെ പ്രവേശനം താല്ക്കാലികമായി നിര്ത്തി. കോഴിക്കോട് ജില്ലയിലെ കണ്ടെയിന്മെന്റ് സോണുകളില് നിന്നും ജോലിയ്ക്കായും, വിദ്യാഭ്യാസ ആവശ്യങ്ങള്ക്കായും ജില്ലയിലേയ്ക്ക് വരുന്നവര് നിലവില് താമസിക്കുന്ന സ്ഥലത്ത് തന്നെ തുടരേണ്ടതാണ്.
ഇത്തരം സാഹചര്യങ്ങളില് വിദ്യാഭ്യാസ സ്ഥാപനങ്ങളില് ഓണ്ലൈന് സംവിധാനത്തിലൂടെ ക്ലാസ്സുകള് നടത്തുന്നതിനുള്ള ക്രമീകരണം ബന്ധപ്പെട്ടവര് സ്വീകരിക്കണമെന്നും നിര്ദേശമുണ്ട്.