യുവാവിനെ ലൈംഗിക അടിമയാക്കി കൊല്ലാന് ശ്രമിച്ചെന്ന് പരാതി. ഉന്നത ഉദ്യോഗസ്ഥരായ ദമ്പതികള്ക്കെതിരെയാണ് ബോംബെ ഐഐടി വിദ്യാര്ത്ഥിയായ 30കാരന് രംഗത്തെത്തിയത്. യുവാവിന്റെ പരാതിയുടെ അടിസ്ഥാനത്തില് മുംബൈ പൊലീസ് ദമ്പതികള്ക്കെതിരെ കേസെടുത്തു. ദമ്പതികള് തന്നെ ലൈംഗിക അടിമയാക്കി മാറ്റുകയായിരുന്നെന്നും പിന്നീട് കൊലപ്പെടുത്താന് ശ്രമിച്ചതായും വിദ്യാര്ത്ഥി പരാതിയില് പറയുന്നു. അതേസമയം കേസില് ഇതുവരെ ആരെയും അറസ്റ്റ് ചെയ്തിട്ടില്ല.
മുപ്പത് വയസുള്ള പരാതിക്കാരനായ വിദ്യാര്ഥിയും പ്രതിയും ഏകദേശം രണ്ട് വര്ഷം മുമ്പ് ഗ്രിന്ഡ്ര് ആപ്പിലൂടെ പരിചയപ്പെടുകയായിരുന്നുവെന്ന് പൊവായ് പോലീസിലെ സീനിയര് ഇന്സ്പെക്ടര് ബുധന് സാവന്ത് പറഞ്ഞു. രണ്ട് പ്രതികളും ഉയര്ന്ന വിദ്യാഭ്യാസമുള്ളവരും നല്ല ജോലിയുള്ളവരുമാണെന്നും ഓഫീസര് കൂട്ടിച്ചേര്ത്തു.
പ്രതി തന്നെ പ്രകൃതിവിരുദ്ധ ലൈംഗിക ബന്ധത്തിന് ഇരയാക്കിയതായി പരാതിക്കാന് ആരോപിച്ചു. ദമ്പതികള് തന്റെ കൈയും കഴുത്തും കെട്ടിയിട്ട് ദേഹത്ത് പലയിടത്തും പൊള്ളലേല്പ്പിച്ചതായി വിദ്യാര്ഥി പരാതിയില് പറയുന്നു. ജീവഹാനി സംഭവിച്ചേക്കാവുന്ന വിധത്തിലാണ് തന്റെ കഴുത്ത് മുറുക്കി പിടിച്ചതെന്നും ഇദ്ദേഹം ആരോപിക്കുന്നു. കേസിലെ പ്രതിയും ഭാര്യയും ചേര്ന്നാണ് തന്നെ ലൈംഗിക അടിമയാക്കിയതെന്നും അദ്ദേഹം പറഞ്ഞു.