മുംബൈ : മഹാരാഷ്ട്രയില് ട്രക്കും സ്വകാര്യ ബസും കൂട്ടിയിടിച്ച് നാല് മരണം. സംഭവത്തില് 22 പേര്ക്ക് പരിക്കേറ്റു. പൂനെ-ബെംഗളൂരു ഹൈവേയിലെ നര്ഹെ മേഖലയ്ക്ക് സമീപമാണ് അപകടമുണ്ടായത്.
മുംബൈ-ബെംഗളൂരു ദേശീയ പാതയില് ക്ഷേത്രത്തിന് സമീപം പുലര്ച്ചെ രണ്ട് മണിയോടെയാണ് അപകടമുണ്ടായത്. താനെയിലെ സതാരയില് നിന്ന് ഡോംബിവ്ലിയിലേക്ക് പോവുകയായിരുന്ന സ്വകാര്യ ബസ് സ്വാമിനാരായണ ക്ഷേത്രത്തിന് സമീപം എത്തിയപ്പോള് പിന്നില് നിന്ന് വന്ന ട്രക്ക് ഇടിക്കുകയായിരുന്നുവെന്ന് പൊലീസ് പറഞ്ഞു. മൂന്ന് ബസ് യാത്രക്കാരും ട്രക്ക് ഡ്രൈവറുമാണ് മരിച്ചത്.പരിക്കേറ്റ 13 യാത്രക്കാരെ നവലെ ആശുപത്രി, ദീനനാഥ് മങ്കേഷ്കര് ആശുപത്രി, സസൂണ് ആശുപത്രി എന്നിവയുള്പ്പെടെ പൂനെയിലെ വിവിധ ആശുപത്രികളില് പ്രവേശിപ്പിച്ചു. പരിക്കേറ്റ മറ്റ് യാത്രക്കാരെ സമീപത്തെ ആശുപത്രികളില് പ്രവേശിപ്പിച്ചതായി അധികൃതര് അറിയിച്ചു.