സ്‌കെന്തോര്‍പ്പ് : ഗ്രേറ്റ് ബ്രിട്ടന്‍ സീറോ മലബാര്‍ രൂപത നടത്തുന്ന രൂപതാ തല ബൈബിള്‍ കലോത്സവത്തിന് തിരിതെളിയാന്‍ ഇനി ഒരാഴ്ച മാത്രം ബാക്കി നില്‍ക്കെ മത്സരത്തില്‍ പങ്കെടുക്കുന്ന കലാപ്രതിഭകള്‍ തകൃതിയായ ഒരുക്കങ്ങളില്‍ ആണ്. നവംബര്‍ 18 ന് ലീഡ്‌സ് റീജിയണിലെ സ്‌കെന്തോര്‍പ്പില്‍ വച്ച് നടക്കുന്ന ബൈബിള്‍ കലോത്സവത്തില്‍ രൂപതയിലെ പന്ത്രണ്ട് റീജിയണുകളില്‍ നിന്നും വിജയികളായ ആയിരത്തി അഞ്ഞൂറോളം മത്സരാര്‍ത്ഥികള്‍ പങ്കെടുക്കും.
പന്ത്രണ്ട് സ്റ്റേജുകളിലായിട്ടായിരിക്കും മത്സരങ്ങള്‍ നടക്കുക. രാവിലെ 8.15 ന് രജിസ്ട്രേഷന്‍ ആരംഭിക്കുകയും 9 .15 ന് രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ പിതാവിന്റെ നേതൃത്വത്തില്‍ ബൈബിള്‍ കലോത്സവത്തിലെ ഏറ്റവും പ്രധാന ഭാഗമായ ആഘോഷമായ ബൈബിള്‍ പ്രതിഷ്ഠയും തുടര്‍ന്ന് ഉദ്ഘാടനവും നടക്കും. കൃത്യം പത്ത് മണിക്ക് തന്നെ മത്സരങ്ങള്‍ എല്ലാ സ്റ്റേജുകളിലും ആരംഭിക്കും. കലോത്സവ വേദിക്കരുകില്‍ തന്നെ തുടര്‍ച്ചയായി നടക്കുന്ന വി കുര്‍ബാനയിലും ആരാധനയിലും പങ്കെടുക്കുന്നതിനുള്ള സൗകര്യങ്ങള്‍ ക്രമീകരിച്ചിട്ടുണ്ട്. ഓരോ റീജിയണുകളില്‍ നിന്നും മത്സരങ്ങളില്‍ ഒന്നാം സ്ഥാനം നേടിയവരാണ് രൂപതതല മത്സരത്തില്‍ യോഗ്യത നേടിയിരിക്കുന്നത്. അഭിവന്ദ്യ പിതാവിന്റെയും ബഹുമാനപ്പെട്ട വൈദീകരുടെയും ബഹുമാനപ്പെട്ട സിസ്റ്റേഴ്‌സിന്റെയും സാന്നിധ്യം കൊണ്ടും പ്രാര്‍ത്ഥനകൊണ്ടും അനുഗ്രഹീതമായിരിക്കും കലോത്സവ വേദികള്‍.
കാറുകള്‍ പാര്‍ക്ക് ചെയ്യുവാനുള്ള വിശാലമായ കാര്‍പാര്‍ക്കിങ് സൗകര്യങ്ങള്‍ ഒരിക്കിയിട്ടുണ്ട്. കലോത്സത്തില്‍ പങ്കെടുക്കുന്നവര്‍ക്ക് രുചികരമായ ഭക്ഷണം കഴിക്കാനുള്ള വിശാലമായ ഡൈനിങ് ഏരിയയും ഒരുക്കിയിട്ടുണ്ട്. ഭക്ഷണം വാങ്ങുന്നതിനായി വിവിധ കൗണ്ടറുകള്‍ ഉണ്ടായിരിക്കുന്നതിനോടൊപ്പം മുന്‍കൂട്ടി ബുക്ക് ചെയ്യുന്നവര്‍ക്കായി പ്രത്യേക കൗണ്ടറുകളും ഒരുക്കുന്നുണ്ട്. വൈകുന്നേരം 5.30 ന് മത്സരങ്ങള്‍ സമാപിച്ച് 8 മണിയോടുകൂടി സമ്മാനദാനങ്ങള്‍ പൂര്‍ത്തീകരിക്കും. വിശ്വസ പ്രഘോഷണത്തിന്റെ വലിയ വേദിയാകുന്ന ബൈബിള്‍ കലോത്സവം അരങ്ങേറുന്ന സ്‌ക്‌ന്തോര്‍പ്പിലേക്ക് ഗ്രേറ്റ് ബ്രിട്ടന്‍ രൂപതമുഴുവനും എത്തുന്ന ഈ ദിനം കൂടുതല്‍ അനുഗ്രഹപ്രദവും വിജയകരവുമാകുവാന്‍ എല്ലാവരുടെയും പ്രാര്‍ഥനാ സഹായം അഭ്യര്‍ഥിക്കുന്നതായാലും വിവിധ സ്റ്റേജുകളില്‍ നടക്കുന്ന പ്രോഗ്രാമുകളുടെ സമയക്രമത്തെക്കുറിച്ച് അറിയുന്നതിനായി ബൈബിള്‍ അപ്പസ്റ്റോലറ്റ് വെബ്‌സൈറ്റ് സന്ദര്‍ശിക്കുവാനും ബൈബിള്‍ അപ്പൊസ്തലേറ്റിന് വേണ്ടി ജിമ്മിച്ചന്‍ ജോര്‍ജ് അറിയിച്ചു.
http://smegbbiblekalotsavam.
More Latest News
സെപ്റ്റംബര്‍ 21ന് ഗ്രേറ്റ് ബ്രിട്ടന്‍ രൂപത വിമന്‍സ് ഫോറം വാര്‍ഷിക സമ്മേളനം ബിര്‍മിങാമില്‍; മേജര്‍ ആര്‍ച്ച് ബിഷപ്പ് മാര്‍ റാഫേല്‍ തട്ടില്‍ ഉദ്ഘാടനം ചെയ്യുന്ന പരിപാടി രാവിലെ എട്ട് മുപ്പത് മുതല്‍ വൈകുന്നേരം അഞ്ച് മണി വരെ
കൊവിഡ് പ്രതിരോധ വാക്സീന് ഗുരുതര പാര്‍ശ്വഫലമുണ്ടെന്ന് വാക്‌സിന്‍ കമ്പനി ആസ്ട്രസെനെക വ്യക്തമാക്കിയതിന് പിന്നാലെ വാക്സീന് സര്‍ട്ടിഫിക്കറ്റില്‍ നിന്നും മോദി ഫോട്ടോ നീക്കി
റോഡ് ടെസ്റ്റിന് ശേഷം മാത്രം എച്ച് ടെസ്റ്റ്, കേരളത്തില്‍ പുതുക്കിയ ഡ്രൈവിംഗ് ടെസ്റ്റ് ഇന്നു മുതല്‍, പരിഷ്‌ക്കരണങ്ങളോട് ഇടഞ്ഞ് ഡ്രൈവിംഗ് സ്‌കൂളുകള്‍
'നായയെ പോലെ കിതച്ചെന്ന് ജാസ്മിനോടും', 'നീതി ദേവതയായി നടന്നിട്ട് നിലവാരമില്ലാത്ത കളി കളിക്കരുതെന്ന് റെസ്മിനോടും' ഗബ്രി, ബിഗ്‌ബോസില്‍ ഈ ആഴ്ച മൂന്ന് സുഹൃത്തുക്കള്‍ തമ്മിലുള്ള വഴക്ക്
മീന്‍ മുള്ള് തൊണ്ടയില്‍ കുടുങ്ങി, 91കാരിയുടെ തൊണ്ടയില്‍ നിന്നും ശസ്ത്രക്രിയയിലൂടെ മുള്ളെടുത്തത് അഞ്ച് ദിവസം കഴിഞ്ഞ്
Most Read
British Pathram Recommends
