ന്യൂകാസില്: നോര്ത്ത് ഈസ്റ്റിലെ മലയാളികളുടെ ഏറ്റവും പ്രധാന സംഘടനയായ മാന് (മലയാളി അസോസിയേഷന് ഓഫ് നോര്ത്ത് ഈസ്റ്റ്) അടുത്ത രണ്ടു വര്ഷത്തേക്കുള്ള ഭാരവാഹികളെ തിരഞ്ഞെടുത്തു, ഞായറാഴ്ച നടന്ന ആനുവല് ജെനെറല് ബോഡി മീറ്റിങ്ങില് വച്ച് നടന്ന തിരഞ്ഞെടുപ്പില് ഗവര്ണര് ജെനെറല് ആയി ജിജോ മാധവപ്പള്ളില്, ഡെപ്യൂട്ടി ഗവര്ണര് ജെനെറല് ആയി ജസ്റ്റിന് തോമസ്, ട്രെഷറര്മാര് ആയി ആന് സുനില്, സജി തോമസ്, യുക്മ പ്രതിനിധിയായി ഷൈമോന് തോട്ടുങ്കല്, കള്ച്ചറല് കോഡിനേറ്റേഴ്സ് ആയി ബ്രീസ് ജോര്ജ്, ഷേര്ളി ബിജു. കിഡ്സ് കോഡിനേറ്റേഴ്സ് ആയി ചിഞ്ചു ജസ്റ്റിന്, ഡോണ് ലിസ് ജോസഫ്. പി ആര്ഓ ആയി, ഡിംപിള് ജിബി. അഡൈ്വസറി കമ്മറ്റി അംഗങ്ങള് ആയി, ഷിബു മാത്യു, പോപ്സണ് എബ്രഹാം എന്നിവരെയും തിരഞ്ഞെടുത്തു, യോഗത്തില് വച്ച് കഴിഞ്ഞ വര്ഷങ്ങളിലെ കണക്കുകള് വായിച്ചു പാസാക്കുകയും, കഴിഞ്ഞ രണ്ടു വര്ഷക്കാലം സംഘടനയെ ശക്തമായി നയിച്ച ഭാരവാഹികളെ അഭിനന്ദിക്കുകയും ചെയ്തു. വരും നാളുകളില് നടക്കാനിരിക്കുന്ന പരിപാടികളെക്കുറിച്ചും, സംഘടനയുടെ പൊതു കാര്യങ്ങളെക്കുറിച്ചും ചര്ച്ചയും സംഘടിപ്പിച്ചിരുന്നു. ന്യൂകാസില് ഇംഗ്ലീഷ് മാര്ട്ടയേര്സ് പള്ളി വികാരി ഫാ. ജോണ് യോഗത്തിനും പുതിയതായി തിരഞ്ഞെടുക്കപ്പെട്ട ഭാരവാഹികള്ക്കും ആശംസകള് അര്പ്പിച്ചു. ഷെഫ് റോബിന്സ് ഫ്ലേവേഴ്സ് ഒരുക്കിയ വിഭവ സമൃദ്ധമായ ഡിന്നറോടെയാണ് ആനുവല് ജെനെറല് ബോഡി സമാപിച്ചത്.