ഒന്ന് പൊങ്ങി നിവര്ന്നപ്പോള് ഇത്രയും വലിയ അബദ്ധം പറ്റുമെന്ന് തിമിംഗലം വിചാരിച്ചു കാണില്ല. ചുറ്റിനും നിന്നവര് ദൈവത്തിനെ വിളിച്ചു പോയ നിമിഷമായിരുന്നു അത്.
വായുവിലേക്ക് ഉയര്ന്നുപൊങ്ങി വെള്ളത്തിലേക്ക് തന്നെ മടങ്ങുന്നതിനിടെ ആയിരുന്നു എല്ലാം സംഭവിച്ചത്. മുകളിലേക്ക് പൊങ്ങി തിരിച്ചു മറിഞ്ഞപ്പോള് തിമിംഗലം അടുത്തുണ്ടായിരുന്ന ബോട്ടിലേക്ക് മറിഞ്ഞ് രണ്ടു സ്ത്രീകള് ഉള്പ്പെടെ നാലു യാത്രക്കാര്ക്ക് പരിക്ക് പറ്റി.
സംഭവം നടക്കുന്നത് മെക്സിക്കോയിലാണ്. വെള്ളത്തില് തിമിംഗലം അഭ്യാസപ്രകടനം നടത്തുന്നത് പതിവ് കാഴ്ചയാണ്. അതിനിടെയാണ് അപകടം ഉണ്ടായത്. വായുവിലേക്ക് ഉയര്ന്നു പൊങ്ങി തിരിച്ച് വെള്ളത്തിലേക്ക് തന്നെ മടങ്ങുന്നതിനിടെ ഈസമയത്ത് അതുവഴി കടന്നുവന്ന ബോട്ടിലേക്ക് തിമിംഗലം വീഴുകയായിരുന്നു. ഇതിന്റെ ദൃശ്യങ്ങള് പുറത്തുവന്നിട്ടുണ്ട്. തിമിംഗലത്തിന്റെ വീഴ്ചയില് ടൂറിസ്റ്റ് ബോട്ടിന് ചാഞ്ചാട്ടം ഉണ്ടായെങ്കിലും മറിഞ്ഞില്ല. എന്നാല് ബോട്ടില് സഞ്ചരിച്ചിരുന്ന നാലു യാത്രക്കാര്ക്ക് പരിക്കേറ്റു. ഇവരെ ആശുപത്രിയിലേക്ക് മാറ്റി. ഒരു സ്ത്രീയുടെ കാലൊടിഞ്ഞു. മറ്റൊരു യാത്രക്കാരന്റെ വാരിയെല്ലിനും തലയ്ക്കുമാണ് പരിക്ക്.