പക്കാ വെജിറ്റേറിയനായ വ്യക്തികള്ക്ക് മുട്ടയുല്പ്പന്നങ്ങള് കഴിക്കാന് പോലും മടിയുണ്ടാകും. അത്തരത്തില് ഒരു കേക്ക് ഓര്ഡര് ചെയ്ത വ്യക്തിയുടെ വാര്ത്തയാണ് സോഷ്യല് മീഡിയയില് വൈറലാകുന്നത്.
സ്വിഗ്ഗി വഴിയാണ് അയാള് കേക്ക് ഓര്ഡര് ചെയ്തത്. ഇത്തരത്തില് ഓര്ഡര് ചെയ്ത ഒരാള്ക്ക് കിട്ടിയ ഒരു കേക്കിന്റെ വിശേഷമാണിവിടെ. മഹാരാഷ്ട്രയിലെ നാഗ്പൂരിലസാണ് സംഭവം. നാഗ്പൂരിലെ വളരെ പ്രശസ്തമായ ഒരു ബേക്കറിയില് നിന്നും സ്വിഗ്ഗി വഴി കപില് വാസ്നിക്ക് കേക്ക് ഓര്ഡര് ചെയ്തു. ഓര്ഡര് കൊടുക്കുമ്പോള് കേക്കില് മുട്ട അടങ്ങിയിട്ടുണ്ടെങ്കില് അത് പറയണം എന്നും കപില് ആവശ്യപ്പെട്ടു.
പക്ഷെ ഓര്ഡര് ചെയ്ത കേക്ക് വന്നപ്പോള് കപില് അന്തംവിട്ടുപോയി. കേക്കിന് മുകളില് എഴുതിയിരിക്കുന്നത് 'മുട്ട അടങ്ങിയിട്ടുണ്ട്' എന്നാണ്. ക്രീം സ്വിര്ലുകളും ചെറി പഴങ്ങളുമടങ്ങിയ തനിക്ക് ലഭിച്ച കേക്കിന്റെ മനോഹരമായ ചിത്രം കപില് ട്വിറ്ററില് പങ്കുവച്ചു. ചിത്രം കണ്ടവരെല്ലാം രസകരമെന്നാണ് മറുപടി നല്കിയത്. ചിലര് ഇതുപോലെ വ്യത്യസ്തമായ എഴുത്തുളള കേക്കുകളുടെ ചില ചിത്രങ്ങള് പങ്കുവയ്ക്കുകയും ചെയ്തു.