രുചിയിലും രൂപത്തിലും വ്യത്യസ്തത് പുലര്ത്തുന്ന 'ടോബ്ലെറോണ് ചോക്ലേറ്റ്' വലിയൊരു മാറ്റത്തിന് ഒരുങ്ങുന്നതായി റിപ്പോര്ട്ട്. പര്വ്വതത്തെ ഓര്മ്മിപ്പിക്കുന്ന തരത്തിലുള്ള രൂപത്തോടെ പാക്ക് ചെയ്യപ്പെട്ട് ചോക്ലേറ്റ് പ്രേമികളിലേക്ക് എത്തുന്ന 'ടോബ്ലെറോണ് ചോക്ലേറ്റ്' ആവശ്യക്കാരുടെ മനസ്സ് മനസ്സിലാക്കുന്നു.
വര്ധിച്ചുവരുന്ന ആവശ്യം കണക്കിലെടുത്ത് വലിയൊരു മാറ്റത്തിനാണ് കമ്പനി ഒരുങ്ങുന്നത്. മൊണ്ടെലെസ് ഇന്റര്നാഷണല് സ്വിറ്റ്സര്ലന്ഡിന് പുറത്തും ചോക്ലേറ്റ് നിര്മ്മിക്കാന് തീരുമാനിച്ചു. 2023 ഓടെ യൂറോപ്പിലെ സ്ലോവാക്യയില് ചോക്ലേറ്റ് നിര്മാണം ആരംഭിക്കുമെന്നാണ് റിപ്പോര്ട്ടുകള്. ഇതോടെ നിയമപരമായ കാരണങ്ങളാല് പാക്കേജിംഗില് നിന്ന് സ്വിറ്റ്സര്ലന്ഡിന്റെ ചിത്രം ഉപേക്ഷിക്കേണ്ടിവരും. ചോക്ലേറ്റിന്റെ ആവശ്യം വര്ധിച്ചതിനെ തുടര്ന്നാണ് മറ്റൊരിടത്ത് ഉല്പ്പാദനം ആരംഭിക്കാന് തീരുമാനിച്ചതെന്നും റിപോര്ട്ടുകള് പറയുന്നു.
മൊണ്ടെലെസ് ഇതിനകം തന്നെ സ്ലൊവാക്യയില് മില്ക്ക, സുചാര്ഡ് ചോക്ലേറ്റുകള് ഉത്പാദിപ്പിക്കുന്നുണ്ട്. പുതിയ നീക്കം ചോക്ലേറ്റിന്റെ ഉത്പാദനം ഇരട്ടിയാക്കുമെന്ന് മൊണ്ടെലെസ് പറഞ്ഞു. നിയമപരമായ കാരണങ്ങളാല് ഉല്പ്പാദനത്തില് മാറ്റങ്ങള് വരുത്താന് പോകുകയാണെന്ന് കമ്പനിയില് പറഞ്ഞിട്ടുണ്ട്. മറ്റെവിടെയെങ്കിലും ഉല്പ്പാദനം നടക്കുന്നതിനാല്, പാക്കേജിംഗില് നിന്ന് സ്വിറ്റ്സര്ലന്ഡിന്റെ ചിത്രം നീക്കം ചെയ്യേണ്ടതുണ്ട്. പ്രത്യേകിച്ച് ചോക്ലേറ്റിന്റെ മുകളില് നിന്ന് സ്വിറ്റ്സര്ലന്ഡ് എന്ന വാക്ക് നീക്കം ചെയ്യണം.