എഴുത്തുകാരിയായ യുവതിയെ ലൈംഗികമായി പീഡിപ്പിക്കാന് ശ്രമിച്ചെന്ന പരാതിയില് സാഹിത്യക്കാരന് സിവിക് ചന്ദ്രനെ ഈ മാസം 30ാം തീയതി വരെ അറസ്റ്റ് ചെയ്യരുതെന്ന് കോഴിക്കോട് പ്രിന്സിപ്പല് സെഷന്സ് കോടതി. ജഡ്ജ് എസ്. കൃഷ്ണ കുമാറാണ് 30ാം തിയ്യതി മുന്കൂര് ജാമ്യാപേക്ഷ പരിഗണിക്കുന്നവരെ അറസ്റ്റ് ചെയ്യരുതെന്ന് പൊലീസിന് നിര്ദേശം നല്കിയത്.
യുവ എഴുത്തുകാരിയുടെ പരാതിയില് കഴിഞ്ഞ ആഴ്ചയാണ് സിവിക് ചന്ദ്രനെതിരേ കൊയിലാണ്ടി പോലീസ് കേസെടുത്തത്. ബലാത്സംഘം, സ്ത്രീത്വത്തെ അപമാനിക്കല് തുടങ്ങിയ വകുപ്പുകളാണ് ചുമത്തിയിട്ടുള്ളത്.
പോലീസ് അന്വേഷണം തുടങ്ങിയതോടെ അദ്ദേഹം ഒളിവില് പോയിരിക്കുകയാണ്. ഫോണ് സ്വിച്ച് ഓഫാണെന്നും ചിലവിവരങ്ങളുടെ അടിസ്ഥാനത്തില് അയല് സംസ്ഥാനങ്ങള് കേന്ദ്രീകരിച്ച് അന്വേഷണം നടക്കുന്നുണ്ടെന്നും അന്വേഷണ സംഘം പറയുന്നു.
ഇതിനിടയിലാണ് ജാമ്യഹര്ജി നല്കിയത്. അതേസമയം സംഭവത്തില് പ്രതിഷേധിച്ച് ഉത്തരമേഖല ഐജി ഓഫീസിനു മുന്നില് പ്രക്ഷോഭം തുടങ്ങുമെന്ന് ദളിത് സംഘടനകള് അറിയിച്ചു. കൊയിലാണ്ടി പോലീസ് രജിസ്റ്റര് ചെയ്ത കേസില് വടകര ഡിവൈഎസ്പിക്കാണ് അന്വേഷണ ചുമതല.