ഐ.എസ്.എല്ലില് കേരള ബ്ലാസ്റ്റേഴ്സിന്റെ മിഡ്ഫീല്ഡര് യുക്രെയ്നിയന് താരം ഇവാന് കലിയൂഷ്നിയുടെ കാല്പാദത്തില് ചുംബിച്ച കമന്റേറ്റര് ഷൈജു ദാമോദരന്റെ പ്രവൃത്തിക്കെതിരെ സമൂഹമാധ്യമങ്ങളില് വിമര്ശനം. 'ഇത് കേരളത്തിന്റെ മുഴുവന് ഉമ്മയാണ്' എന്ന് പറഞ്ഞുകൊണ്ടായിരുന്നു ഷൈജുവിന്റെ ചുംബനം. ഇതാണ് വിമര്ശനത്തിനിടയാക്കിയത്.
ആരാധനയുടെ ഭാഗമായാണ് ഷൈജു കലിയുഷ്നിയുടെ കാലില് ഉമ്മവെച്ചത്. കലിയുഷ്നിയോട് കാല് തന്റെ മടിയില് വെക്കാന് ആവശ്യപ്പെട്ട അയാള് പിന്നീട് ചുംബിക്കുകയായിരുന്നു. ഇത് തന്റെ ഉമ്മയല്ലെന്നും കേരളത്തിന്റെതാണെന്നുമാണ് ഷൈജു പറഞ്ഞത്.
കലിയൂഷ്നി നോ പറഞ്ഞുകൊണ്ട് കാല് പിന്വലിക്കുന്നതും കാണാം.
ഈ വാക്കുകള് ആരാധകരെ ചൊടിപ്പിച്ചു. പിന്നാലെ ഷൈജുവിനെതിരേ നിരവധിപേര് രംഗത്തെത്തി. ട്രോളുകളും സജീവമാണ്. ഷൈജുവിന്റെ താരാരാധന പരിധിവിട്ടതാണെന്ന് പരും അഭിപ്രായപ്പെട്ടു. കേരളത്തിന്റെ ആരാധകര് ഇത്ര തരം താഴില്ലെന്നും ചിലര് പറഞ്ഞു.
ഏതായാലും ഈ വീഡിയോ ചുരുങ്ങിയ നിമിഷംകൊണ്ട് സമൂഹമാധ്യമങ്ങളില് വൈറലായി. ഷൈജുവിനെ പിന്തുണച്ചും നിരവധിപേര് രംഗത്തെത്തിയിട്ടുണ്ട്. ഷൈജുവിന്റെ യൂട്യൂബ് ചാനലിലൂടെയാണ് അഭിമുഖം പ്രസിദ്ധീകരിച്ചത്.
കേരള ബ്ലാസ്റ്റേഴ്സിന്റെ ഈ സീസണിലെ കുന്തമുനയാണ് 24കാരനായ ഇവാന് കലിയൂഷ്നി. നാല് ഗോളുമായി ഗോള്വേട്ടക്കാരുടെ പട്ടികയില് ഒന്നാമതാണ് താരം.