നഗരത്തില് മോഡലായ യുവതി കാറില് വച്ച് കൂട്ട ബലാത്സംഗത്തിന് ഇരയായ സംഭവം ഞെട്ടിക്കുന്നതാണെന്ന് മന്ത്രി വീണാ ജോര്ജ്. പെണ്കുട്ടിക്ക് മതിയായ ചികിത്സ ഉറപ്പ് വരുത്താന് നിര്ദേശം നല്കിയിട്ടുണ്ടെന്നും കുറ്റക്കാര്ക്കെതിരെ ശക്തമായ നടപടി സ്വീകരിക്കുമെന്നും മന്ത്രി പറഞ്ഞു.
കൊച്ചിയില് പെണ്കുട്ടിയെ കാറില് വെച്ച് കൂട്ട ബലാത്സംഗം ചെയ്ത സംഭവം ഞെട്ടിക്കുന്നതാണ്. കുറ്റക്കാര്ക്കെതിരെ ശക്തമായ നടപടി സ്വീകരിക്കും. പെണ്കുട്ടിക്ക് മതിയായ ചികിത്സ ഉറപ്പ് വരുത്താന് നിര്ദേശം നല്കിയിട്ടുണ്ട്, ഫെയ്സ്ബുക്കിലൂടെയായിരുന്നു മന്ത്രിയുടെ പ്രതികരണം.
കേസില് പ്രതികളുടെ അറസ്റ്റ് ഇന്ന് രേഖപ്പെടുത്തും.കൊടുങ്ങല്ലൂര് സ്വദേശികളായ വിവേക്, നിഥിന്, സുധീപ് എന്നിവരും രാജസ്ഥാന് സ്വദേശിനി ഡിമ്പിള് ലാവ എന്ന ഡോണയുമാണ് എറണാകുളം സൗത്ത് പൊലീസിന്റെ കസ്റ്റഡിയിലുള്ളത്. കൂട്ടമനഭംഗത്തിനിരയായ പെണ്കുട്ടിയെ എറണാകുളം മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയാണ്.
ഇന്നലെ രാത്രി പത്തരയോടെയാണ് സംഭവം. ഇതില് ഡോണ എന്ന സ്ത്രീയ്ക്ക് പദ്ധതിയെ കുറിച്ച് മുന്കൂട്ടി അറിയാമായിരുന്നു. അവരാണ് പീഡിപ്പിക്കാനുള്ള അവസരമൊരുക്കിയത്. കാസര്കോട് സ്വദേശിനിയായ മോഡലിന്റെ കൂടെയുണ്ടായിരുന്ന ഡോണ കാറില് കയറാതെ ഒഴിഞ്ഞു മാറി. നഗരത്തില് പലയിടങ്ങളിലായി കറങ്ങിയ കാറില് ക്രൂരമായ പീഡനത്തിനിരയാക്കി എന്നാണു യുവതി മൊഴി നല്കിയിട്ടുള്ളത്. തുടര്ന്നു യുവതിയുടെ കാക്കനാട്ടെ താമസസ്ഥലത്ത് ഇറക്കിവിട്ടു. രാവിലെ യുവതിയുടെ സുഹൃത്താണു വിവരം പൊലീസിനെ അറിയിച്ചത്. കാക്കനാട്ടെ സ്വകാര്യ ആശുപത്രിയില് ചികിത്സ തേടിയ യുവതിയെ പിന്നീട് പൊലീസ് കളമശേരി ഗവ. മെഡിക്കല് കോളജിലേക്കു മാറ്റി.
ഇന്ഫോ പാര്ക്ക് പൊലീസിനു ലഭിച്ച പരാതിയില് മൊഴി രേഖപ്പെടുത്തിയ ശേഷം സംഭവം നടന്ന സ്ഥലം ഉള്പ്പെട്ട എറണാകുളം സൗത്ത് സ്റ്റേഷനിലേക്കു കേസ് കൈമാറി. പൊലീസ് അന്വേഷണത്തില് രവിപുരത്തെ ബാറില് യുവാക്കള് നല്കിയ വിലാസം തെറ്റാണെന്നു മനസ്സിലായി. തുടര്ന്നു ഡോണയെ കണ്ടെത്തി ചോദ്യം ചെയ്തപ്പോഴാണു യുവാക്കളുടെ വിവരങ്ങള് ലഭിച്ചത്. ബാറില് യുവതി ബോധരഹിതയായ ശേഷം മൂന്നു യുവാക്കളും ചേര്ന്നു കാറില് കൊണ്ടുപോകുമ്പോള് കൂടെയുണ്ടായിരുന്ന രാജസ്ഥാന് സ്വദേശിനിയായ ഡോണ മനഃപൂര്വം ഒഴിഞ്ഞു മാറിയതാണെന്നാണു പൊലീസ് കരുതുന്നത്. ഇത് പീഡനത്തിനുള്ള അവസരമൊരുക്കാനായിരുന്നു,
മോഡലായ ഡോണയ്ക്കും മറ്റു മൂന്നു പേര്ക്കൊപ്പം രാത്രി രവിപുരത്തെ ബാറിലെത്തിയ 19 വയസ്സുകാരിയായ പെണ്കുട്ടി മദ്യപിച്ചു കുഴഞ്ഞു വീഴുകയായിരുന്നു. തുടര്ന്നു കാറില് കയറ്റി കൊണ്ടുപോകുന്നതിനിടെ പെണ്കുട്ടിയെ ക്രൂരമായ ലൈംഗികപീഡനത്തിന് ഇരയാക്കിയശേഷം കാക്കനാട് ഇവരുടെ താമസസ്ഥലത്ത് ഇറക്കിവിടുകയായിരുന്നു. മദ്യത്തില് ലഹരി കലര്ത്തി നല്കിയാണോ പെണ്കുട്ടിയെ ബോധരഹിതയാക്കിയതെന്ന സംശയവും സജീവമാണ്.
കേസ് രജിസ്റ്റര് ചെയ്തതിനു പിന്നാലെ പെണ്കുട്ടിയെ കളമശേരി മെഡിക്കല് കോളജ് ആശുപത്രിയിലേക്കു മാറ്റി. സംഭവം നടന്ന വാഹനം പൊലീസ് കസ്റ്റഡിയിലെടുത്തു. കൊടുങ്ങല്ലൂര് റജിസ്ട്രേഷനിലുള്ള വാഹനമാണ് കസ്റ്റിഡിയിലെടുത്തത്. കൊച്ചിയില് ഓടുന്ന വാഹനത്തില്വെച്ച് മോഡലിനെ കൂട്ടബലാത്സംഗം ചെയ്തത് നടിയെ ആക്രമിച്ച സംഭവത്തിന് സമാനമാണ്. വീട്ടിലേക്കുള്ള യാത്രയ്ക്കിടെയാണ് പെണ്കുട്ടിയെ മൂന്നുപേര് ചേര്ന്ന് ബലാത്സംഗം ചെയ്തത്. യാത്രയ്ക്കിടയില് ഇവര് യുവതിയെ ബലത്സംഗം ചെയ്തുവെന്നാണ് കേസ്. രണ്ടര മണിക്കൂറോളം കൊച്ചിയിലെ തിരക്കേറിയ റോഡിലൂടെ കാര് സഞ്ചരിച്ചു. നടിയെ യാത്രയ്ക്കിടെ പള്സര് സുനി പീഡിപ്പിച്ചതിന് സമാനമാണ് ഈ കേസും.
കൂടെയുണ്ടായിരുന്ന യുവതിയെയല്ലാതെ മറ്റ് മൂന്നുപേരേയും പെണ്കുട്ടിക്ക് പരിചയമില്ലെന്നാണ് പൊലീസ് പറയുന്നത്. കാക്കനാട്ടെ വീട്ടില് പെണ്കുട്ടിയെ ഇറക്കിവിട്ട ശേഷം യുവാക്കള് കടന്നുകളയുകയായിരുന്നു. ഥാര് എസ്.യു.വിയാണ് പൊലീസ് കസ്റ്റഡിയില് എടുത്തത്. പെണ്കുട്ടിയുടെ ആരോഗ്യനിലയില് ആശങ്കപ്പെടേണ്ട സഹാചര്യമില്ലെന്നാണ് വിവരം.
വ്യാഴാഴ്ച രാത്രി എട്ടരയോടെയാണ് ബാറില് രാജസ്ഥാന്കാരിയായ സുഹൃത്തിനൊപ്പം യുവതിയെത്തിയത്. പത്തു മണിയോടെ യുവതി ബാറില് കുഴഞ്ഞുവീണു. ഈ സമയം ഇവരെ താമസസ്ഥലത്ത് എത്തിക്കാമെന്ന് പറഞ്ഞാണ് യുവാക്കളെത്തിയത്. യുവതിയെ ഇവര് കാറില് കയറ്റി. എന്നാല്, സുഹൃത്തായ സ്ത്രീ കയറിയിരുന്നില്ല. നഗരത്തിന്റെ വിവിധ ഭാഗങ്ങളില് കറങ്ങിയ യുവാക്കള് മാറി മാറി ബലാത്സംഗം ചെയ്തു. പ്രതികളെ ഡോണയ്ക്ക് നേരത്തെ അറിയാമായിരുന്നുവെന്നാണ് നിഗമനം.
എറണാകുളത്തെ വിവാദമായ ഹാര്ബര് വ്യൂ ഹോട്ടലിലെ ഫ്ളൈഹൈ പബ്ബിലെ ഡി.ജെ പാര്ട്ടി കഴിഞ്ഞ് മടങ്ങുമ്പോഴാണ് മൂന്നു പേര് ചേര്ന്ന് ഇവരെ ക്രൂര പീഡനത്തിനിരയാക്കിയത്. പീഡനത്തില് യുവതിയുടെ സ്വകാര്യ ഭാഗങ്ങളില് മാരകമായി പരിക്കേല്ക്കുകയും ചെയ്തു.
അതേസമയം ഇന്ന് കോടതിയില് ഹാജരാക്കും. കൊടുങ്ങല്ലൂര് സ്വദേശികളായ വിവേക്, നിതിന്, സുധി എന്നിവരാണ് പിടിയിലായത്. മോഡലിന്റെ സുഹൃത്തായ രാജസ്ഥാന് സ്വദേശി ഡിംപലിനെയും എറണാകുളം സൗത്ത് പൊലീസ് കസ്റ്റഡിയിലെടുത്തിട്ടുണ്ട്. ഡിംപലിന്റെ സുഹൃത്താണ് വിവേക്. കസ്റ്റഡിയിലെടുത്ത വാഹനവും വിവേകിന്റേതാണ്.
തേവരയിലെ ഹോട്ടല് പാര്ക്കിംഗില് മോഡല് കുഴഞ്ഞ് വീണ ശേഷം മൂന്ന് പ്രതികള് ചേര്ന്ന് വാഹനത്തില് കയറ്റുമ്പോള് ഡിംപല് വാഹനത്തില് ആദ്യം കയറിയിരുന്നില്ല. നാല്പത്തിയഞ്ച് മിനിറ്റ് നഗരത്തില് കറങ്ങിയ ശേഷം ഹോട്ടലില് മടങ്ങിയെത്തിയാണ് ഡിംപലിനെ കൂട്ടികൊണ്ട് പോകുന്നത്. കളമശേരി മെഡിക്കല് കൊളെജില് തുടരുന്ന മോഡലില് നിന്ന് പൊലീസ് വീണ്ടും മൊഴിയെടുത്തേക്കും. പിടിയിലായവരെ ലഹരി പരിശോധനക്കും വിധേയമാക്കും.