ഭര്‍ത്താവിന്റെ നിര്‍ബന്ധപ്രകാരമാണ് സ്വര്‍ണം കടത്തിയതെന്ന് കരിപ്പൂരില്‍ പിടിയിലായ 19 കാരിയുടെ മൊഴി. ഞായറാഴ്ച രാത്രിയാണ് കാസര്‍കോട് സ്വദേശിനി ഷഹല കരിപ്പൂര്‍ വിമാനത്താവളത്തിന് പുറത്തു വെച്ച് പൊലീസിന്റെ പിടിയിലായത്. ദുബായില്‍നിന്നുള്ള എയര്‍ഇന്ത്യ എക്സ്പ്രസ് വിമാനത്തിലാണ് ഷഹല കരിപ്പൂരിലെത്തിയത്.
ഒരു ലക്ഷം രൂപക്കും വിമാന ടിക്കറ്റിനും വേണ്ടിയാണ് പെണ്‍കുട്ടി കാരിയറായത്. കസ്റ്റംസിനെ വെട്ടി കരിപ്പൂര്‍ വിമാനത്തവളത്തിനു പുറത്തുവന്ന യുവതിയില്‍നിന്നും ഒരു കോടി രൂപയുടെ സ്വര്‍ണമാണു പൊലീസ് പിടികൂടിയത്. എന്നാല്‍ പിടിയിലായ കാസര്‍ഗോഡ് സ്വദേശി ഷഹല താന്‍ സ്വര്‍ണം കടത്തിയത് ഒരു ലക്ഷം രൂപക്കും വിമാന ടിക്കറ്റിനും വേണ്ടിയാണെന്നാണു പൊലീസിന് മൊഴി നല്‍കിയത്.
സാമ്പത്തികമായ ആവശ്യം ഉള്ളതിനാലാണ് ഇത്തരത്തില്‍ സ്വര്‍ണം കടത്തിയതെന്നും വിമാനത്തവളത്തിനു പുറത്തുവന്നാല്‍ സ്വര്‍ണം കൊണ്ടുപോകാനുള്ളവര്‍ എത്തുമെന്നും സ്വര്‍ണം ഇവരെ ഏല്‍പിക്കാനായിരുന്നു നിര്‍ദ്ദേശമെന്നും യുവതി പൊലീസിനു മൊഴി നല്‍കി. കാരിയറാകാന്‍ ഒരു പേടിയും വേണ്ടെന്നും സ്ത്രീകളെ പരിശോധനയില്‍ ഒരിക്കലും പിടികൂടില്ലെന്നും പറഞ്ഞ് വിശ്വസിപ്പിച്ചു. എന്തുപ്രശ്‌നം വന്നാലും ഞങ്ങള്‍ കൂടെയുണ്ടാകുമെന്നും ഭയപ്പെടരുതെന്നും മുഖഭാവത്തില്‍ വ്യത്യാസം ഉണ്ടാകരുതെന്നും സ്വര്‍ണം നല്‍കിയവര്‍ ഉപദേശിച്ചിരുന്നു.
വിമാനത്തവളത്തിനു പുറത്തുവന്നാല്‍ വാട്‌സ്ആപ്പില്‍ ഫോണ്‍ ചെയ്യാനായിരുന്നു നിര്‍ദ്ദേശമെന്നും യുവതി പൊലീസിന് നല്‍കിയ മൊഴിയില്‍ പറഞ്ഞു. അതേ സമയം ഷഹലയുടെ മൊഴി രേഖപ്പെടുത്തിയ ശേഷം പൊലീസ് ഇവരെ ജാമ്യത്തില്‍വിട്ടു. പിടിച്ചെടുത്ത സ്വര്‍ണം കോടതിയില്‍ സമര്‍പ്പിക്കും, അതൊടൊപ്പം തുടരന്വേഷണത്തിനായി വിശദമായ റിപ്പോര്‍ട്ട് കസ്റ്റംസിനും സമര്‍പ്പിക്കും.
അടിവസ്ത്രത്തുനുള്ളില്‍ വിദഗ്ധമായി തുന്നിച്ചേര്‍ത്ത് ഒളിപ്പിച്ച സ്വര്‍ണ മിശ്രിതമാണ് ഷഹലയില്‍നിന്നും പൊലീസ് പിടികൂടിയത്. കരിപ്പൂരില്‍ കസ്റ്റംസിനെ വെട്ടിച്ച് കടത്തിയ 1884 ഗ്രാം 24 ക്യാരറ്റ് സ്വര്‍ണ്ണമാണ് എയര്‍പോര്‍ട്ടിന് പുറത്ത് വച്ചാണ് പൊലീസ് ഇവരെ പിടികൂടിയത്. ദുബായില്‍ നിന്നും കരിപ്പൂര്‍ വിമാനത്താവളം വഴി കൊണ്ടുവന്ന സ്വര്‍ണം മിശ്രിത രൂപത്തിലാക്കി മൂന്ന് പാക്കറ്റുകളാക്കി വസ്ത്രത്തിനുള്ളില്‍ ഒളിപ്പിച്ച് കടത്താനാണ് യുവതി ശ്രമിച്ചത്.
ഇന്നലെ രാത്രി 10.20 മണിക്ക് ദുബായില്‍ നിന്നെത്തിയ എയര്‍ ഇന്ത്യ എക്‌സ്പ്രസ്സ് വിമാനത്തിലാണ് യുവതി കാലികറ്റ് എയര്‍പോര്‍ട്ടിലിറങ്ങിയത്.കസ്റ്റംസ് പരിശോധനയ്ക്ക് ശേഷം 11 മണിക്ക് വിമാനത്താവളത്തിന് പുറത്തിറങ്ങിയ യുവതിയെ, മലപ്പുറം ജില്ലാ പൊലീസ് മേധാവി എസ്.സുജിത് ദാസിന് ന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ പൊലീസ് കസ്റ്റഡിയിലെടുക്കുകയായിരുന്നു.
More Latest News
സെപ്റ്റംബര്‍ 21ന് ഗ്രേറ്റ് ബ്രിട്ടന്‍ രൂപത വിമന്‍സ് ഫോറം വാര്‍ഷിക സമ്മേളനം ബിര്‍മിങാമില്‍; മേജര്‍ ആര്‍ച്ച് ബിഷപ്പ് മാര്‍ റാഫേല്‍ തട്ടില്‍ ഉദ്ഘാടനം ചെയ്യുന്ന പരിപാടി രാവിലെ എട്ട് മുപ്പത് മുതല്‍ വൈകുന്നേരം അഞ്ച് മണി വരെ
കൊവിഡ് പ്രതിരോധ വാക്സീന് ഗുരുതര പാര്‍ശ്വഫലമുണ്ടെന്ന് വാക്‌സിന്‍ കമ്പനി ആസ്ട്രസെനെക വ്യക്തമാക്കിയതിന് പിന്നാലെ വാക്സീന് സര്‍ട്ടിഫിക്കറ്റില്‍ നിന്നും മോദി ഫോട്ടോ നീക്കി
റോഡ് ടെസ്റ്റിന് ശേഷം മാത്രം എച്ച് ടെസ്റ്റ്, കേരളത്തില്‍ പുതുക്കിയ ഡ്രൈവിംഗ് ടെസ്റ്റ് ഇന്നു മുതല്‍, പരിഷ്‌ക്കരണങ്ങളോട് ഇടഞ്ഞ് ഡ്രൈവിംഗ് സ്‌കൂളുകള്‍
'നായയെ പോലെ കിതച്ചെന്ന് ജാസ്മിനോടും', 'നീതി ദേവതയായി നടന്നിട്ട് നിലവാരമില്ലാത്ത കളി കളിക്കരുതെന്ന് റെസ്മിനോടും' ഗബ്രി, ബിഗ്‌ബോസില്‍ ഈ ആഴ്ച മൂന്ന് സുഹൃത്തുക്കള്‍ തമ്മിലുള്ള വഴക്ക്
മീന്‍ മുള്ള് തൊണ്ടയില്‍ കുടുങ്ങി, 91കാരിയുടെ തൊണ്ടയില്‍ നിന്നും ശസ്ത്രക്രിയയിലൂടെ മുള്ളെടുത്തത് അഞ്ച് ദിവസം കഴിഞ്ഞ്
Most Read
British Pathram Recommends
