ട്വിറ്റര് എലോണ് മസ്ക് ഏറ്റെടുത്തതിന് ശേഷം നിരവധി പ്രശ്നങ്ങള്ക്കിടയിലും പുത്തന് പുതിയ മാറ്റങ്ങളും ആശയങ്ങളും വന്നിരുന്നു. ഇപ്പോഴിതാ അത്തരത്തില് പുതിയൊരു വാര്ത്തയാണ് പുറത്തു വരുന്നത്.
രണ്ടു വര്ഷമായി നിലനില്ക്കുന്ന രാഷ്ട്രീയ പരസ്യങ്ങള്ക്കുള്ള വിലക്ക് നീക്കം ചെയ്യാനാണ് മസ്കിന്റെ പുതിയ നീക്കം. ഇതായി ഒരുങ്ങുകയാണ് എലോണ് മസ്ക് എന്ന തരത്തില് ട്വിറ്റര് സേഫ്റ്റി ഡിവിഷനാണ് വിവരം പുറത്തുവിട്ടത്.
വരും ആഴ്ചകളില് രാഷ്ട്രീയ പരസ്യങ്ങള്ക്കുള്ള അനുമതി ട്വിറ്റര് പുനഃസ്ഥാപിക്കുമെന്ന് പ്രതീക്ഷിക്കുന്നു. 2019ല് വ്യാപകമായ വിമര്ശനത്തെ തുടര്ന്ന് രാഷ്ട്രീയ പരസ്യങ്ങള്ക്ക് നിയന്ത്രണം ഏര്പ്പെടുത്തിയിരുന്നു. തിരഞ്ഞെടുപ്പ് സമയത്ത് വ്യാജ വിവരങ്ങള് പ്രചരിപ്പിക്കാനുള്ള സാധ്യത കണക്കിലെടുത്തായിരുന്നു ട്വിറ്ററിന്റെ നീക്കം.
നേരത്തെ, സമാനമായ രീതിയില് രാഷ്ട്രീയ പരസ്യങ്ങള്ക്കും ഫേസ്ബുക്ക് നിയന്ത്രണങ്ങള് ഏര്പ്പെടുത്തിയിരുന്നു. നിലവില് കടുത്ത സാമ്പത്തിക പ്രതിസന്ധി നേരിടുന്നതിനെ തുടര്ന്നാണ് ട്വിറ്ററിന്റെ തീരുമാനം. മസ്ക് ട്വിറ്റര് ഏറ്റെടുത്തതിന് ശേഷം ബ്ലൂടിക്കിനും പണം ഈടാക്കാന് തീരുമാനിച്ചു.