പതിനാലുകാരിയായ പെണ്കുട്ടിയുമായി ഒളിച്ചോടിയ 55 കാരനായ കെഎസ്ആര്ടിസി ജീവനക്കാരന് അറസ്റ്റില്. പാറശ്ശാല കെഎസ്ആര്ടിസി ഡിപ്പോയിലെ വെഹിക്കിള് സൂപ്രവൈസറായ വര്ക്കല അയിരൂര് സ്വദേശി പ്രകാശനാണ് അറസ്റ്റിലായത്.
അയിരൂര് സ്വദേശി പ്രകാശന് ആണ് പോക്സോ കേസില് അറസ്റ്റിലായത്. പതിനാലുകാരിയെ ഫെയ്സ്ബുക്ക് വഴി പരിചയപ്പെടുകയും പ്രലോഭിപ്പിക്കുകയും ചെയ്ത് വീട്ടില് നിന്നും ഇറങ്ങിവരാന് പ്രേരിപ്പിക്കുകയുമായിരുന്നു. കുട്ടിയെ കാണാതായതോടെ രക്ഷിതാക്കള് ഡിസംബര് 3ന് പൊലീസില് പരാതി നല്കി. തുടര്ന്ന് കുട്ടിയുടെ സമൂഹ്യമാധ്യമങ്ങളിലെ ചാറ്റിങ് വിവരങ്ങള് പൊലീസ് പരിശോധിക്കുകയും ഇതിലൂടെ പ്രതിയെ കണ്ടെത്തുകയുമായിരുന്നു.
കുട്ടിയുമായി ട്രെയിനില് എറണാകുളത്തേക്ക് പോകുന്നതിനിടെയാണ് പിടികൂടിയത്. ടവര് ലൊക്കേഷന് പരിശോധിച്ച പൊലീസ് ഇരുവരെയും എറണാകുളത്തുവച്ച് പിടികൂടി. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.