വ്യാജ ശബ്ദരേഖയുണ്ടാക്കി പ്രവാസിയുടെ ഭാര്യയായ വീട്ടമ്മയെ അപമാനിച്ച സംഭവത്തില്‍ മദ്രസ മുന്‍ അധ്യാപകന്‍ അറസ്റ്റില്‍. വിഴിഞ്ഞം ടൗണ്‍ഷിപ് താഴെ വീട്ടുവിളാകത്തില്‍ മുഹമ്മദ് ഷാഫിയെ (24) പൂവാര്‍ പൊലീസാണ് അറസ്റ്റ് ചെയ്തത്. മദ്രസ അധ്യാപകനായ മുഹമ്മദ് ഷാഫി രണ്ടാം ക്ലാസില്‍ പഠിക്കുന്ന ഒരു കുട്ടി സ്ഥിരമായി ക്ലാസില്‍ വരാത്തതിന് അമ്മയോട് വിളിച്ച് ചോദിക്കുകയായിരുന്നു തുടക്കം.
പ്രവാസിയുടെ ഭാര്യയായ കുട്ടിയുടെ മാതാവിന്റെ മൊബൈലിലേക്ക് പിന്നെ അധ്യാപകന്‍ സ്ഥിരം സന്ദേശങ്ങള്‍ അയയ്ക്കുക പതിവായിരുന്നു. ശല്യം സഹിക്കാതെ വന്നപ്പോള്‍ ജമാഅത്തില്‍ ഉള്‍പ്പെടെ കുട്ടിയുടെ അമ്മ പരാതി നല്‍കുകയായിരുന്നു. തുടര്‍ന്ന് മദ്രസയിലെ അധ്യാപകസ്ഥാനത്തില്‍ നിന്ന് മുഹമ്മദ് ഷാഫിയെ ഒഴിവാക്കുകയും ചെയ്തിരുന്നു.
എന്നാല്‍ താന്‍ തെറ്റുകാരനല്ല എന്ന് വരുത്തി തീര്‍ക്കാന്‍ മറ്റൊരു സ്ത്രീയുടെ സഹായത്തോടു കൂടി വ്യാജ ശബ്ദ സന്ദേശം ഉണ്ടാക്കി കുട്ടിയുടെ മാതാവിന്റെ എന്ന രീതിയില്‍ സമൂഹമാധ്യമങ്ങളില്‍ പ്രചരിപ്പിക്കുകയായിരുന്നു. കൂടാതെ ഫോണില്‍ വന്ന ഇന്‍കമിംഗ് കാള്‍ ലിസ്റ്റിലും ഇയാള്‍ ആള്‍മാറാട്ടം നടത്തി.വിളിപ്പിച്ച സ്ത്രീയുടെ പേരും നമ്പരും മാറ്റി പരാതിക്കാരിയുടെ പേരും നമ്പരും ശബ്ദ സന്ദേശവും കാള്‍ ലിസ്റ്റില്‍ ഉള്‍പ്പെടുത്തി സ്‌ക്രീന്‍ ഷോട്ടുകളും എഡിറ്റ് ചെയ്ത ശേഷം ജമാഅത്തിലേക്ക് അയച്ചു.
വ്യാജമായി നിര്‍മ്മിച്ച സന്ദേശം സമൂഹമാദ്ധ്യമങ്ങളില്‍ പ്രചരിപ്പിച്ചു. ഇതോടെ വിശ്വാസികള്‍ രണ്ട് ചേരിയിലാകുകയും സംഘര്‍ഷത്തിന് ശ്രമിക്കുകയും ചെയ്തു. ഇതിനെ തുടര്‍ന്ന് നടത്തിയ അന്വേഷണത്തിലാണ് പ്രചരിപ്പിക്കപ്പെട്ട ശബ്ദസന്ദേശം വ്യാജമായി നിര്‍മ്മിച്ചതാണെന്നും പ്രചരിപ്പിച്ച സ്‌ക്രീന്‍ ഷോട്ടുകളെല്ലാം എഡിറ്റ് ചെയ്തതാണെന്നും പൊലീസ് കണ്ടെത്തിയത്. തുടര്‍ന്ന് പൂവാര്‍ സി.ഐ എസ്.ബി.പ്രവീണിന്റെ നേതൃത്വത്തില്‍ ്പ്രതിയെ അറസ്റ്റ് ചെയ്തു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. ഈ ശബ്ദസന്ദേശവും സ്‌ക്രീന്‍ ഷോട്ടുകളും വ്യാജമായി നിര്‍മ്മിക്കാന്‍ സഹായിച്ചവരെയും, സോഷ്യല്‍ മീഡിയകളില്‍ പ്രചരിപ്പിച്ചവരെയും അറസ്റ്റു ചെയ്യുമെന്ന് പൊലീസ് അറിയിച്ചു.
More Latest News
വാട്‌സ്ആപ്പിലൂടെ ആ പഴയ കള്ളകള്ളികള്‍ നടക്കില്ല, 'അക്കൗണ്ട് റിസ്ട്രിക്ഷന്‍' എന്ന ഫീച്ചറിലൂടെ ഉപയോക്താക്കള്‍ക്ക് തട്ടിപ്പ് അക്കൗണ്ടുകള്‍ റിപ്പോര്‍ട്ട് ചെയ്യാന്‍ സാധിക്കും
കൊച്ചിയില്‍ നവജാത ശിശുവിന്റെ മൃതദേഹം പ്ലാസ്റ്റിക്ക് കവറില്‍ കണ്ടെത്തി, റോഡില്‍ കിടന്ന മൃതദേഹം കണ്ടെത്തിയത് ക്ലീനിങ് തൊഴിലാളികള്‍, ഫ്ളാറ്റില് നിന്നും താഴേക്ക് വീഴുന്ന ദൃശ്യങ്ങള്‍ ലഭിച്ചു
ട്രാഫിക്ക് സിഗ്നലിലെ ചൂട് കുറയ്ക്കാന്‍ പുതിയ ആശയം, റോഡിലെ സിഗ്നലുകളിലെ കൊടും ചൂടില്‍ തണലൊരുക്കി പൊതുമരാമത്ത് വകുപ്പ്, സോഷ്യല്‍ മീഡിയയില്‍ സംഭവം ഹിറ്റ്
വയറുവേദനയുമായി എത്തിയ യുവതിയുടെ വയറ്റില്‍ നിന്നും നീക്കം ചെയ്തത് 10 കിലോഗ്രാമിലേറെ ഭാരമുള്ള മുഴ, ടീമിനെ അഭിനന്ദിച്ച് ആരോഗ്യ വകുപ്പ് മന്ത്രി വീണാ ജോര്‍ജ്
ലുക്ക് കണ്ടാല്‍ പാന്റില്‍ മൂത്രമൊഴിച്ചത് പോലെ, പക്ഷെ ഇത് സ്വന്തമാക്കണമെങ്കില്‍ 50,000 രൂപ കൊടുക്കണം
Most Read
British Pathram Recommends
