ക്ഷേത്രത്തില് നേരിട്ട് കയറി ചെന്ന് പ്രാര്ത്ഥിച്ച ശേഷം ക്ഷേത്രനടയില് നിന്നും രണ്ട് കാണിക്ക വഞ്ചികളുമെടുത്ത് കടന്നു കളഞ്ഞു. തകഴിക്ക് സമീപം കുന്നുമ്മ ആക്കള ക്ഷേത്രത്തിലെ ഭണ്ഡാരമാണ് ഇരുവരും ചേര്ന്ന് മോഷ്ടിച്ചത്.
ഇന്നലെ രാവിലെ ഏഴ് മണിക്ക് യുവാവും യുവതിയും നേരിട്ടെത്തിയാണ് മോഷണം നടത്തിയത്. യുവാവിനൊപ്പം ബൈക്കിലെത്തിയ യുവതി ക്ഷേത്രനടയിലെത്തി പ്രാര്ഥിച്ച ശേഷമാണ് മോഷണം നടത്തിയത്.
സംഭവം ഇങ്ങനെ, യുവാവിനൊപ്പം യുവതി ക്ഷേത്ര നടയിലെത്തി. നടയ്ക്ക് മുന്നില് നിന്ന് പ്രാര്ത്ഥിച്ച ശേഷം നടയിലുണ്ടായിരുന്ന രണ്ട് കാണിക്ക വഞ്ചികളുമെടുത്ത് കൈയില് കരുതിയ സഞ്ചിയിലിട്ട് അതേ ബൈക്കില് കടക്കുകയായിരുന്നു. മോഷണ ദൃശ്യം ക്ഷേത്രവളപ്പിലെ നിരീക്ഷണ ക്യാമറയില് പതിഞ്ഞതോടെയാണ് പുറത്തറിഞ്ഞത്.
ശാന്തിക്കാരന് രാവിലെ വന്നു ശ്രീകോവിലിനു വെളിയിലെ ദീപം കത്തിച്ചപ്പോള് ശ്രീകോവിലിനു മുന്നില് കാണിക്ക വഞ്ചികളുണ്ടായിരുന്നു. പിന്നീടു 11നു ശാന്തിക്കാരന് എത്തിയപ്പോഴാണു കാണിക്ക വഞ്ചികള് നഷ്ടമായ വിവരം മനസിലായത്. ക്ഷേത്ര ഭാരവാഹികള് അമ്പലപ്പുഴ പൊലീസില് പരാതി നല്കി. ക്ഷേത്രത്തില് മൂന്ന് മാസം മുന്പും കാണിക്ക വഞ്ചി മോഷണം പോയിരുന്നു. തുടര്ന്നാണ് നിരീക്ഷണ ക്യാമറകള് സ്ഥാപിച്ചത്.