കോവിഡ് 19, ഇന്ഫ്ലുവന്സ കേസുകള് വര്ധിക്കുന്ന സാഹചര്യത്തില് പുതിയ തീരുമാനവുമായി മഹാരാഷ്ട്ര. മഹാരാഷ്ട്രയിലെ സതാറയില് സര്ക്കാര്, അര്ധ സര്ക്കാര് സ്ഥാപനങ്ങളില് മാസ്ക് നിര്ബന്ധമാക്കിയിരിക്കുകയാണ്.
കോവിഡ് കൂടുന്ന സാഹചര്യത്തിലാണ് ഈ തീരുമാനമെന്ന് സത്താറ ജില്ലാ കലക്ടര് റുചേഷ് ജെയ്വാന്ഷി അറിയിച്ചു. ബസ് സ്റ്റാന്റ്, വിവാഹ പാര്ട്ടികള്, മറ്റ് പൊതു പരിപാടികള്, മാര്ക്കറ്റ് തുടങ്ങി ജനം തിങ്ങിക്കൂടുന്ന എല്ലായിടങ്ങളിലും മാസ്ക് ധരിക്കണമെന്നും സാമൂഹിക അകലം പാലിക്കണമെന്നും കലക്ടര് നിര്ദേശിച്ചു.
വിദ്യാഭ്യാസ സ്ഥാപാനങ്ങള്ക്കും ബാങ്കുകള്ക്കും ഉത്തരവ് ബാധകമായിരിക്കും. കോവിഡ് 19, ഇന്ഫ്ലുവന്സ കേസുകളില് വര്ധനവ് റിപ്പോര്ട്ട് ചെയ്യപ്പെട്ടതോടെ മുന്കരുതല് നടപടി സ്വീകരിക്കാന് മഹാരാഷ്ട്ര സര്ക്കാര് കലക്ടര്ക്ക് നിര്ദേശം നല്കിയിരുന്നു. സംസ്ഥാനത്ത് തിങ്കളാഴ്ച 248 പുതിയ കൊവിഡ് കേസുകളാണ് റിപ്പോര്ട്ട് ചെയ്യപ്പെട്ടത്.