മാധ്യമ പ്രവര്ത്തകന് കെ.എം.ബഷീറിനെ വാഹനമിടിച്ച് കൊലപ്പെടുത്തിയ കേസില് ശ്രീറാം വെങ്കിട്ടരാമന് തിരിച്ചടയിയായി ഹൈക്കോടതി ഉത്തരവ്. മാധ്യമ പ്രവര്ത്തകന് കെ.എം.ബഷീറിനെ വാഹനമിടിച്ച് കൊലപ്പെടുത്തിയ കേസില് ശ്രീറാം വെങ്കിട്ടരാമനെതിരായ നരഹത്യ കുറ്റം നിലനില്ക്കുമെന്നാണ് ഹൈക്കോടതിയുടെ ഉത്തരവില് പറയുന്നത്.
സംസ്ഥാന സര്ക്കാര് നല്കിയ അപ്പീലിലാണ് ഉത്തരവ്. അതേ സമയം രണ്ടാം പ്രതി വഫയെ കേസില് നിന്നും ഒഴിവാക്കി. നരഹത്യ കുറ്റം ഒഴിവാക്കിയ സെഷന്സ് കോടതിയുടെ നടപടിക്കെതിരെയാണ് സംസ്ഥാന സര്ക്കാര് ഹൈക്കോടതിയെ സമീപിച്ചത്. സെഷന് കോടതിയുത്തരവ് ഹൈക്കോടതി ഭാഗീകമായി റദ്ദാക്കി. പ്രഥമദൃഷ്ട്യാ വാഹനം അമിത വേഗതയിലായിരുന്നുവെന്ന് കോടതി നിരീക്ഷിച്ചു. വാഹനമോടിച്ചത് മദ്യപിച്ചതിന് ശേഷമാണെന്നും പ്രതി ശ്രീറാം വെങ്കിട്ടരാമന് തെളിവ് നശിപ്പിക്കാന് ശ്രമിച്ചുവെന്നും കോടതി വിധിയില് പരാമര്ശിച്ചു.
അതേസമയം, കേസിലെ രണ്ടാം പ്രതി വഫയെ കേസില് നിന്നും ഒഴിവാക്കി.