സംസ്ഥാനത്ത് ഇന്ന് ചെറിയ പെരുന്നാള് ആഘോഷം. നീണ്ട മുപ്പത് നാളത്തെ പ്രതശുദ്ധിയുടെ നിറവില് ഇന്ന് ചെറിയപെരുന്നാള് ആഘോഷിക്കുകയാണ് വിശ്വാസികള്.
പെരുന്നാള് നമസ്കാരത്തിന് ശേഷം ബന്ധുക്കളെയും സുഹൃത്തുക്കളെയും സന്ദര്ശിച്ച് പെരുന്നാള് സന്തോഷം വിശ്വാസികള് പങ്കുവയ്ക്കുകയാണ് ഇന്ന് ഓരോ വിശ്വാസിയും. കലണ്ടര് പ്രകാരം ഇന്നലെയായിരുന്നു ചെറിയ പെരുന്നാളെങ്കിലും ശവ്വാല് മാസപ്പിറവി ദൃശ്യമാകാത്ത സാഹചര്യത്തില് കേരളത്തില് ശനിയാഴ്ചയാണ് ചെറിയ പെരുന്നാള് ആഘോഷിക്കുന്നത്.
ഐക്യദാര്ഢ്യത്തിന്റെയും പരസ്പര സ്നേഹത്തിന്റെയും സന്ദേശമാണ് ചെറിയപെരുന്നാള് പങ്കുവയ്ക്കുന്നതെന്ന് രാഷ്ട്രപതി ദ്രൗപതി മുര്മു തന്റെ ആശംസാ സന്ദേശത്തില് അറിയിച്ചു. ഈ അവസരത്തില് സമൂഹത്തില് സാഹോദര്യവും സൗഹാര്ദവും പ്രോത്സാഹിപ്പിക്കുന്നതിന് നമുക്ക് പ്രതിജ്ഞയെടുക്കാമെന്നും രാഷ്ട്രപതി തന്റെ പ്രസ്താവനയിലൂടെ അറിയിച്ചു.
മതത്തിന്റെയും വിവിധ സംസ്കാരങ്ങളുടെയും അതിര്വരമ്പുകള് കടന്ന് ചെറിയപെരുന്നാള് നമ്മെ എല്ലാവരെയും ഒരുമിപ്പിക്കട്ടെയെന്ന് മുഖ്യമന്ത്രി തന്റെ ആശംസ പങ്കുവച്ചു. എല്ലാവര്ക്കും നന്ദിയും ഐക്യവും നിറഞ്ഞ മനോഹരമായ ആശംസകള് നേരുന്നതായും അദ്ദേഹം കൂട്ടിച്ചേര്ത്തു.