പ്രധാനമന്ത്രിക്ക് നേരെ ചാവേറാക്രമണം നടത്തുമെന്ന് ബിജെപി സംസ്ഥാന കമ്മിറ്റി ഓഫീസിലേക്ക് സുരക്ഷ ഭീഷണി. സ്വദേശി ജോസഫ് ജോണ് നടുമുറ്റത്തിലിന്റെ പേരിലാണ് കേരളത്തിലെത്തുന്ന പ്രധാനമന്ത്രി നരേന്ദ്രമോദിക്ക് സുരക്ഷാ ഭീഷണി വന്നത്.
കത്ത് എഡിജിപി ഇന്റലജന്സിന് കൈമാറി. ഇതിന്റെ അടിസ്ഥാനത്തില് അതീവ ഗൗരവത്തോടെ പൊലീസും രഹസ്യാന്വേഷണ വിഭാഗവും അന്വേഷണം ആരംഭിച്ചിരിക്കുകയാണ്.
മോദിയുടെ കേരള സന്ദര്ശനവുമായി ബന്ധപ്പെട്ട ഐബി റിപ്പോര്ട്ടിലാണ് സുരക്ഷാ ഭീഷണി ചൂണ്ടിക്കാണിക്കുന്നത്. പൊലീസും രഹസ്യാന്വേഷണ ഏജന്സികളും അന്വേഷണം ആരംഭിച്ചിട്ടുണ്ട്. ഏപ്രില് 24, 25 തീയ്യതികളിലാണ് മോദി കേരളത്തില് സന്ദര്ശനം നടത്തുക.
ബിജെപിയുടെ പ്രചരണത്തിന്റെ ഭാഗമായിട്ടാണ് പ്രധാനമന്ത്രിയുടെ കേരള സന്ദര്ശനം. കൊച്ചിയില് നടക്കുന്ന റാലിയിലും തേവര എസ്എച്ച് കോളേജ് ഗ്രൗണ്ടിലെ യുവം പരിപാടിയിലും, കൊച്ചി വാട്ടര് മെട്രോയുടെ ഉദ്ഘാടന ചടങ്ങിലുമാണ് മോദി പങ്കെടുക്കുക.