കോട്ടയത്ത് ചക്കാമ്പുഴയിലും പരിസര പ്രദേശങ്ങളിലും കുറുക്കന്റെ ആക്രമണം. ആക്രമണത്തില് നാല് പേര്ക്ക് പരിക്ക്. ഒരാളുടെ പരിക്ക് ഗുരുതരം.
ഇന്ന് രാവിലെ 6 മണിയോടെയാണ് കുറുക്കന്റെ ആക്രമണം ഉണ്ടായത്. നടുവിലാ മാക്കല് ബേബി, നെടുംമ്പള്ളില് ജോസ്, തെങ്ങുംപ്പള്ളില് മാത്തുക്കുട്ടി, തെങ്ങുംപ്പള്ളില് ജൂബി എന്നിവര്ക്കാണ് ആക്രമണമേറ്റത്. ഇതില് നടുവിലാം മാക്കല് ബേബി എന്നയാളുടെ മുഖത്ത് ഗുരുതരമായ പരിക്കുകളുണ്ട്. ഇദേഹത്തിന്റെ ഒരു വിരല് ഭാഗികമായി കുറുക്കന് കടിച്ചെടുത്തു.
കോട്ടയം രാമപുരം പഞ്ചായത്തിലാണ് സംഭവം. ഗുരുതരമായി പരിക്കേറ്റ ബേബിയെ കോട്ടയം മെഡിക്കല് കോളേജില് പ്രവേശിപ്പിച്ചു. അതേസമയം, പത്തനംതിട്ട വടശ്ശേരിക്കാവില് വീണ്ടും കടുവയിറങ്ങി. കടുവ ആടിനെ പിടിച്ചു. ഈ പ്രദേശത്തെ മറ്റൊരാടിനേയും കടുവ പിടിച്ചിരുന്നു. വനംവകുപ്പ് ഉദ്യോഗസ്ഥര് കഴിഞ്ഞ മൂന്ന് ദിവസമായി കടുവയെ കണ്ട സ്ഥലങ്ങളില് പരിശോധന നടത്തുകയാണ്. കടുവയെ പിടികൂടാന് കൂടും സ്ഥാപിച്ചിട്ടുണ്ട്.